কোনে বেছি ভাল পায় ?

নবীন, থুলুক আৰু ভলং তিনিওটাই ৰঙিলীক ৰূপ সদায় দেখি দেখি তাইৰ প্ৰেমত পৰিল আৰু তাইক প্ৰপ’জ কৰিলেগৈ ৷ 

ৰঙিলীয়ে এটা চালীয়া হাঁহিৰে তিনিওটালৈ চাই ক’লে:~
তোমালোক কোনে মোক বেছি ভাল পোৱা আগতে তাৰ পৰীক্ষা কৰিম…. ফার্ষ্ট কোৱাচোন মোৰ বাবে তোমালোকে কি কি কৰিব পাৰিবা…??

নবীন : মই তোমাৰ বাবে নিজৰ জীৱনটোও শেষ কৰি দিব পাৰিম..
ৰঙিলী : সেইটোতো চবেই কয়..

থুলুক : মই তোমাৰ বাবে আকাশৰ জোন-তৰা আনি দিব পাৰিম..
ৰঙিলী : পুৰাণা ডায়লগ ..

ভলং: মই তোমাক মোৰ ফেচবুক পাচৱর্ডটো দি দিব পাৰিম..
ৰঙিলী : হায়.. পাগলটো কৰ’বাৰ !! … ইম্মান ভাল পাৱনে মোক..

by Abhijit Dehingia

প্ৰাৰ্থনা

ভক্ত : নাজানোহোঁ আৱাহন, নাজানোহোঁ বিসৰ্জন, পূজা মন্ত্ৰ নাজানো কিঞ্ছিত .....

ভগৱান : একোৱে নাজান যদি কি কৰিবলৈ টেটু ফালি মাতি আছ’ মোক... ??

by Bornaly H

থুলুকৰ হেয়াৰ কাটিঙ

থুলুক ফুৰিবলৈ গৈছিল মুম্বাইলৈ। পুৰা ফুৰিছে, অমিতাভৰ ঘৰৰ পৰা একেবাৰে শ্বাহৰুখৰ বাংলোলৈকে চব চাইছে। লগত নবীন। বান্দ্ৰাত ফুৰি থাকোঁতে দেখিলে এখন আটক ধুনীয়া ছেলুন। নাম হালিম'ছ্। চুলিয়েই কাটে নে আৰু কিবা কিবিও কৰে তাকে ভাবোতেই ধেৰ সময় গ'ল। যি হ'ব হ'ব বুলি থুলুকে নবীনক লগত লৈ সোমাল হোটেল যেন লগা ধুনীয়া ছেলুনখনত। মৰমলগা(!) ছোৱালীজনীয়ে আহি সুধিলে এপইন্টমেণ্ট আছে নে নাই। চুলি কাটিবলৈও এপইন্টমেণ্ট?

 "হয়, এই গোটেই সপ্তাহটোৰ বুকিং সমাপ্ত হৈছে। আপুনি অহা সপ্তাহৰ কাৰণে বুকিং কৰিব পাৰে।"
"কিমান টকা লাগিব?"
"চুলি কাটিলে ১৫০০.০০ টকা, চুলিৰ ষ্টাইলিং ৩০০০.০০ টকাৰ পৰা ৬০০০.০০ টকা ইত্যাদি। আপুনি কি কৰিব বিচাৰে সেইটোৰ ওপৰত নিৰ্ভৰ কৰিব।"
থুলুকে অলপসময় চিন্তা কৰিলে। তাৰ পাছত ক'লে: "অহঃ, অহা সপ্তাহলৈ মই মুম্বাইত নাথাকিম। পাছত আকৌ আহিলে কাটিম বাৰু। এনেয়ে মই 'ইটালেয়ান' ছেলুনত কাটো মোৰ চুলি, ইয়াত আপোনালোকৰ ছেলুনখন দেখি ভাল লগাত সোমাইছিলো। হ'ব, আজিলৈ আহোঁ।"
ধুনীয়া হাঁহি এটাৰে ছোৱালীজনীয়ে বিদায় দিলে দুয়োকে।
বাহিৰলৈ আহি নবীনৰ প্ৰশ্ন:"তই ইটালীয়ান ছেলুনত চুলি কাটো বুলি ক'লি যে? আমাৰ তাত ইটালীয়ান ছেলুন ক'ত আছে অ'?"
থুলুক: "ইটালীয়ান নহয় অ', ইটালেয়ান। ইটা-লে-আঁ। মানে সেই গোলোকৰ দোকানৰ সমুখৰ গছডালৰ তলত আকৌ। ৰাম সিঙৰ ছেলুন। ইটা এচপৰা পাৰি বহিলৈ ছুলি কটায়েই এই বয়স পালোহি দেছোন।"
(সঁচা কথা ক'লে থুলুক বেয়া)

by Rajib Ranjan

নগেনৰ বাইক

আমাৰ নগেন যোৱা বৄহস্পতিবাৰে গৈছিল এটিএমলৈ নিজৰ pleasure বাইকখন লৈ ... 

পইচা পাতি উলিয়াই মহানন্দে চিগাৰেট এটা জ্বলাই এক ফাৰ্লং মান দুৰৈৰ অফিচলৈ খোজ কাঢ়ি ঘুৰি আহিল । গধূলি থকা ঠাইলৈও (এক কি.মি. মান হ'ব) লগৰ এটাৰ লগত ফুটপাথেদি খোজ কাঢ়ি গ'ল, যাওঁতে এটা হাফ লগত । পিছদিনা আকৌ অফিচ আহিল খোজ কাঢ়ি । ঘুৰি গ'ল একেদৰেই । শনিবাৰে পূৱাই অফিচৰ ক্রিকেট মেচ এখন খেলিবলৈ দিচপুৰ প্লে গ্রাউণ্ডলৈ যাব লগা হোৱাতহে মনত পৰিল বাইকখনৰ কথা ; ভাবিলে আগদিনাখন অফিচতে এৰি আহিল হবলা ... সোমবাৰে অফিচ আহি আহি দেখে বাইকখন নাই । লাগিল হুৱাদুৱা ; সি আন্দাজ কৰিলে বাইক চুৰি হ'ল । ইনচুৰেঞ্চৰ কাৰণে পুলিচ থানাত এখন এজাহাৰো দিলে ।

