Assamese Joke

ইন্টাৰনেচনেল পুলিছ কম্পিটিচন

By: Dhiman Adhikary
তো এবাৰ ইন্টাৰনেচনেল পুলিছ কম্পিটিচন হল কাজিৰঙাত

চব দেশৰ পুলিছ আহিল আৰু চবৰে বাবে এটাই খেল ৰাখিলে

কাজিৰঙাৰ ভিতৰত শহাপহু এটা এৰি দিব আৰু কিমান কম সময়ৰ ভিতৰত কোন দেশৰ পুলিছে শহাপহুটো উলিয়াই আনিব পাৰিব. !!!!!!!!!!!!

১/ স্কটলেণ্ড য়াৰ্ড গল, তিনি মিনিটৰ ভিতৰত শহাপহুটো উলিয়াই আনিলে

২/ এফ বি আই গল, দুই মিনিটৰ ভিতৰত শহাপহুটো উলিয়াই আনিলে

৩/ অসমৰ পৰা পুলিছ নিউ ফুকন গল

.......................................................
.......................................................

দুদিন পিছত বান্দৰ এটাক গায়ে মুৰে চিনিব নোৱাৰাকৈ পুলিচ নিউ ফুকনে বেন্দেজ কৰাই ৰাইডাং বেতেৰে বৈদ্য মাৰ দি কাজিৰঙাৰ পৰা উলিয়াই আনিলে, আৰু মা কচম বান্দৰটোৱে চিঞৰি চিঞৰি কান্দি কান্দি কৈ আছে " আবে নামাৰিবি আৰু মোক, মই শহাপহু হয়, মই শহাপহু হয় "

মাইকী কুকুৰা

By: Dip Chutia

এবাৰ এটা শিয়াল চিকাৰৰ উদ্দেশ্যে এটা গড়ালৰ কাষ পালেগৈ । সেই সময়ত গড়ালত ৰাজহাঁহ সাৰে আছিল । হৰ্থাৎ বাহিৰত খচমচনি শুনি বাহিৰলৈ চাই শিয়ালক দেখি .....ডকাইত....... ডকাইত....... বুলি চিঞৰিব ধৰিলে । ৰাজহাঁহৰ চিঞৰত গড়ালৰ সকলো সদস্য সাৰ পাই গল ।ৰাজহাঁহক তেনেকৈ চিঞৰা দেখি গড়ালৰ মাইকী কুকুৰাই মাত লগালে

;-ক'ত..... ক'ত..... ক'ত.... ক'ত..... ,,,

তেনেতে শিয়ালক বাহিৰত দেখি পাতিহাঁহে কলে :- তাত.......তাত.......তাত......তাত.....

মতা পাতিহাঁহটোৱে সকলোকে উদ্দেশ্যি ক'লে;- চুপ..... চাপ...,চুপ..... চাপ...,চুপ..... চাপ...,

কথা বিষম দেখি শিয়ালে চিকাৰৰ আশা বাদ দি গুছি গল ।ৰাতিপুৱা মতা কুকুৰাটোৱে ৰাতিৰ ঘটনাটোৰ খং সামৰিব নোৱাৰি বুকুত পাখি চপৰিয়াই চিঞৰিব ধৰিলে :- (ঢাপ-ঢাপ, ঢাপ-ঢাপ ) শিয়াল কুকুৰ ক'ত.......... (ঢাপ-ঢাপ, ঢাপ-ঢাপ ) পোৱাহ'লে তাক .............(ঢাপ-ঢাপ, ঢাপ-ঢাপ ) শিয়াল কুকুৰ ক'ত.......... (ঢাপ-ঢাপ, ঢাপ-ঢাপ ) পোৱাহ'লে তাক .............

তেনেতে মাইকী কুকুৰাই কালিনো কি চাই আছিল ভাৱেৰে ঠাট্টা কৰি লাহেকৈ ক'লে :- থঅঅঅক........ থক থক থক থক থক থক...........

অসমীয়া কৌতুক

গোপন বৈঠক

By: Dípankar Nath
'মোডী' আৰু 'ওবামা,ই এখন
গোপন বৈঠকত মিলিত হৈ আছে..!
.

তেনেতে তালৈ ৰাহুলবাবা সোমাই আহিল আৰু সুধিলে-- কি বিষয়ৰ ওপৰত আলোচনা চলি আছে..?

ওবামা : আমি ছৈধ্য হাজাৰ ভাৰতীয় আৰু 'চানী লিয়ন' ক মৃত্যু দণ্ড দিব বিছাৰিছো..!

ৰাহুল বাবা : 'চানী লিয়ন'ক কিয়..?

..
..
..
..
..

মোডী : (ওবামা উদ্দেশি) মই কৈছিলো নে, কোনোয়ে ছৈধ্য হাজাৰ ভাৰতীয়ৰ ওপৰত গুৰুত্ব নিদিব, সকলোয়ে মাথো 'চানী লিয়ন'ক মৃত্যুদণ্ড দিয়াৰ কাৰণ জানিব বিছাৰিব !

কেনেকৈ কলেজত জনপ্ৰিয় হব পাৰি

By: Master Dhruba Nath
কেৱল কলেজত পঢ়ি থকা সকলৰ বাবে । কেনেকৈ কলেজত জনপ্ৰিয় হব পাৰি ।
( লেখনিটো ২০০২ চনত এখন হাস্য ব্যঙ্গ আলোচনীত প্ৰকাশ পাইছিল )
মাষ্টাৰ ধ্ৰুৱ

কলেজত সকলোৱে মাজত জনপ্ৰিয় হবলৈ হলে তলৰ কিটিপ কেইটা ব্যৱহাৰ কৰি চাব পাৰে ।

১: মুখত অনবৰতে ১২০/১৬০ পান এটা ভৰাই চোবাই থাকিব ।

২: ইউনিফৰ্ম খুব কমেই পিন্ধিব । প্ৰায়ে বেলেগ বেলেগ ডিজাইনৰ কাপোৰ পিন্ধিব ।

৩: কাপোৰত সদায় কাঢ়া ইষ্টি কৰিবলৈ নাপাহৰিব ।

৪: চকুত চানগ্লাছ কাণত এটা ৰিং, চুলিৰ কাট কোনোবা নতুন চিনেমাৰ হিৰৰ দৰে হব লাগিব ।

৫: যিমান পাৰে সকলোৱে লগত নিজে গৈ চিনাকি হব । বাটে ঘাটে দেখিলে হাই হেল্ল বুলি কৈ হাত মিলাবলৈ নাপাহৰিব ।

৬: মাটি বাৰী বিক্ৰী কৰি , ঘৰত ওভতগোৰে নাচি হলেও নতুন মডেলৰ পালচাৰ এখন যোগাৰ কৰি লওক । আৰু পাছফালে সদায় এগৰাকী নতুন নতুন ছোৱালী উঠাই ফুৰক ।

৭: হোটেল ৰেষ্টুৰেণ্ট যতেই নহওক কলেজৰ ছোৱালীৰ লগত খোৱাৰ পাছত বিলটো আপুনি দি দিয়ক ।

৮: ক্লাছ কৰিবলৈ আহোঁতে কেৱল সৰু বহী এখন হে পকেটত লৈ আহিব । যাতে কোনোবাই কৰবাত লগ ধৰিলে যাবলৈ একো অসুবিধা নহয় ।

৯: কলেজলৈ নহাকৈ এদিনো নাথাকিব আকৌ দেই ।

১০: শেষত কও এটিয়া বিহুৰ বতৰ পাইছেহি । পাৰিলে বিহুত সকলোৱে ঘৰলৈ এপাক মাৰিব ।

কেনে পালে জনাব দেই ।

ৰচনা লিখা-১) গৰু অথবা ২) মহাত্মা গান্ধী

By: Ŕïňků Møñî Khâńìkãŕ
বছৰেকীয়া পৰীক্ষা। প্ৰশ্ন আহিল ৰচনা লিখা-১) গৰু অথবা ২) মহাত্মা গান্ধী
গুণীন চোকা ল'ৰা।সি ভাবিলে গৰু ৰচনাখনকে লিখা যাওঁক। গতিকে লিখিলে- গৰু পোহনীয়া জন্তু। তাৰ ঠেং চাৰিখন………… ।
ওচৰতে বহি থকা কণপায়ে জুমি জুমি কেইশাৰীমান লিখিলে। সি চাই চাই লিখি থকা শিক্ষকে দেখা পালে। গতিকে তেওঁ গুণীনক সুধিলে- গুণীন ৰচনা কি লিখিছাঁ?
গুণীন-ছাৰ গৰু।
শিক্ষক-তোমাৰ দৰে চোকা ল'ৰা এটাই গৰুৰ ওপৰত ৰচনা লিখিলে নুশুৱায়। মহাত্মা গান্ধীৰ ওপৰত লিখা।
এইবুলি শিক্ষকজন আঁতৰি গ'ল। গুণীনেও লৰালৰিকৈ ৰচনাখন কাটি মহাত্মা গান্ধীৰ ওপৰত ৰচনা লিখাত লাগি গ'ল।
এইফালে কণপাইৰ মহা পয়মাল হ'ল। সি ফুচফুচাই গুণীনক ক'লে- ঐ ৰচনাখন দেখুৱা না!!!
গুণীন- মোক বেয়া নাপাবি, মাত্ৰ ১৫ মিনিটহে আছে, দেখুৱাব নোৱাৰিম।
কণপায়ে কুটুৰি আছে, গুণীনে নেদেখুৱায়। শেষত অতিষ্ঠ হৈ ক'লে- ঐ কণপাই, তই তোৰ ৰচনা খনত য'ত য'ত গৰু শব্দটো লিখিছ তাৰ ঠাইত মহাত্মা গান্ধী লিখি দে। বাচ ৰচনা হৈ যাব।
কণপাইক আৰু কোনে পায়। সিও লাগি গ'ল লিখিবলৈ- মহাত্মা গান্ধী এবিধ পোহনীয়া জন্তু। মহাত্মা গান্ধীৰ ঠেং চাৰিখন। মাইকী মহাত্মা গান্ধীয়ে গাখীৰ দিয়ে‌.………………

সংগ্ৰহীত

গাটো ভাল নহয়

By: Mrinal Talukdar
ঘটিৰামে নতুনকৈ এটা চাকৰি পাইছে ।

হঠাৎ এদিন ঘটিৰামৰ গা বেয়া হোৱা বাবে কথাটো জনাই তেওঁ অফিচৰ বচলৈ এটা এচ.এম.এচ পঠালে ঃ “ ছাৰ মোৰ গাটো ভাল নহয় আজি , সেয়ে অফিচলৈ যাব নোৱাৰিম আজি ...”

ঘটিৰামৰ এচ.এম.এচ পোৱাৰ লগে লগেই বচে তেওঁলৈ ৰিপ্লাই দিলে আন এটা এচ.এম.এচ পঠাই ঃ “ তোমাৰ মেচেজ পালোঁ । মোৰ গা বেয়া মই মোৰ পত্নীক চুমা খাওঁ আৰু তেওঁৰ সতে সময়বোৰ কটাওঁ। মনটো ভাল লাগে । তুমি ও সেইটো কৰি চাবাচোন । মনটো ভাল লাগিব নিশ্চয় তোমাৰ ! ...

প্রায় দুঘন্টামান পাচত ঘটিৰামে বচলৈ আকৌ এটা মেচেজ পঠালে ঃ “ ধন্যবাদ ছাৰ । আপোনাৰ পত্নী সঁচাকৈয়ে বৰ মৰমীয়াল আৰু কিউট । মই এতিয়া একেবাৰে সুস্থ ! ...... “

বিয়নী মেল

By: Ripunjoy Chetia
এজনী হাঁহ আৰু এজনী কুকুৰাৰ মাজত বিয়নী মেল চলি আছে।কিছুসময় পৰচর্চা কৰাৰ পিছত অলপ নিজৰ কথাও ওলাল।
.
হাঁহ: আমাৰ এওঁ মোক আজিকালি বহুত মৰম কৰে জানা।
.
কুকুৰা: (বিশেষ গুৰুত্ব দিয়া যেন নেদেখুৱাই): কিয়?
.
হাঁহ:মই যে আজি এক মাহ ধৰি একেৰাহে কণী পাৰি আছোঁ।
.
কুকুৰা(বেকাকৈ হাঁহি এটা মাৰি):সেইটোনো কি কথা?মই দেখোন দুমাহ একেৰাহে কণী পাৰি আছোঁ।
.
হাঁহ(নাকৰ পাহি দুটা অলপ ফুলাই):
মোৰ কণীকেইটা ডাঙৰ আৰু সেইকাৰণে দামো বেছি।তোমাৰ বাৰু এটা কণীৰ দাম কিমান?
.
কুকুৰা: ৭ টকা।
.
হাঁহ: মোৰ যে এটাৰ দাম ৮টকা।
.
কুকুৰা(ষ্টাইলত পাখি দুখন অলপ মেলি আকৌ জপাই):এটকাৰ কাৰণে ইমান কষ্ট কৰিবলে এওঁ মোক নিদিয়ে দেই,আফটাৰ অল ফিগাৰো বেয়া হ'বতো!

পুণৰ অপাৰেচন

By: Dípankar Nath
অস্ত্রোপচাৰৰ পিছত এজনী ছোৱালীৰ পেটত এখন কেচি সোমাই থাকিল !
.


ডাক্তৰে পৰীক্ষা কৰি কলে যে--
আপোনাক পুণৰ অপাৰেচন কৰিব লাগিব !