গধুলী মনৰ দুখতে পুনৰ এটিএম লৈ গ'ল । পইচা উলিয়াই চুৰট এটা ধৰাইছেহে ... ওৱা তাৰ বাইকখন দেখোন ফুটপাথৰ দাতিত ৰখাই থোৱা আছে । নগেনে ভোৰভোৰালে 'আজিকালি চোৰবোৰ বৰ ভদ্র হৈছে দেই । কাম চাম হৈ যোৱাৰ পিছত জেগাৰ বস্তু আকৌ জেগাত...' ।

[বি.দ্র. - এই নগেন মোৰ সহকৰ্মী, ৰাঁচিত ঘৰ । আহমেদাবাদ আই আই এমৰ পৰা এম.বি.এ. কৰি আমাৰ প্র্তিস্থানত দুবছৰ ধৰি কৰ্মৰত । পোছাকী নামটো নকওঁ; এনেই তাক আমি apeman বুলিয়েই refer কৰো । সময়, ঘটনা, ঠাই সম্পুৰ্ণ সচাঁ ।]



by Surajit Neog

ৰঙিলী আৰু পমিলী

ৰঙিলী আৰু পমিলী এবাৰ ট্ৰেইনত উঠি চানাচুৰ চোবাই চোবাই গৈ আছিল..
পমিলী : অই ৰঙিলী… ক’ চোন তোক কেনেকুৱা হাজবেন্দ লাগিব..
ৰঙিলী : উ..ম..ম… কোটিপতি এটা লগিব..
পমিলী : আৰু যদি কোটিপতি নাপাৱ ..
ৰঙিলী : তেন্তে ৫০ লাখৰ দুটাৰে চলি যাব…
পমিলী : তেনেকুৱাও যদি নাপাৱ..
ৰঙিলী : তেন্তে ২৫ লাখৰ চাৰিটাৰে চলি যাব….
ইমান পৰে উপৰৰ বার্থত শুই থকা থুলুকে মাত লগালে …
: অই পমিলী… এই হাজাৰ পাই গ’লে মোক জগাই দিবি দেই..
তাৰ লগতে শুই থকা ভলঙেও লাহেকৈ মাত দিলে…
: আৰু মোক ৫০০ পালে..

by Abhijit Dehingia

সুখ শান্তি্ৰ ৰহস্য

কলিতা: তোমালৈ মোৰ হিংসাই হয় বুজিছা নে

চেংমাই: অ’ ... কিয় ?

কলিতা: তোমালোকৰ সংসাৰখন ইমান সুখৰ কেনেকৈ ? অকণো কাজিয়া-পেছাল নাই, আমাৰ দেখোন ইমান খকা-খুন্দা লাগিয়েই থাকে !

 চেংমাই: অ’ ভেৰি ভেৰি চিম্প’ল | কিছুমান নিয়ম বনাই লৈছোঁ আমি আমাৰ মাজত | সেই খিনি মানি চলিলে শান্তিয়েই শান্তি | 
কলিতা: কি নিয়ম? মোকো শিকাই দিয়া হে |

চেংমাই: মানে আমি আমাৰ মাজত বুজা পৰা কৰি লৈছোঁ যে - সংসাৰৰ যিমান সৰু সুৰা সিদ্ধান্ত ল’ব লগীয়া থাকে, তেওঁ ল’ব আৰু ডাঙৰ ডাঙৰ সিদ্ধান্ত বোৰ ম‍ই ল’ম |

কলিতা: বাহ, পিছে কোনবোৰ সৰু কোনবোৰ ডাঙৰ কেনেকৈ গম পোৱা ? 
চেংমাই: এই ধৰা সৰু সৰু সিদ্ধান্ত মানে, দৰমহাৰ টকা কেইটা ক’ত খৰছ কৰা হ’ব, মাহটোত কেইখন শাৰী কিনা হ’ব, বিউটী পাৰ্লাৰত কিমান খৰছ হ’ব, ৰাতি-দিনৰ আহাৰত কি থাকিব, ল’ৰা-ছোৱালী কেইটা কোন স্কুলত পঢ়িব, ম‍ই অফিছলৈ যাওঁতে কি পিন্ধিম- এইবোৰ সৰু-সুৰা সিদ্ধান্ত আমাৰ এওঁ মানে মিছেজে লয় | 
আৰু ধৰা ডাঙৰ ডাঙৰ সিদ্ধান্ত, যেনে এইবাৰ বিজেপি জিকিলে ভাল নে কংগ্ৰ্ৰেছ; অ’বামা জিকাটো ভাল হ’ল নে বেয়া, অখিল গগৈয়ে কৰা কাম বোৰ কিমান যুক্তি পূৰ্ণ, আই.পি.এল.ত কোনটো টীমৰ কেপ্টেইন কোন হ’ব লাগে এইবোৰ ভাবি থকাতো মোৰ কাম | ডাঙৰ ডাঙৰ কথা চিন্তা কৰি থাঁকোতে সৰু সৰু কথাবোৰ মোৰ চিন্তা কৰিবলৈ সময়েই ক’ত? আৰু তেওঁৰ সিদ্ধান্তত মাতেই মাতিবলৈ সময় ক’ত ? গতিকে বুজিছাই নহয়- শান্তিয়েই শান্তি |

কলিতা: অ’ আই চি আই চি ...

by Changmai

ৰিণি আৰু মিনি

মিনি: ঐ ৰিণি, ত‍ই হেনো গোপালক এৰি দিলি?
ৰিণি: উপায় নাই, মোৰ তাৰ প্ৰতি থকা মৰমবোৰ কমি গ’ল |
মিনি: পিছে ত‍ই দেখোন এতিয়াও সি দিয়া আঙুঠি টোকে পিন্ধি আছ’ !!!
ৰিণি: তালৈ হে মৰম কমি গ’ল, আঙুঠি টোৰ কাৰণে থকা মৰম বোৰ একেই আছে |

by Changmai

গাধ বনাম হাবিলদাৰ

এবাৰ এখন সৰু চহৰৰ ভিতৰুৱা গাওঁ এখনৰ পথাৰৰ মাজত হঠাত্‍ দেখা হৈ গ’ল এটা গাধ আৰু মোৰ বাল্যকালৰ বন্ধু দত্তৰ ৷ বন্ধু দত্ত তেতিয়া তাৰেই কোনোবা এখন থানাৰ হাবিলদাৰ আছিল ৷


দত্তক একেবাৰে সন্মুখত পাই গাধই সুধিলে “ তই কোন বে ?”