ছোৱালী : পাগল নেকি..? প্রথম বাৰ কৰোতেই ইমান ভয় খাই আছিলো !
এইয়া ২০ টকা লওক--

..

..

..

..

'নতুনকৈ এখন কিনি লব..!'

অলপ কৌতুক!!!! অলপ সাথৰ!!!!

By: Achinta S. Projai

কোনোবাই যদি আগতে পাইছে, ইতিকিং নকৰিব!!!! অলপ পুৰণি!!!!

চাৰিজন পাঞ্জাবী বন্ধুৱে ব্যৱসায় কৰিবলৈ ওলাল!!!
প্ৰথমে তেওলোকে গাড়ীৰ গেৰেজ এখন খুলিলে, কিন্তু কি আচৰিত!? কোনেও গাড়ী বনাবলৈ সেইখন গেৰেজলৈ নাহিল!!!!
কিয় ?????
৷
৷
৷
৷
৷
৷
৷
৷
কাৰণ গেৰেজখন তেওলোকে বিল্ডিঙৰ চতুৰ্থ মহলাত বনাইছিল!!!!
৷
৷
গেৰেজৰ ব্যৱসায় নচলা দেখি তেওলোকে এইবাৰ মিঠাইৰ দোকান খুলিলে, কিন্তু এইবাৰো তেওলোকৰ মিঠাই খাবলৈ কোনো গ্ৰাহক নাহিল!!!!!
কব পাৰিবনে??? কিয় ????
৷
৷
৷
ভাবক, ভাবক!!!
৷
৷
৷
৷
৷
৷
৷
৷
কাৰণ তেওলোকে মিঠাইৰ দোকানত আৰি থোৱা গেৰেজৰ বোৰ্ড খন আতৰাই দিবলৈ পাহৰিলে!
৷
৷
৷
এই ব্যৱসায়ো যেতিয়া নচলা হল, এইবাৰ তেওলোকে টেক্সিৰ ব্যৱসায় কৰিবলৈ সিদ্ধান্ত ললে আৰু এখন car কিনি ভাৰা মাৰাৰ কথা ভাবিলে!?? কিন্তু কি আচৰিত!!!! তেওলোকৰ গাড়ীত কোনো যাত্ৰী (passenger) নহা হল!!!!

কিয়??????
৷
৷
৷
৷
৷
৷
চিন্তা কৰক!!!
৷
৷
৷
৷
৷
৷
৷
৷
কিয়নো চাৰিজন বন্ধুৱেই গাড়ীৰ ভিতৰত অনবৰতে বহি থাকে!!!!
৷
৷
৷
৷
এদিন হঠাৎ তেওলোকৰ গাড়ী খন বেয়া হৈ থাকিল!!!! গেৰেজলৈ নিম বুলি চাৰিওজনে গাড়ী খন ঠেলিব ধৰিলে!!!!
কিন্তু গাড়ী খন একেটা জাগাতে ৰৈ থাকিল!!!!

কওকচোন!!!! কিয়?????
৷
৷
৷

৷



৷
৷
৷
৷
কিয়নো গাড়ী খনক দুজনে আগফালৰ পৰা আৰু আন দুজনে পিছফালৰ পৰা ঠেলি আছিল!!!!
৷
৷
৷
৷
বাল্লে বাল্লে ৷৷৷৷৷

গৱেষনা

By: লক্ষ্য জ্যোতি নাথ
ফেচবুকত বহু দিনৰ গৱেষনা অন্তত কেইতামান তথ্য ডাঙি ধৰিলো-

মুখমণ্ডল কিতাপ (ফেচবুকত) আজি কালি তিনি-চাৰি প্ৰকাৰ মান প্ৰাণী ওলাইছে যি আপোনাক ফেচবুকত তামাম কামোৰ দিয়ে, এই প্ৰাণী কেইবিধ আপোনাৰ 'ফেণ্ড লিষ্ট'ত থাকিলে আপুনি 'নটিফিকেচন'ৰ উটপাতত 'ফেচবুক' খুলিব ভয় খাব। আহঁকচোন আমি এই প্ৰাণী কেইবিধনো কোন, তেওঁলোকৰ বৈশিষ্ট্য কি অলপ চাওঁ-

টেগি বাবা :- এই বিধ প্ৰাণী আজিকালি ফেচবুকত প্ৰায়ে পোৱা যায়। এই প্ৰাণী বিধৰ বৈশিষ্ট্য হ'ল এই প্ৰাণী বিধে আপোনাক নানা অযথা ফটো টেগাই টেগাই আপোনাৰ 'টাইম লাইন' খন লেটেৰা কৰা লগতে 'নথিফিকেচন'ৰ উটপাতত আপোনাক মুৰৰ বিষ কৰায় 'ডিচপ্ৰিণ' খাব বাধ্য কৰাব। এনেকোৱা প্ৰাণী আপোনাৰ 'ফেণ্ড লিষ্ট'ত যদি দহতাও থাকে তেন্তে দুদিনত আপোনাৰ ৱাল উৰুৱাই দিব ফটো টেগাই টেগাই।

প'ক (POKE ) বাবা :- এই প্ৰাণী বিধৰ কিছুমান মহত্ব আছে। এই প্ৰাণী বিধৰ বেছি সংখ্যকে আপোনাক 'ফেণ্ড ৰিকুয়েষ্ট' নপঠাই, তাৰ সলনি প'ক (Poke) কৰিব, যাৰ অৰ্থ আমি অনুসন্ধান কৰি পাইছো যে তেওঁ ব্লক হৈ আছে, আপুনি তেখেতক 'ফেণ্ড ৰিকুয়েষ্ট' পঠাব লাগে। এই প্ৰাণী বিধৰ কিছুমান ব্যতিক্ৰমো আছে যি আপোনাৰ 'ফেণ্ড লিষ্ট'ত আছে আৰু আপোনাক 'প'ক' কৰি থাকিব, আপুনি 'প'ক বেক' কৰক তেওঁ 'প'ক বেক' কৰিব। সেইতোৱে কাম।

লাইক গুৰু :- এই বিধ আপুৰুগীয়া প্ৰাণী আপোনাৰ 'ফেণ্ড লিষ্ট'ত থাকিবও পাৰে নাথাকিবও পাৰে, এই প্ৰাণী বিধৰ বৈশিষ্ট্য হ'ল এই প্ৰাণী বিধে আপোনাক এটা বাৰ্তা (মেছেজ) পঠাব য'ত লিখা থাকিব "প্লিজ লাইক মাই পি.পি (প্ৰফাইল পিকচাৰ) " আপুনি ইচ্ছা কৰিলে তেওঁক এটা 'লাইক' দিব পাৰে নহ'লে কওক "নেক্ষ্ট প্লিজ" (আগলৈ যাওঁক)