হাবিলদাৰ দত্তই ইফালে-সিফালে চাই ওচৰে পাজৰে কাকো নেদেখি অতি গৰ্বৰে বুকু ফিন্দাই উত্তৰ দিলে “মই এইখন জিলাৰ S.P. !! পিছে তই কোন ?”


গাধটোও মোৰ বন্ধু দত্তৰ দৰেই মূৰটো দাঙি ইফালে-সিফালে চাই লাহেকৈ ক’লে “মই ঘোৰা !!!”


by Kallol Kumar Baruah

ইলাষ্টিক

অমিতাভ বচ্চনে নাতিনী আৰাধ্যাৰ প্ৰথম জন্মদিনতে ২৪ লাখ টকীয়া বি.এম. ডব্লিউ এখন দিছে হেনো | ক’ত বচ্চন চাহাব আৰু ক’ত আমাৰ কলিতা |

সৰু পুতেকে এদিন কলিতাক ক’লে:- পাপা পাপা, এইবাৰ মোৰ জন্মদিনত কিন্তু আণ্ডাৰপেণ্ট এটা দিব‍ই লাগিব কৈ দিছোঁ হ’লে- এইটো পিন্ধি থকা দুবছৰ হ’ল 

কলিতা:- হেৰেউ, ককায়েৰৰ পৰা কিবা এটা শিকচোন | চাৰিবছৰ আগতেই এটা কিনি দিছিলোঁ, এতিয়া ইলাষ্টিক ডাল হে বাকী আছেগৈ, তথাপিও কমপ্লেইন নাই ... তোৰ হে সদায় লাগে লাগে লাগে ...

পুতেক: - ##@@@$#@420#@$

by Changmai

Diploma আৰু আইতাক

আইতাকে হাতত পানীকেচুৱা এটা লৈ গাই আছে

"আমাৰে 'ডিপ্ল'মা' শুবয়ে বাৰিতে বগৰী ৰুব এ
বাৰীৰে বগৰী পকি সৰিলে আমাৰে 'ডিপ্লমা'য়ে বুটলি খাব "

--এনেতে ওচৰৰে এজনীয়ে শুনি মাত লগালে

"অৰি'.. ভূলকৈ কিয় গাইছে? 'ডিপ্লমা' নহয় 'মইনা' হে কিবা??

আইতাকে ক'লে-

নহয় ছোৱালীক দিল্লীলৈ পঠাইছিলো 'ডিপ্লমা' আনিবলৈ। আহোতে এইটো লৈ আহিছে....

by Ractim G

চাংমাই সংবাদম

কলিতা কলিতা কৰি থকাৰ কাৰণে মোৰ বিৰুদ্ধে হেনো কোনোবাই গৈ বাংলাদেশৰ ক’ৰ্টত গৈ গোচৰ তৰি দিছেগৈ | হায় হায়, সঁচা কথাবোৰ লিখোঁতেই ইমান অসন্তোষ; তেনেহ’লে আজি মিছা কথা এটা কে লিখি দিওঁ, সঁচা কৈ কি লাভ ? কলিতা নিলিখি চাংমাই বুলিয়েই লিখি দিওঁচোন | ;)

এই যে চাংমাই বোলা মানুহটো... (ম‍ই নহয় দেই), বৰ খকুৱা বুজিছে নে!!!
এনিটাইম খাওঁ খাওঁ কৈ থাকে | মানুহজনীয়ে আবদাৰ পূৰাই পূৰাই তত নাপায় | 

চাংমাইৰ আক’ কিবা খাবলৈ মন গ’লে লেনিয়াই মিঠাকৈ কোৱাৰ অভ্যাস এটা আছে | তাৰ দ্বাৰা দুটা কাম সমাধা হয়- মানুহজনীৰ মুডটো চেক কৰাও হয় আৰু বস্তুটো ডিমাণ্ড কৰাৰ নিচিনা নালাগি "অনুৰোধ/প্ৰাৰ্থনা" যেন হে দেখে |

এই ধৰক চাংমাইৰ খাবলৈ মন গ’ল গৰম গৰম তেলপিঠা...

চাংমাই:- হেৰা....... | ব.... হু... হু ... হু.... উ উ উ উ উ...ত দিন.....
মানুহজনী:- কি নো? 

এই "কি নো" টোৰ উষ্ণতাটো জুখিয়েই চাংমায়ে বাকীখিনি কথা কয় |
চাংমাই:- হে হে হে, মানে বহুত দিন ম‍ই গৰম গৰম তেলপিঠা, মৰমৰীয়াকৈ ভজা যে.... খোৱাই নাই অ’ ... (মূখখন দুখতে ওলোমাই দিয়ে) 
মানুহজনী:- (মিচিকিয়াই) ও আই, মোক ক’লেই হয়; এতিয়াই বনাই আছোঁ দেই :-)

পিছে যিদিনা মানুহজনীৰ মুড অফ থাকে সেইদিনাখন একা?

চাংমাই:- হেৰা....... | ব.... হু... হু ... হু.... উ উ উ উ উ...ত দিন.....
মানুহজনী:- (ঘোপাকৈ চাই) কি নো? কি হ’ল? কি বহুউউউ.....ত দিন ?

চাংমাই:- হে হে, মানে বহু-----ত দিন ম‍ই বাচন ধোৱা নাই অ’, ধুবলৈ বৰকে মন গৈ আছে ....

by Changmai

নিগনি আৰু হাতী

নিগনি : (হাতীক উদ্দেশ্যি)... ঐ তোৰ আন্দাৰপেন্টটো কেইদিনমানৰ কাৰণে দিবিনেকি ?
হাতী : .... হা হা হা হা .... কিয় ? তই পিন্ধিবিনেকি ? 
.......
.......
.......
.......
নিগনি : নহয় অ..... ডাঙৰ ছোৱালীজনীৰ বিয়া পাতিছো.... ! ৰভা দিব লাগে ...!

by Madhurjya Gogoi

মধুৰ মধুচন্দ্ৰিকা

মধুচন্দ্ৰিকাৰ নিশা-
পতি-পত্নীৰ কথোপকথন ।

ৰোমান্টিক মুডত পতি- "জান, তুমিয়েই মোৰ আশা, তুমিয়েই মোৰ মনমল্লিকা, তুমিয়েই মোৰ অপৰাজিতা, তুমিয়েই মোৰ ..."
.
.
.
.
.
.
.
.
.
.
.

পত্নীয়ে স্বামীক সাৱটি ধৰি ক'বলৈ ধৰিলে- "প্ৰিয়তম, আপুনিয়েই মোৰ গাঁঠিৰাম, আপুনিয়েই মোৰ নবীন, আপুনিয়েই মোৰ থুলুক..."

পতি- "$%^&*$%^$!"

by Bhaskarjyoti Das

বিবাহ বিচ্ছেদ

বিবাহ-বিচ্ছেদৰ আবেদন কৰিবলৈ ভলং উকীলৰ ওচৰলৈ গ’ল |

উকীল: - আৰ ইউ চিউৰ? কাৰণ বিচ্ছেদ হোৱাৰ পিছত কিন্তু আপোনাৰ পত্নীক প্ৰতিমাহে আধা দৰমহা দি থাকিব লাগিব !

ভলং: - তেনেহ’লে তো দেৰি কৰাৰ সকামেই নাই... এতিয়া দেখোন তেওঁ পূৰা দৰমহাকে ৰাখি থয়, পিছত কম চে কম আধাখিনি তো পাম... হুৱেৰ টু চাইন মাই চুইট নেম পিলিজ?

by Changmai

এম.পি.

অফিচাৰ: আপোনাৰ নাম কি?
প্রার্থীঃ M.P চাৰ ৷ 
অফিচাৰ: এম.পি ? তাৰ মানে কি?
প্রার্থীঃ মোহন পাল চাৰ ৷
অফিচাৰ:আপোনাৰ পিতাৰ নাম কি ?
প্রার্থীঃ এম.পি চাৰ ৷
অফিচাৰ:তাৰ মানে কি?
প্রার্থীঃ মদন পাল চাৰ ৷
অফিচাৰ: আপোনাৰ যোগ্যতা?
প্রার্থীঃ এম.পি চাৰ ৷
অফিচাৰ: (খং কৰি) এইটো কি?
প্রার্থীঃ মেট্রিক পাচ চাৰ ৷
অফিচাৰ:আপুনি কিয় কাম বিচাৰিছে ?
প্রার্থীঃ এম.পি চাৰ ৷
অফিচাৰ: (অঅহহ) তাৰ মানে কি?
প্রার্থীঃ মানি প্রব্লেম চাৰ ৷
অফিচাৰ: আপোনাৰ PERSONALITY বর্ণনা কৰক ৷ 
প্রার্থীঃ এম.পি চাৰ ৷
অফিচাৰ:খুলি কওঁকচোন ৷ 
প্রার্থীঃ MAGNANIMOUS PERSONALITY চাৰ ৷
অফিচাৰ: আপুনি এতিয়া আহিব পাৰে ৷ 
প্রার্থীঃ এম.পি চাৰ ?
অফিচাৰ: এইটো কি আকৌ ?
প্রার্থীঃ MY PERFORMANCE …?
অফিচাৰ: M.P !!!
প্রার্থীঃ তাৰ মানে কি চাৰ ?

অফিচাৰ: MENTALLY PUNCTURED…



by Kallol Kumar Baruah

থুলুকৰ এক্সপেৰিমেন্ট

আপোনালোকে জানেনে থুলুকে কলেজত বিজ্ঞান পঢ়িছিল? প্ৰিয় বিষয় আছিল জীৱ বিজ্ঞান। ডাৰউইনৰ কথা পঢ়ি পঢ়ি থুলুকেও ধেৰ কিবা কিবি চেষ্টা কৰিছিল সেই তাহানিতে। তাৰেই কপাল বেয়া, অসম মুলুকত জন্ম ল'লে। নহ'লে ইমানদিনে তাৰ বিভিন্ন পৰীক্ষাৰ খবৰ গোটেই হাতীপটিয়ে জানিলে হয়। বিশ্বাস নকৰিব বুলি জানিয়েই মই থুলুকৰ তেনে এটা পৰীক্ষাৰ সবিশেষ গোটাই আনিছোঁ।
লক্ষ্যঃ ভেকুলীৰ ঠেঙৰ জোৰ হিচাপ
আপোনাক লাগিব: ১) এটা বেং ভেকুলী
২) এখন সৰু তক্তা
৩) কেইটামান আলপিন
৪) এটা ভিডিঅ' কেমেৰা (নহ'লেও চলিব)
৫) স্কেল বা ফিটা (ওচৰৰ বেৰত আঁকি ল'ব পাৰিলে একদম সঠিক হিচাপ পাই যাব)

প্ৰণালী:
ভেকুলীটোক তক্তাখনৰ ওপৰত বহাই লওঁক। আলপিন এটা হাতত লৈ "এক, দুই, তিনি" বুলি মুখেৰে জোৰেৰে চিঞঁৰক আৰু ভেকুলীৰ টিকাত লাহেকৈ খুচি দিয়ক। বেং ভেকুলীটোৱে কিমান ওপৰলৈ জপিয়াই স্কেল বা ফিটা বা ভিডিঅ' কেমেৰাৰ ফুটেজ চাই হিচাপ কৰক আৰু লিখি ৰাখক। এতিয়া এখন এখনকৈ ভেকুলীটোৰ ঠেং কাটি গৈ থাকক আৰু একদ'ৰেই প্ৰতিবাৰ কিমান ওপৰলৈ জপিয়াই হিচাপ কৰি লিখি যাওক।
থুলুকে নিজে কৰা এই পৰীক্ষাটোৰ ফলাফল এখন প্ৰকাণ্ড নোটবুকত লিখি ৰাখিছিল। ময়ো আপোনালোকৰ সুবিধাৰ কাৰণে যেনেকৈ আছিল তেনেকৈয়ে তলত দি দিছো।

ফলাফলঃ
১) চাৰিটা ঠেঙৰ বেং ভেকুলীয়ে (পিঠিত বগা ফুট ফুট থকা প্ৰজাতিটো) ৪ ফুট জপিয়াব পাৰে।
২) তিনিটা ঠেঙৰ বেং ভেকুলীয়ে (পিঠিত বগা ফুট ফুট থকা প্ৰজাতিটো) ৩.২৫ ফুট জপিয়াব পাৰে।
৩) দুটা ঠেঙৰ বেং ভেকুলীয়ে (পিঠিত বগা ফুট ফুট থকা প্ৰজাতিটো) ২ ফুট জপিয়াব পাৰে।
৪) এটা ঠেঙৰ বেং ভেকুলীয়ে (পিঠিত বগা ফুট ফুট থকা প্ৰজাতিটো) ১.২৫ ফুট জপিয়াব পাৰে।
৫) চাৰিওটা ঠেং কাটি দিলে বেং ভেকুলীৰ শ্ৰৱণ শক্তি নোহোৱা হৈ সম্পূৰ্ণ কলা হৈ পৰে। বিষ অনুভৱ কৰিব পৰা ক্ষমতাও নোহোৱা হৈ পৰে। 