গ্ৰোপ মেছেজ মেনিয়া :- এই জাতৰ প্ৰাণী বিধৰ আৰ্বিভাব হোৱা বৰ বেছি দিন হোৱা নাই। এই প্ৰাণী বিধৰ বৈশিষ্ট্য এই প্ৰাণী বিধে আপোনাক এটা বাৰ্তাগোট (মেছেজ গ্ৰোপ) ত এড(যোগ) কৰিব আৰু তেওঁৰ লগতে সেই গোটতোৰ আন সদস্য বোৰেও যি তি মেছেজ দি দি আপোনাক এসেকা দিব। আপুনি Messages(1) দেখি কোনোবায়ে দৰকাৰী বাৰ্তা দিছে বুলি খুলিব আৰু দেখিব গ্ৰোপ মেছেজত কোনোবায়ে "Hi add me" , "" , "Hello" আদি বুলি লিখি মেছেজ দিছে। আপোনাৰ যদি হাই প্ৰেচাৰ আছে, সোনকালে তেজ গৰম হয় তেন্তে লগতে 'Leave these conversation' এপলাই কৰি গ্ৰোপতোক লগতে তেখেত সকলক বিদায় দিয়ক।

(ফেচবুকৰ হৃতাৰ্থে প্ৰচাৰিত)
-লক্ষ্য জ্যোতি নাথ
পি.এইচ.ডি ইন ফেচবুক

নৰেন্দ্ৰ মোডীক মই চিনি পাওঁ

By: Rituraj Borgohain

কনপিতৌ, নগেন, কনটিলৌ আটাইমখাই আগন্তুক নির্বাচনৰ কথালৈ আড্ডা মাৰি আছে । সকলোৱে এইবাৰ মোডীৰ চৰকাৰ অহাটোৱেই বিচাৰে । আমাৰ কনপিতৌ কম নহয় । কথাৰ প্ৰসংগত সি ঘপককৈ কৈ পালে
কনপিতৌ > নৰেন্দ্ৰ মোডীক মই ভালকৈ চিনি পাওঁ । তেখেতৰ লগত মই ভাত খাই পাইছো ।
তাৰ কথা শুনি বাকীকেইটা আচৰিত হল । সি সদায় গাৱঁত থকাটোৱে আকৌ মোডীক কত লগপালে । সিহঁতে কলে আমাকো চিনাকি কৰাই দিবিচোন ।
.
.
.
কনপিতৌ > সেইদিনা মোডীয়ে টি ভিত ভাত খোৱা দেখুৱাই থাকোতে মইও ঘৰত খাই আছিলো তেনেকৈহে লগত খাইছো । আৰু চিনিপাওঁ মানে মইহে পাওঁ তেখেতে....
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
মোক চিনি নাপাই নহয় ।

হাতী আৰু পৰুৱা

By: Deep Jyoti Nath

এবাৰ ''কমেডী নাইটচ ওইথ কপিল''ত আমাৰ অসমৰ জুবিন দা গ'ল । দৰ্শক হিচাপে মই আৰু ৰুপম গ'লো । জমনী-চমনী, গান-নাচ আদি সকলো হৈ গ'ল ।

কপিলঃ - এইয়া আমাৰ মাজত উপস্থিত থকা অসমৰ ৰকিং চুপাৰ ষ্টাৰ গায়ক জুবিনক দৰ্শক ৰাইজে কিবা সুধিব বিচাৰিলে এজন-এজনকৈ সুধিব পাৰে ।

মই ফটাফট থিয় হৈ সুধিলো, ''জুবিন দা, আপুনি সকলো ভাষা আৰু সকলো বিষয়তে গান গাইছে, কিন্তু আজিলৈকে 'বিয়া নাম'ত কিয় গোৱা হোৱা নাই ?''

জুবিনে কিবা অলপ কোৱাৰ পাচত কপিলে মোক মঞ্চলৈ মাতিলে । মই উঠি গ'লো, মোৰ পিছে পিছে টিভিত উঠা হেঁপাহত ৰুপমো উঠি গ'ল । কপিলে ৰুমপক দেখুৱাই মোক সুধিলে, ''কৌন হে ইয়ে আদমি ?''

মই :-- ছাৰ মোৰ বন্ধু..... আমি দুটায়ে এক্ট এটা কৰিম বুলি ভাবিছোঁ ! ছাৰ, কাৰ এক্ট ভাল হয় আপুনি চাই দিব দেই ।

কপিলে অনুমতি দিলে । ৰুপম আৰু মই আমাৰ এক্ট আৰম্ভ কৰি দিলোঁ ।

মই প্ৰথম আৰম্ভ কৰিলো এনেকৈ........ এবাৰ হাতী আৰু পৰুৱানীয়ে প্রেম কৰি ধৰা পৰিল ।
পৰুৱানীৰ মা :- তোৰ ইমান ডাঙৰ সাহস, মোৰ ছোৱালী হৈ হাতীৰ লগত প্ৰেম কৰ্ ! আজিৰপৰা হাতীৰ লগত তোৰ যোগাযোগ বন্ধ !
পৰুৱানী :- (কান্দি কান্দি) তেনেকুৱা নকৰিব মা, মোৰ পেটত হাতীৰ সন্তান আছে ।
(সকলোৱে হাঃহাঃহাঃ... কৈ হাঁহি তালি মাৰিলে ।)

এইবাৰ ৰুপমে এটা ক'লে..... এদিন পৰুৱাই হাতীৰ কাষলৈ গৈ গেঞ্জিটো ধাৰলৈ বিচাৰিছে । পৰুৱাৰ কথাশুনি অবাক হৈ হাতীয়ে পৰুৱাক সুধিলে, ''অই মোৰ গেঞ্জী লৈ কি কৰিবি ?''
পৰুৱা :- কাইলৈ মোৰ ছোৱালীৰ বিয়া । ৰভা দিম ।
(এইবাৰ দৰ্শকে অলপ কমকৈ হাঁহিলে )

মই এইবাৰ ক'লো....... হাতী আৰু পৰুৱাৰ ভিতৰত দৌৰ প্রতিযোগিতা হৈছে । প্রতিযোগিতাৰ শেষত সকলোৱে দেখিলে হাতী প্রথম হ'ল, কিন্তু কম্পিউটাৰত ভাল ভাৱে লক্ষ্য কৰি দেখা গ'ল যে পৰুৱাহে প্রথম । কেনেকৈ ?
ৰুপম :- আচলতে হাতীৰ শুৰৰ আগত পৰুৱাটো আছিল । সেয়ে পৰুৱা প্ৰথম হ'ল ! (হাঃহাঃহাঃ কৈ দৰ্শক সকলোৱে হাঁহিলে...)
ৰুপম :-- এবাৰ হাতী আৰু পৰুৱা গছত উঠিল । অলপ পাচত হাতীয়ে জপিয়াই দিলে, হাতী মৰি গ'ল । কিন্তু পৰুৱাটো নমৰিল.... কিয় নমৰিল ?