**থুলুকে এতিয়াও দুখ কৰে অসমত বিজ্ঞানৰ পৰীক্ষা নিৰীক্ষাৰ আদৰ নাই বুলি।

by Rajib Ranjan

পিন নাম্বাৰ

থুলুকৰ বিৰাট খং উঠি আছে।

বেংকৰ ওপৰত।

 কাইলৈ একাউণ্ট বন্ধ কৰি জমা টকা সকলো খিনি উলিয়াই পেলাব বোলে।

হয়ো দিয়কচোন, প্ৰয়োজনৰ সময়ত নিজৰ টকাকেইটাকে উলিয়াব নোৱাৰিলে বেংকত জমা থোৱাৰ কি যুক্তি আছে।সন্ধিয়া থুলুকক ২০০.০০ টকা এটা লাগিছিল, গেলামালৰ দোকানত দিবলৈ আছিল।

বজাৰৰ চুকত থকা বেংকৰ এটিএমটোত পইচা উলিয়াওঁ বুলি সোমাল।

কাৰ্ডখন নিৰ্দিষ্ট জেগাত সুমুৱাই দিয়াৰ পছত পিন নাম্বাৰ খুজিলে।

সি দিছে। শুদ্ধকৈ দিয়াৰ পাছতো ভুল বুলি কয়।

তিনি নে চাৰি বাৰ পিন নাম্বাৰটো ভৰালে, শেষত গৈ তাৰ এটিএম কাৰ্ডখনেই ব্লক হৈ থাকিল।

এই বয়সতনো বাৰু সি নিজৰ জেগাখনৰ পিন নাম্বাৰটোকে নাজানেনে।

হেৰৌ ইমানো বুৰ্বক নহয় দেচোন।

by Rajib Ranjan

বাবা গণেশ

গনেশ : (পাৰ্বতীক ঊদ্দেশ্যি ) মা .... মা .... দেউতা কত আছে ? 
পাৰ্বতি : নাজানো ... বাথৰুম .. গৈছে চাগৈ ...!
গনেশ : (খঙত) সদাই সদাই কিমান কৈ থাকিব লাগে ? ভাঙ খাই খাই পাহৰি থাকে ! 
কিমান বাৰ কলো .... কাঁটা চামুচ এখন লাগে লাগে বুলি.. ! .. আনি নিদিলে.. আৰু 
মই সদায় সদায় এইডালেৰে নুডলছ খাব লাগে..... (ত্ৰিশূল ডাল টান মাৰি ....) !

by Madhurjya Gogoi

কিমধিকম

বাংলাদেশী স্বাস্থ্য বিভাগৰ মন্ত্ৰ : -

* হাম দ' হামাৰে দ' বাকী চব আসাম ভেজ দ'*

by Ractim G

ফুটনি কি চাবা

এখন ৰেস্তোৰাত... তিনিজন বন্ধুৱে কথা পাতি আছিল্..! তাৰে এজন আমেৰিকান , এজন জাপানিজ ... আৰু এজন... অসমীয়া  ..! কথাই কথাই.. তেওলোকৰ মাজত.. নিজ নিজ দেশৰ 
টেকনলজিৰ ফুটনি.. আৰম্ভ হল !

আমেৰিকান : আমাৰ এমেৰিকাত এইবাৰ এখন এৰোপ্লেন বনাইছে যে, একেবাৰে মুনৰ (চন্দ্ৰ) লগে লগে উৰে ! 

জাপানিজ + অসমীয়া : কি ??? ইমান ওপৰেৰে উৰে ?

আমেৰিকান : (অলপ ভয কৰি) ... নহয মানে ... অলপ তলেদি উৰে .....

জাপানিজ : আমাৰ জাপানে আকৌ এতিযা এখন ছাবমেৰিন উলিযাইছে.... যিখন.. একেবাৰে .. সাগৰৰ তলৰ মাটিত লাগি চলিব পাৰে...!

অসমীয়া + আমেৰিকান : কি ??? সচাই নে ?

জাপানিজ : (লাজ পাই) ... নহয.... মানে ... অলপ ওপৰেদি চলে !

অসমীয়া : (অলপ ভাবি) এইবাৰ আমাৰ দেশত এনেকুৱা মানুহ আমি জন্ম দিছোঁ .... 
যে .... সেই মানুহবোৰে...... নাকেৰে ভাত খায !

জাপানিজ + আমেৰিকান : কি ??? ( আচৰিত হৈ .... )

অসমীয়া : ( বুকু ফিন্দাই ... ) নাই... মানে... অলপ তলেদি খায .....! হি হি হি

by Madhurjya Gogoi

ৰ-কাৰ আৰু কেৰকণ

কেৰকনৰ বৰ ভয়... ঘৰৰ পৰা বাহিৰ হলেই গিৰিজাই মাষ্টৰে বাট আগুচি ধৰে... !কথা একো নাই.. মানুহৰ উচচাৰণত ভুল ধৰি ভাল পায় গিৰিজাই মাষ্টৰে.... মানে একেবাৰে শুদ্ধ উচ্চাৰণৰ মানুহ! (কেৰকনৰ আকৌ এনেই অলপ অসুবিধা হয়..... যেনে... আৰু টো আও.... প্ৰথম টো পথম ... ইত্যাদি.. ) 

আজি ৰাতিপুৱা কেৰকন ঘৰৰ বাহিৰলৈ ওলাল..! ওলায়েই দেখিলে যে মাষ্টৰ ৰৈ আছে.. বাহিৰত....! 