মই :-- কাৰণ পৰুৱাটোৱে জপিওৱা নাছিল । (হাঃহাঃহাঃ কৈ দৰ্শক সকলোৱে হাঁহিলে)
মই :-- হাতী আৰু পৰুৱা দুয়োটাই মটৰ চাইকেল চলাইছে । হঠাৎ সিহঁত দুয়োটাৰে এক্সিডেন্ট হ'ল । হাতী মৰি গ'ল কিন্তু পৰুৱাৰ একো নহ'ল । ইয়াৰ কাৰণ কি ?

ৰুপম :-- কাৰণ পৰুৱাটোৱে হেলমেট পিন্ধি আছিল ! (হাঃহাঃহাঃ.... কৈ দৰ্শক সকলোৱে হাঁহিলে)
ৰুপম :-- হাতী আৰু পৰুৱা দুয়োটা খুব মেধাৱী ষ্টুডেন্ট । দুয়োটাই সকলো সময় খুব পঢ়া শুনা কৰি থাকে । কিন্তু পৰীক্ষাৰ শেষত দেখা গ'ল পৰুৱা পাছ কৰিলে, হাতী ফেইল কৰিলে । কাৰণ কি ?

মই :- কাৰণ হাতী হ'ল 'গজনী(আমিৰ খান)' অলপ পাছত সকলো পাহৰি যায় । (হাঃহাঃহাঃ কৈ দৰ্শক সকলোৱে হাঁহিলে)
মই :-- হাতি আৰু পৰুৱা স্কুললৈ গৈছিল । কিন্তু হাতীটো মাজ ৰাস্তাৰপৰা ঘৰলৈ গুচি আহিল । কিয় গুচি আহিল ?

ৰুপম :-- কাৰণ হাতীৰ চাৰ্টত কাউৰীয়ে হাগু কৰি দিলে । (হাঃহাঃহাঃ... কৈ দৰ্শক সকলোৱে হাঁহিলে)
ৰুপম :-- কেন্টিনৰপৰা পুৰা দুশ টকা দি বহুতো আইচক্রীম আৰু ক'ক কিনি আনিছিল দুটা হাতীয়ে । তেনেতে দুটা পৰুৱাই আহি দুয়োটাকে আগভেটি ধৰিলে । কোনো শব্দ নকৰি হাতীদুটায়ে পৰুৱাদুটাক সকলোবোৰ দি ভয়ে ভয়ে গুচি গ'ল । কাৰণ কি ?

মই :-- কাৰণ পৰুৱা আছিল ক্লাছ ইলেভেন আৰু হাতী কেৱল ক্লাছ এইট । (হাঃহাঃহাঃ... কৈ দৰ্শক সকলোৱে হাঁহিলে)

কপিল :-- হ'ব হ'ব..... তোমালোকে এনেকৈ এক্ট কৰি থাকিলে আমাৰ এই প্ৰগাম আৰু দীঘলীয়া হৈ গৈ থাকিব । দুয়োটাই তোমালোকৰ এক্ট ভাল কৰিছা, যোৱা নিজৰ চিটত বহাগৈ ।

''থেংকিউ ছাৰ'' বুলি কৈ আমি দুটা গুচি আহিলো ।

এইবাৰ কপিলে এটা ক'লে....

পৰুৱাৰ ভিচা, পাচপর্ট আদি সকলো আছে, সি প্রতিদিনে পাকিস্তান যায়...... দেখি হাতীৰো চখ হ'ল..... সিও পাকিস্তান যাব, যদিও তাৰ ভিচা-পাচপর্ট নাই ।

সি পৰুৱাক লগ ধৰিলে, ''দোস্তি, মোৰো পাকিস্তান যাবলৈ মন যায় ।''

পৰুৱাই ক'লে, ''কোনো প্ৰবলেম নাই । ব'ল পাকিস্তান যাওঁ ।''

হাতী আৰু পৰুৱা বর্ডাৰ ক্রচ কৰিছে, তেনেসময়তে বিএচএফয়ে আগভেটি ধৰিলে । হাতীক ভিচা পাচপর্ট দেখুৱাব দিলে ।

হাতীয়ে ক'লে, ''দাদা, মোৰ সেইবোৰ একো নাই এই পৰুৱাটোৱে মোক লৈ আহিছে, তাৰ সৈতে কথা পাতক ।''

তাৰপাছত পৰুৱাটোৱে আহি হাতীটোক দেখুৱাই ক'লে, ''এইবাৰ পাকিস্তানত বহুত দিন থাকিব লগীয়া হ'ব, সেয়ে লগত খাদ্য আনিছোঁ । খাদ্যৰ বাবেও ভিচা পাচপর্ট লাগে নেকি ?''

বদঅভ্যাস

By: Sukannya Das
এদিন আমাৰ কণটিলাই গাড়ীৰ অপেক্ষাত নগাওঁৰ জয়শ্ৰী হলৰ সন্মূখত ৰৈ আছিল । তেনেতে এজন ভিক্ষাৰীয়ে তাৰ কাষলৈ আহি টকা খুজিব ধৰিলে । কণটিলাই তাৰপৰা পাতলা দিব ধৰিছিল কিন্তু ভিক্ষাৰীজনে তাৰ পিছ নেৰা হ'ল, তেওঁ বাৰে বাৰে তাক টকা বিচাৰি অসুবিধা দি আছিল ।
কণটিলাই ভিক্ষাৰীজনৰপৰা কেনেকৈ সকাহ পোৱা যায় ভাবিৱ ধৰোঁতেই মনলৈ এটা বুদ্ধি আহিল ! সি ভিক্ষাৰীজনক ক'লে, "মোৰ হাতত বৰ্তমান টকা নাই, যদি আপুনি আপোনাৰ অসুবিধা জনায় তেন্তে নিশ্চয় আপোনাক মই সহায় কৰিম'' ।
ভিক্ষাৰী :-- মই এক কাপ চাহ খাবলৈ বিচাৰো ।
কণটিলা :-- মই আপোনাক চাহৰ সলনি এটা চিগাৰেট দিব পাৰো.....! বুলি কৈ সি পকেটৰপৰা চিগাৰেট এটা উলিয়ালে।
ভিক্ষাৰী :-- মই চিগাৰেট গ্ৰহণ নকৰো, চিগাৰেট স্বাস্থ্যৰ পক্ষে হানিকৰ ।
কণটিলাই হাঁহিলে আৰু আনটো পকেটৰপৰা কোআটাৰ এটা উলিয়ালে আৰুভিক্ষাৰী জনক ক'লে, ''এইটো বটল লওক ।''
ভিক্ষাৰী :-- মই মদ নাখাওঁ, মদে মানুহৰ মগজৰ বুদ্ধি-শক্তি হাস কৰে আৰু লিভাৰ বেয়া কৰে ।
কণটিলাই আকৌ হাঁহি এটা মাৰি ক'লে, ''মই ৰহা যাম, তাত কিছুমান জুআৰীয়েসদায় জুআ খেলে, আজি ময়ো খেলিম, তাত যিমানেই জিকিম সিমানেই আপুনাক দিম"!
ভিক্ষাৰী :-- জুআ খেলাটো বহুত বেয়াকাম, মই জুআ খেলিব নাজানো" ।
কণটিলাই ভিক্ষাৰীজনৰ অতিপাত টেঙনি পায় শেষত ক'লে, ''আপুনি মোৰ ঘৰলৈ যাব পাৰিবনে ?''
ভিক্ষাৰীজন ভাবনাত পৰিল এওঁৰ লগতগ'লে কিবা পাম নে একো নেপাম !!, এনেই যোৱা হ'ব নেকি !!!
তেওঁ সংকোচিত হৈ সুধিলে, ''আপুনি মোক আপোনাৰ ঘৰলৈ কিয় লৈ যাব বিচাৰিছে ?''
কণটিলা :-- মোৰ মানুহজনীয়ে সদায় এনেকুৱা এজন মানুহ চা'ব বিচাৰে, যাৰ কোনো বদঅভ্যাস নাই, মই তাইক দেখুৱাব বিচাৰো যে একো বেয়া অভ্যাস নথকা মানুহৰ কি গতি ।
লাইক/কমেন্ট/শ্বেয়াৰ কৰিবলৈ নাপাহৰিব' মামা নগেনৰ শপত ।