মাষ্টৰ : কলৈ যাৱ কেৰকন ?
কেৰকন : পতাপৰ দোকানলৈ যাও !
মাষ্টৰ  : (মুখ বিকটাই... ) হেৰৌ.. পতাপ নহয়... ঔ.. "প্ৰতাপ" হে..... ৰ কাৰ এডাল .. থাকে নহয়...! কিবা কাম আছিল নেকি ?
কেৰকন : (সাৱধান হৈ ...) নহয় মানে ছাৰ্.. পথমতে পতাপৰ দোকানৰ পৰা চাকি দুগছ লৈ স্কুল যাম !আজি শধান্জলি পাতিছে নহয় ! 
মাষ্টৰ  : (খঙেৰে...গালি পাৰি... ) তহত.. মূৰ্খবোৰে .. অসমীয়াৰ জাত মাৰিলি....! ৰ কাৰ যোগ দিবলৈ কিমান শিকাব লাগে ? পতাপ নহয় প্ৰতাপ্.... পথম নহয় প্ৰথম্.... আৰু মাৰিলি.. ঐ মাৰিলি.... ! শধান্জলি ... নহয় ... ঐ ..গৰু .. শ্ৰদ্ধাঞ্জলি.. হে ......!

এইবাৰ কেৰকনৰ সচাই ভয় লাগিল.... ! পৰিস্থিতিৰ পৰা হাত সাৰিবলৈ... সি ভাবিলে.... যে মাষ্টৰক  মাফ খুজি ইয়াৰ পৰা পলাব পাৰিলেই হল আৰু ....! 
কেৰকন : (অলপ চিন্তা কৰি...) ত্ৰেত্ৰিয়া হ্ৰলে ছ্ৰাৰ, আজ্ৰিৰে প্ৰৰা ম্ৰই স্ৰব্ৰত্ৰে ৰ্ৰক্ৰাৰ যোগ্ৰ দ্ৰিম্ৰেই দ্ৰিম ...!আপ্ৰুনি চ্ৰিন্ত্ৰা নক্ৰৰ্ৰিব...! 

গিৰিজাই মাষ্টৰ  খঙতে মূৰ্ছা গল... !

by Madhurjya Gogoi

চহৰত এদিন ভেকোলা

এবাৰ আমাৰ ভেকোলা চহৰলৈ গৈছিল ! চহৰত সি এজনি খুব ধুনীয়া ছোৱালী দেখিলে....!
ছোৱালীজনীয়ে চুটি গাউন এটা পিন্ধি আছিল ! ভেকোলাই ভাবিলে যে তাৰ ঘৈণীয়েকলৈ তেনেকুৱা কিবা এটা লৈ যাব.... আৰু তাৰ ঘৈণীয়েক পুতলীকো ধুনীয়া দেখা হব !.. লাহে লাহে সি ছোৱালীজনীক সুধিলে.... 
... “ ভন্টি, কি নাম তোমাৰ ?” 
... “ কিয় লাগে ?”(ঘোপাকৈ চাই... ) 
... “ নাই মানে এনেই সুধিছো ...!” 
... “ ভন্টি, এইটো কত পায় ?” (গাউনটোলৈ আঙুলিয়াই) 
... “ গছত লাগে...” (খঙেৰে ...) 
... “ ভন্টি.... বৰ কলিতে ছিঙিলা দেই ....

by Madhurjya Gogoi

অখম দেশৰ কাহিনী

ভৱিষ্যত কালৰ কথা:

অখম নামৰ দেশখনত ৰজা বিবুদ্ধিত পৰিল | তেওঁ যোৱাৰ পিছত দেশৰ ৰজা কোনটো পুতেকক পাতি যাব পাৰি তাকে চিন্তা কৰি কৰি তেওঁৰ খাদ্য হজম নোহোৱা হ’ল, ৰাতি শেতেলিত পৰিলেও চকুলৈ নিদ্ৰা নহা হ’ল | তেওঁৰ মনোকষ্ট দেখি কাৰণ সোধাত মহামন্ত্ৰীক তেওঁ সকলোখিনি বুজাই ক’লে- যিহেতু প্ৰত্যেকটো পুতেককে তেওঁ সমানেই স্নেহ কৰে, গতিকে উত্তৰাধিকাৰী নিৰ্বাচন কৰিবলৈ লৈ তেওঁ বিপাঙত পৰিছে |

মহামন্ত্ৰীয়ে নাকটো অলপ সময় খজুৱাই থাকি ৰজাক বুধি এটা দিলে - বুধিটো ৰজাৰ পচন্দো হ’ল | কথা মতেই সন্ধিয়ালৈ তেওঁ তিনিও পুত্ৰক মাতি আনি এশ এশ টকা গাইপতি দিলে আৰু ক’লে যি এই এশ টকাৰে বস্তু ক্ৰয় কৰি আনি এই কোঠাটো পূৰ কৰি পেলাব পাৰিব, তেঁওকেই ম‍ই দেশৰ ভাবী-অধিপতি বুলি জনগণৰ আগত ঘোষণা কৰি দিম | তিনি পুত্ৰ মূৰ দোঁৱাই ওলাই গ’ল |

পিছদিনা :

কনিষ্ঠ পুত্ৰ ইজিপি-য়ে দুইবস্তা ঘাঁহ আনি মজিয়াত মেলি দিলে | মজিয়াখন ভৰি গ’ল | ৰজা খুছ |
মহামন্ত্ৰী:- মজিয়াখন বাৰু পূৰ হ’ল কিন্তু বাকী খালী ঠাই খিনি?

মাজু পুত্ৰ বিডেপি-য়ে একবস্তা কপাহ আনি মেলি দিলে | বতাহৰ শুভ্ৰ কপাহ উৰি ভৰি পৰিল | ৰজা খুছ | কিন্তু কিছু সময়ৰ পিছতে কপাহখিনি মজিয়াত পৰি স্থিৰ হৈ ৰ’ল |
মহামন্ত্ৰী:- ছেইম প্ৰবলেম এজ এব’ভ | নেছেল |

জ্যেষ্ঠ পুত্ৰ খংগ্ৰেছে প্ৰথমতে খিৰিকীবোৰ বন্ধ কৰিলে, তাৰ পিছত দুৱাৰখন | তাৰ পিছত জেপৰ পৰা মম এডাল আৰু জুইশলা এটা উলিয়াই ফচকৈ কাঠি জ্বলাই অগ্নি-সংযোগ কৰি দিলে | গোটেই কোঠাটো মমৰ প্ৰকাশেৰে ভৰি পৰিল | ৰজা মহা-খুছ, কেছ চ’ল্ভড- উত্তৰাধিকাৰী হাজিৰ!!!