কিয় কাজিয়া কৰিছ ?

By: Mrinal Talukdar
স্কুলত পৰীক্ষা চলি আছিল । পৰীক্ষা শেষ হোৱাৰ পাচত ক্লাচৰ পৰা ওলায়েই দুজন ছাত্রৰ মাজত এখন তৈয়াময়া কাজিয়া লগা দেখি লগে লগেই স্কুলৰ শিক্ষক এজন তেওঁলোকৰ কাষলৈ দৌৰি আহিল ......

শিক্ষকঃ তহত দুয়োৱে কিয় কাজিয়া কৰিছ ? পৰীক্ষা শেষ হৈছে ঘৰলৈ যা ...

ছাত্রঃ ছাৰ ই মূর্খই পৰীক্ষাৰ বহীত একোৱেই নিলিখিলে ...

শিক্ষকঃ সি পৰীক্ষাত একো নিলিখিলে নাই , তাত কাজিয়া কৰিব লগা তোৰ কি হ’ল ?
..............................

ছাত্রঃ ছাৰ মই ও মোৰ পৰীক্ষাৰ বহীত একোয়েই লিখা নাই , এতিয়া আমাৰ দুয়োৰে বহী দুখন দেখাত একেবাৰে একে হৈ থকা বাবে দেখোন আমি এজনে আনজনৰ পৰা চাই চাই লিখা বুলি ভাবিব আপোনালোকে !............
সেইবাবেই মোৰ বিৰাট খং উঠি আছে তালৈ ..............................

মোৰ ছাগলীটো ঘূৰাই দিবনে ?

by: Dípankar Nath
পাহাৰীয়া এটা অঞ্চল, এজন খেতিয়কে মুক্তমনেৰে নিজৰ পশুবিলাক চৰাই আছে..!
ঠিক তেনেতে তেঁওৰ কিছু আতৰত এখন হেলিকপ্টাৰ লেণ্ড কৰিলে আৰু এজন সুন্দৰ মানুহ নামি আহি খেতিয়কক জনক উদ্দেশি কলে-- এই অঞ্চলত কিমান ঘৰ মানুহ আছে, মই আপোনাক সঠিক তথ্য দিব পাৰিম বিনিময়ত আপুনি আপোনাৰ ছাগলী এজনী মোক দিব লাগিব !
খেতিয়কজনে মনতে কিছু সময় ভাবিলে, তাৰ পিছত কলে-- ঠিক আছে বাৰু মই ৰাজী !

মানুহে নিজৰ ম'বাইলত গ'গল এপচ (Google Apps)ৰ দ্বাৰা সেই অঞ্চলৰ তথ্যসমূহ জানি লৈ খেতিয়ক জন উত্তৰ দিলে -- ইয়াত ৭২ ঘৰ মানুহ আছে !

এইবুলি কৈয়ে এজনী ছাগলী বান্ধি লৈ মানুহ জনে হেলিকপ্টাৰত তুলিবলৈ ধৰিলে !

মহোদয়, মই যদি আপোনাৰ নামটো সঠিক কৈ কব পাৰো তেন্তে মোৰ ছাগলীটো ঘূৰাই দিবনে ? ...খেতিয়কজনে সুধিলে !

: ঠিক আছে দিম বাৰু, কিন্তু মোৰ নাম কি..?

-- আপোনাৰ নাম 'ৰাহুল গান্ধী' !

: ( আচৰিত হৈ ) তই কেনেকৈ গম পালি..?

..

প্রথম কথা, আপোনাক কোনেও
নমতাকৈ নিজে নিজে আহিছে !

দ্বিতীয়তে, জনতাৰ টকা খৰছ কৰি আহি মোক সেইটোকে জনাইছে যিটো মই আগতেই জানো !

তৃতীয়তে, আপুনি ছাগলী বুলি ভেড়াটোকে বান্ধি লৈছে !

..
..

এতিয়া মোৰ কুকুৰটো মোক ঘূৰাই দিয়ক !

জুতি বাইৰ বিয়া

by: আকাশ জ্যোতি দেৱ গোস্বামী
গাজাৰী লেণ্ডৰ সম্ৰাজ্ঞী, বেণ্ডিদ কুইন খ্যাত টিও টিও ওৰফে জুতি বাইৰ বিয়াৰ পাছৰ কাহিনী -

এদিন মাজৰাতি জুতি বাইএ ঘৰলৈ ফোন কৰিলে

মাক :-- হেল্ল'

বেণ্ডিদ কুইন :-- হেল্ল' মা, আজি মোৰ মানুহজনৰ লগত কাজিয়া লাগিল !

মাক :-- চিন্তা নকৰিবি, পতি-পত্নীৰ মাজত এনেকুৱা বোৰ হৈয়েই থাকে !

বে. কু. :-- এহ সেইবোৰ কথা মোক পাছত বুজাবি !

আগতে ক এতিয়া লাচটো কি কৰিম !!!

কেইবিধমান নতুন ঔষধ

by: Khanindra Dutta
বিবাহিত পুৰুষৰ বাবে মহিলা গৱেষকে কেইবিধমান নতুন ঔষধ আৱিস্কাৰ কৰিছে ।
ANIVERSIA : জন্মদিন আৰু বিবাহ বাৰ্ষিকীৰ দিন মনত ৰাখিবলৈ পুৰুষৰ স্মৃতিশক্তি বৃদ্ধি কৰে।
SLIMOXIL : নিজৰ পত্নীক শ্লিম দেখিবলৈ পুৰুষৰ চকুৰ কৰ্ণিয়া বহলায় ।
SPORTOBLIND X : এইবিধ ঔষধে Tvৰ পৰ্দাত Sportsশব্দতো দেখাত পুৰুষক বাধা দিয়ে যাৰ বাবে মহিলাসকলে নিশ্চিন্তমনে Tvত চিৰিয়েল চাব পাৰে।
WORKOCETAMOL : ঘৰুৱা কাম কৰিবলৈ পুৰুষৰ এটা হেঁপাহ নপলোৱা ইচ্ছা জগাই তোলে ।
SHOPHOFOBEX : প্ৰতি সপ্তাহতে নিজৰ পত্নীক স্বপিং কৰিবলৈ নিবলৈ আৰু বাহিৰত ঘন্টা ধৰি অপেক্ষা কৰি থাকিবলৈ ব্যাকুল কৰি তোলে ।
FLIRTONATE N : যেতিয়া অন্য কোনো ধুনীয়া মহিলা কাষেৰে পাৰ হৈ যায় পুৰুষৰ দৃষ্টিশক্তি কমাই আনে ।

উল্লেখনীয় যে এই সকলোবোৰ ঔষধ সেৱন কৰাবলৈ পত্নীয়ে বিশেষ গুৰুত্ত আৰোপ কৰাতো নিতান্তই প্ৰয়োজনীয় ।

ৰান্ধনিৰ প'ষ্ট

By: Madhurjya Dutta
এবাৰ নগেন আৰু খগেন চহৰত ধন ঘটিবলৈ গ'ল ৷ কিন্তু ক'তো কাম বিছাৰি নাপালে ৷ শেষত এঘৰত যেনিবা ৰান্ধনিৰ প'ষ্ট ত চাণ্স পাই গ'ল ৷
লেঠা লাগিল ৰন্ধাৰ সময়ত, দুয়োটাৰে এটায়ো ৰান্ধিব নেজানে , ইফালে মালিকক সব কাম জানো বুলি কোৱাৰ কাৰনেহে কাম দিছিল ৷
যি হ'ব ভাবি নগেনে খগেনকে প্ৰথমতে ভাত ৰান্ধিবলে ক'লে, বাকীবোৰ সি কৰিব ৷ কিন্তু ৰান্ধনি ঘৰত সোমাই আকৌ বিপদ লাগিল, খৰিৰ ব্যৱস্হা নাই (আজিকালি সকলোতে ৰন্ধন গেছ)৷ তেনেতে দেখিলে এচুকত তেলৰ টেংকি আৰু ষ্ট'ভ সাজু আছে,ৰক্ষা উপায় ওলালে, কিন্তু আকৌ লাগিল লেঠা জুইশলা কাঠী জ্বলাই আছে ষ্ট'ভ নজলেহে নজ্বলে ৷
খগেন: ঐ নগেনকাই এইফালে আহ এইটো নজ্বলে দেখোন,
নগেন আহি দেখিলে যে কথাটো মিছা নহয়, আমাৰ টেঙৰ নগেনে ঘুৰি পকি চাই দেখিলে যে কথাৰ গুৰি বেলেগ, লগে লগে খগেনক দিলে ধমক "হেৰৌ মূৰ্খ তেলৰ টেংকি আছে তলত, ষ্ট'ভ আছে ওপৰত,ক'ত জ্বলিব, কমচেকম টেংকিতো ওপৰত উঠাই ল পাইপেদি তেল পাচ হোৱাকে ৷

দেখিলে নগেন কিমান বুদ্ধিয়ক

নগেন আৰু ঘৈণীয়েকৰ ফাকুৱা..

By: ডঃ মাখন লাল দাস

ফাকুৱাৰ দিনা ৰাতিপুৱাৰে পৰা নগেনহঁতৰ চুবুৰীৰ সকলোৱে ফাকুৱা খেলিছে৷ নগেনো খেলি-খেলি মছগুল৷
দুপৰীয়া ঘৰলৈ আহি দেখে ঘৈণীয়েকে চুবুৰীৰ সৰু-সৰু ল’ৰাবোৰ এটা এটাকৈ আনি চাবোন ঘঁহি ঘঁহি গা ধুৱাই আছে৷ তেনেদৰে দহটামানক গা ধুৱালে ঘৈণীয়েকে৷ আৰু প্ৰায় ত্ৰিশটামান ল’ৰা গা ধুবলৈ শাৰী পাতি আছিল৷
তাকে দেখি নগেনৰ সহ্য নহ’ল ৷
সি ঘৈণীয়েকৰ ওচৰলৈ আহি ক’লে,
“ আজি চুবুৰীৰ গোটেইবোৰকে গা ধুৱাব খুজিছ নেকি? তোৰ মূৰ গৰম হৈছে নেকি?“
ঘৈণীয়েকে লাহেকৈ ক’লে,
“ ইহঁতবোৰৰ মাজৰ পৰা আপুনিয়েই বিচাৰি দিয়কচোন কোন দুটা আমাৰ বাবলু আৰু মুন্না? তেতিয়া হ’লে মোৰ কামটো সহজ হ’লহেতেন…”
ঘৈণীয়েকৰ কথা শুনি নগেনে শাৰী পাতি থকা ল’ৰাবোৰলৈ ভালদৰে চালে৷
তাৰপাছত সি ঘৈণীয়েকৰ ফালে চালে৷
মিচিকিয়াই হাঁহিলে৷
তাৰপাছত সিও ল’ৰাবোৰক গা ধুৱাবলৈ ধৰিলে, এটা এটাকৈ৷
(সংগ্ৰহ)

মহন্ত অষ্ট্রেলিয়াত থকা সময়ৰ কথা

By: Nayanjit Deka
আমাৰ মহন্তকনো কোনে চিনি নাপায়। এইয়া মহন্ত অষ্ট্রেলিয়াত থকা সময়ৰ কথা। এদিনাখন মহন্ত Woolworth's (অষ্ট্রেলিয়াৰ এখন বৃহৎ চুপাৰমাৰ্কেট) গ’ল। চুপাৰমাৰ্কেটত মেকুৰিৰ খাদ্য বহুত বেছি ৰেহাই মূল্যত দি থকা দেখিলে। মহন্তই ১০ টেমা মেকুৰিৰ খাদ্য ললে আৰু কাউন্তাৰত পইচা জমা দিবলৈ গ’ল।

দোকানৰ মেনেজাৰ জনৰ মনত কিবা এটা সন্দেহ হ’ল। তেওঁ ভাবিলে যে মহন্তৰ নিশ্চয় মেকুৰি নাই আৰু সি মেকুৰিৰ খাদ্য খিনি তাৰ ল’ৰা-ছোৱালী কেইটাক খুৱাব। মেনেজাৰ জনে মহন্তক মেকুৰিৰ খাদ্য কিনাৰ আগতে মহন্তৰ মেকুৰিটো দেখুৱাব ক’লে। মহন্ত ঘৰলৈ গ’ল আৰু ল’গত মেকুৰিটো লৈ আহিল। মেকুৰিটো দেখি মেনেজাৰে বিনা দ্বিধাই মহন্তক ১০ টেমা মেকুৰিৰ খাদ্য দি দিলে।