মহামন্ত্ৰী: - বাৰু বাৰু কামতো বাৰু সিজিল | কোঠাটো বাৰু ভৰি পৰিল | কিন্তু এডাল মমৰ দাম ৫ টকা আৰু জুইশলাইৰ দাম ১ টকা, মুঠ ৬ টকা হে খৰচ হ’ল; বাকী ৯৪ টকা ক’ত ?

খংগ্ৰেছ:- (লাহেকৈ আগবাঢ়ি মহামন্ত্ৰীৰ পকেটত ৫০ টকা গুজি দি), এহ খুড়া খং-ৰাগনো কিয় কৰে হে? লওক- মিঠাই খাব ...

by Changmai

থুলুক আৰু লটাৰী

থুলুকে লটাৰীত ১ লাখ টকা জিকি খুচ | লটাৰীৰ দোকানলৈ গৈ টকাখিনি ডিমাণ্ড কৰিলে |

দোকানী:- দাদা, এতিয়া আপোনাক ২০,০০০ টকা হে দিব পাৰিম, বাকী খিনি টকা আহিবলৈ এসপ্তাহমান লাগিব |

থুলুক:- ম‍ই সেই চব নাজানোঁ, মোক টকা এতিয়াই লাগে | দিলে পূৰা একলাখ টকা দে, নহ’লে লটাৰী টিকেটৰ দাম- পঞ্চাশ টকাটো উভোতাই দে |

by Changmai

Meditation Camp

এট ওৱান স্পিৰিচুৱেল ট্ৰেইনিং কেম্প-
সাধু: নিজৰ চৰিত্ৰৰ ওপৰত কন্ট্ৰ’ল ৰখাটো খুবেই জৰুৰী | চৰিত্ৰ নিকা হ’লে হে মন ভাল হ’ব, মন ভাল থাকিলেহে সকলো ভালে থাকিব | যেতিয়াই মন পিচলে, ভগৱানৰ নাম লৈ " হৰি ওঁম হৰি ওঁম " জপিব লাগে | যেতিয়াই কোনো ষোড়শীক দেখি মনে থৰকাচুটি হেৰুৱায়, ক’ব লাগে- হৰি ওঁম হৰি ওঁম | 

শিষ্যগণ: অ’ কে বাবা | 
সাধু: এতিয়া আমি গভীৰ ধ্যানত লিপ্ত হ’ম হঁক, সকলোৱে চকু মুদি নিবিষ্ট চিত্তেৰে ধ্যান কৰাহঁক | 

সকলো শিষ্য ধ্যানত মগ্নবিভোৰ | আনন্দত ধ্যানৰ লেভেল টু পাই থুলুকে বিৰবিৰাবলৈ ধৰিলে | 
থুলুক:- হৰি ওঁম হৰি ওঁম |
বাকী শিষ্যগণ সমস্বৰে:- ক’ত ক’ত ? 

by Changmai

শ্ব’পিং ম’লত

এজন বৃদ্ধ আৰু তেওঁৰ নাতিয়েক প্ৰথম বাৰৰ বাবে গাঁৱৰ পৰা গুৱাহাটী ফুৰিবলৈ গ’ল | এটা শ্বপিং মলত সোমাই তেওঁলোক থৰ লাগিল- ইমান ধুনীয়া ধুনীয়া বস্তু চাৰিওফালে, ইমান চাফ-চিকুণ, ইমান ৰঙীণ লাইট ... | তেনেতে তেওঁলোকে দেখিলে এজনী বুঢ়ী লাখুটি ডালত ভৰ দি দি বেৰ এখনৰ কাষলৈ গ’ল, তাত ৰঙা বুটাম এটা টিপিলে আৰু দুৱাৰ খন খোল খাই গ’ল | হতবাক হৈ দুয়ো চাই থাকোঁতেই বুঢ়ীজনী ভিতৰলৈ সোমাই গ’ল আৰু বেৰখনে বুঢ়ীক খাই পেলালে |

বৃদ্ধ আৰু নাতিয়েক টো এক্কে বাৰে অবাক্টেড ...!!!!

চকু কপালত তুলি সেইফালে চাই থাকোঁতেই বেৰখন খোল খালে- আৰু তাৰ পৰা "কঁকাল খামুচীয়া, গাল গুলপীয়া" ষোড়শী গাভৰু এজনী ওলাই আহিল |

দুই মিনিট মান থৰ লাগি থকাৰ পিছত বৃদ্ধ‍ই নাতিয়েকক চাই ক’লে- " যা সোণাই, জল্দি জল্দি আইতাৰক গাঁৱৰ পৰা লৈ আহ গৈ যা, দেৰি নকৰিবি..."

by Changmai

অ-কাৰ

Bhaskor: - কৰতল কমল মদৰ বতল লগত মটৰ কতৰ কতৰ গমন কৰয় ধলং পলং ( ৰাইজ বেয়া নাপাব এই অভাজনে তেৰাক চেৰাই যাব নোৱাৰো৷ ভুল পথে গলে যেন এই অভাজনক পোন বাট দেখোৱায় )

Changmai: -
যমৰ কচম
বতৰ সৰল ||

মদৰ লগত
নহব মটৰ ||

মঙহ মঙহ
চমক চমক ||

মচক মচক
কড়ক কড়ক ||

চলপ চলপ
তৰল মৰম ||

নৰম মঙহ
লগত তৰল ||

চহৰ নগৰ
অজৰ অমৰ ||

ডেকা, এবটল বীয়েৰ আৰু এডাল সাপ আৰু এডাল কেঁচু

||ডেকা, এবটল বীয়েৰ আৰু এডাল সাপ আৰু এডাল কেঁচু ||

ডেকাই কোৱা সঁচা কাহিনী | বিশ্বাস কৰিলে কৰিব, নকৰিলে নো মোৰ কি ডাল আহে যায় ...!!! ;)
গৰমৰ দিন, দেওবাৰ | কি কৰিব ভাবি ভাবি ডেকাই এহাতত বৰশী আৰু এহাতত এটা ঠাণ্ডা বিয়েৰ লৈ বিলৰ পুখুৰীটোলেই মাছ মাৰিবলৈ ওলাই গ’ল | তালৈ গৈ হে মনত পৰিল যে মাছক দিবলৈ টোপ আনিবলৈ পাহৰিলেই নহয় | ইফালে সিফালে অলপ পায়চাৰি কৰাৰ পিছত দেখিলে সাপ এটাই কেঁচু এডাল মুখত লৈ লাঞ্চ কৰিবলৈ লৈছে | সাপডালৰ নেগুৰত গচকি ডেকাই কেঁচুডাল কাঢ়ি আনিলে | 