এসপ্তাহ পিছত মহন্ত আকৌ গ’ল আৰু সেইবাৰ কুকুৰৰ খাদ্য বহুত বেছি ৰেহাই মূল্যত দি থকা দেখা পালে। লগে লগে মহন্তই ১০ টেমা কুকুৰৰ খাদ্য ল’লে আৰু মেনেজাৰৰ ওচৰ পালেগৈ। মেনেজাৰ জনৰ মনত আকৌ সন্দেহ হ’ল। মেনেজাৰে ভাবিলে যে মহন্তৰ ঘৰত মেকুৰিহে আছে, কুকুৰ নাই আৰু মহন্তই কুকুৰৰ খাদ্য খিনি তাৰ ল’ৰা-ছোৱালী কেইটাক খুৱাবলৈ লৈছে। মেনেজাৰ জনে মহন্তক কুকুৰৰ খাদ্য কিনাৰ আগতে মহন্তৰ কুকুৰটো দেখুৱাব ক’লে। মহন্ত ঘৰলৈ গ’ল আৰু ল’গত কুকুৰটো লৈ উভতি আহিল। কুকুৰটো দেখি মেনেজাৰে মহন্তক ১০ টেমা কুকুৰৰ খাদ্য দি দিলে।

এসপ্তাহ পিছত মহন্ত আকৌ আহিল দোকানখনলৈ। ল’গত এটা বেগ। মহন্ত চিধাই মেনেজাৰৰ ওচৰ পালে আৰু মেনেজাৰৰ হাতখন বেগৰ ভিতৰত সুমুৱাব ক’লে। মেনেজাৰে হাতখন বেগত ভৰালে আৰু ভিতৰত কোমল, মিহি মিহি কিবা থকা যেন অনুভৱ কৰিলে। ল’গে ল’গে মেনেজাৰে হাতখন উলিয়াই আনিলে।

খঙত অগ্নিশৰ্মা হৈ মেনেজাৰে মহন্তক চিঞৰিলে “কটা নিধক, হাৰামজাদা, চুৱৰৰ বাচ্চা এইবোৰ কি? এইবোৰ দেখোন মানুহৰ গু ঐ জহনীত যোৱা।“
মহন্তই একেবাৰে শান্তভাবে উত্তৰ দিলে “হয়, এইয়া মোৰেই গু, আৰু মই আজি ১০ পেকেট টইলেট পেপাৰ কিনিব আহিছো।“

ছেং মানুহটো সাংঘাটিকভাবে ইচমাৰ্ট

BY: Dhiman Adhikary
ছেং মানুহটো সাংঘাটিকভাবে ইচমাৰ্ট

অফিচৰ বাহিৰত কালি তাৰ বছে দিয়া কাগজ কিছুমান ফটোষ্টেট কৰি উঠি কিবাকিবি মিলাই আছিল - - - -

তাকে দেখি কইলতাই সুধিলে, "ঐ মুৰ্গীচোৰ, কি মিলাই আছা বে

ছেং- দেখা নাই, অৰিজিনেলখিনিৰ লগত ফটোষ্টেট কৰাখিনিৰ কিবা বানান ভুল হৈছে নেকি তাকে চেক কৰি আছোঁ, ভাগ ইয়াৰ পৰা, খালি কামৰ সময়ত ধীচতাপ কৰে মোক. !!!!!!!!!!!!

'নলবেইৰাত কথা-বতৰা'

By: B.n. Rupam

------------------------

আমাৰ নলবেইৰা চ'লি জোনমনিয়ে গেৰেজৰ কাম শিখবাহ গোলাঘাটৰ পেহাকৰ ঘৰত গেইছিল ।

চেকেন্দ দিনা গেৰেজত যাংতে জোনমনিয়ে হাত মুচবাহ তাৰ পকেটত আখান চিৰা কানি ভ'ৰে ল'লাক ।

তাৰ পকেটখান ফুলি আছে । পেহাকে তাকে দেখি সুধলাক:- তোৰ পকেটত কি ও জোন?

জোন:- কানি ।

পেহা:- কি?? তই কানি খা?

জোন:- মানে চিৰা কানি?

পেহা:- কি কৈছ', চিৰাৰ সৈতে কানি খা কিদৰে? আচৰিত দেই..

পিছত জোনমনিয়ে পকেটৰ পাৰাই 'ফটা কাপোৰ' উলিয়াই দি হে বুজে দিলাক 'চিৰা কানি' কি!!

ভগৱানক প্ৰাৰ্থনা

By: Topon Gohain
সপ্তম শ্ৰেণীৰ ছাত্ৰ এজনে ভগৱানক প্ৰাৰ্থনা কৰিছে---ভগৱান মোৰ অংক ছাৰৰ জিভা খন কাটি পেলোৱা ৷ তেওঁ মোক বৰকৈ গালি পাৰি থাকে ৷
পিছদিনা খন লৰাটোৱে শুনিলে তাৰ অংক ছাৰৰ জিভা খন কোনোবাই কাটি পেলালে ৷ লৰাটো ভগৱানৰ ওচৰত সন্তষ্ট হল
সি আকৌ ভগৱানক কলে ---ভগৱান তুমি মোৰ লগৰ নিখিলৰ ভৰি এটা ভাঙি পেলোৱা , সি এবাৰ মোক ফুটবল খেলোতে গোৰ মাৰি দিছিল ৷
পিছদিনা সি শুনিলে নিখিলৰ চাইকেলৰ পৰা পৰি ভৰি এটা ভাঙি থাকিল ৷
সি পুনৰ ভগঁৱানক কলে--ভগৱান মোৰ দেউতাই মোক সদায় মাৰি থাকে, তুমি মোৰ দেউতাক উঠাই লৈ যোৱা ৷
কিন্ত পিছদিনা খন লৰাটোৱে দেউতাকক দেখি আচৰিত হল ৷
দেউতা , তোমাৰ একো হোৱা নাই ? --লৰাটোৱে দেউতাকলৈ চাই সুধিলে ৷
নাই একো হোৱা নাই--দেউতাকে কলে
কিন্ত মা কলৈ গল দেউতা--লৰাটোৱে দেউতাকক কলে ৷
আমাৰ ওচৰৰ শৰ্মা চাৰ যে, তেওঁ ঢুকাল , তোমাৰ মা তালৈকে গৈছে--দেউতাকে লৰাটোক কলে ৷
( ফ্ৰেইণ্ডচ কিবা বুজিলেনে ? যদি বুজি পাইচা কমেণ্ট কৰিবচোন )