কাঢ়ি আনিলে হয়, কিন্তু কিছু পৰৰ পিছতে ডেকা অনুশোচনাৰ অগনিত দগ্ধপ্ৰায় হ’বলৈ ধৰিলে- এটা নিৰীহ প্ৰাণীৰ পৰা তাৰ ভোজন কাঢ়ি অনাটো কোনো পধ্যেই প্ৰকৃত মানৱৰ লক্ষণ নোহে | আত্মগ্লানিৰ অগ্নিত দহি ছাই হৈ যোৱাৰ আগতেই ডেকাই গৈ সাপটোৰ মুখত হাতত থকা বীয়েৰ বটল টোৰ পৰা দুটোপমান ঢালি দিলেগৈ- খা, ইয়াকে খাই তোৰ ভোক নিবাৰণ কৰ- বুলি | 

তত্পশ্চাত্‍ নিশ্চিন্তমনেৰে ডেকাই সুহুৰি বজাই বজাই কেঁচুৰ টোপ লগাই বৰশী বাই আছে | খন্তেক পিছত ভৰিত চেঁচা চেঁচা কিবা অনুভৱ হোৱাত ডেকাই তললৈ লৈ দেখে- সেই সাপডালে মুখত আৰু তিনিডাল কেঁচু আনি তাৰ ভৰিৰ ওচৰত থৈছেহি | 

সাপ:- আৰু যিমান কেঁচু লাগে আনি দিম, কিন্তু আৰু দুই চিপ মাৰিবলৈ দে না.... পিলিজ |

by Changmai

Family history

নবীনৰ মনিলতা নামৰ এজনী ভনীয়েক আছে যে , কেলেই লাজকুৰীয়াকৈ, কম কথা কৈছিল, মেডিকেল পঢ়িছিল যে পাহৰিলে নেকি ?? ধেত কেলেই অসমীয়াতে হিন্দী কয় যে ...... পাহৰিলে যদি পাহৰিলে আৰু ....
সেই মনিলতা গুৱাহাটী মেডিকেলত পঢ়ি থকাৰ সময়ৰ কাহিনী এইটো। নবীনেহে কোৱা কথা দেই ,
ডাক্তৰ বোৰে ৰোগী চাওঁতে বোলে family history taking বুলি এটা কথা আছে, মানে ধৰক কোনো ৰোগীৰ যদি ডায়েবেটিচ আছে তেখেত সুধিব লাগে তেওঁৰ ঘৰৰ আন কোনোৱাৰো তেনে ৰোগ আছে নেকি ইত্যাদি, ইত্যাদি ।
মনিলতায়েও নতুনকৈ ৰোগীচোৱা আৰম্ভ কৰিছে নিতৌ নতুন কথা শিকি আছে । এজন ৰোগীক আন দুজনে দাঙি লৈ আহিল মনিলতাৰ ওচৰলৈ--
মনিলতাই শুধিলে " কি হৈছে এখেতৰ ?"
ৰোগীজনে বিষত সেহাইঁ সেহাইঁ "ক'লে বাইদেউ গছৰ পৰা পৰিলো, ভৰিখন ভাঙিল যেন পাইছো, আহ! কিবা এটা সোনকালে কৰক "
মনিলতাই অলপ গহীনহৈ ক'লে "অ fracture হ'ব পাৰে , বাৰু কওঁকছোন আপোনাৰ ঘৰৰ আন মানুহৰো এনেদৰে গছৰ পৰা পৰি fracture হৈছে নেকি আগতে
????? "

ৰোগীজনে কি ক'লে সেইটো গ'ম নাপালো ।
(মনিয়ে আকৌ কথাটো কিন্তু মিছা বুলি কয় দেই, আচলতে কথাটো একদম সঁচা হয়, মোক নবীনে কৈছিল নহয় )

by Banajit Pathak

থুলুকৰ কাৰেণ্ট বিল

থুলুকৰ টেমা গৰম হৈ আছে। আগৰ দিনেই ভাল আছিল। মাহৰ মূৰত দস্তুৰমত ঘৰলৈ কাগজ আহিব। কাগজত লিখা থাকিব কিমান টকা দিব লাগিব। আৰু সি দি থৈ আহিব। আৰু ফোনটো সদায় নিজৰ জেগাত বিদ্যমান। বিচাৰি ফুৰিব নালাগে। এই ম'বাইলডাল অহাৰ পৰাই চব নষ্ট হ'ল। বিল কিমান আহিব কোনো হিচাপ নাই। এমাহত ৭০০ টকা যদি পাছৰ মাহত ১২০০ টকা। আৰু ফোনটো বেছিভাগ সময় বিচাৰি থাকোতেই টাইম যায়। বিলখনো ঘৰলৈ নাহে। পইচা কিমান হৈছে জানিবলৈ ফোন কৰিব লাগে। তাকো আকৌ ইংৰাজীতহে কথা ক'ব লাগে। সিফালে থকাকেইটাই যিহে পটৰ পটৰ ইংৰাজীত কয়। সিও কম ভকত নহয়। সিও শিকি লৈ আজি ফোনালে: "মাই ম'বাইল বিল হাউ মাছ?"।
আৰে ভাই তোক ফোনৰ বিল শুধিছো, তই উলিয়াই মেলি ক।
তাই বেটীয়ে উত্তৰ দিয়ে: "চাৰ, জাষ্ট ডায়েল 123 টু ন' ইয়'ৰ কাৰেণ্ট বিল।"

দি দিলে থুলুকেও: "ইষ্টুপিট, ননচেন্চ!! ফোন বিল, নট্ কাৰেণ্ট বিল। কাৰেণ্ট বিল পেইড্।"

by Rajib Ranjan

ইংৰাজী অনুবাদ

ইংৰাজীলৈ অনুবাদ কৰ:

১/ কালি তোক পাণ্ডেৰ দোকানত চিগাৰেট টানি থকা দেখিছিলো 
ইয়েস্তাৰদে আই চ’ ইউ পুলিং চিগাৰেট ইন পাণ্ডে চপ | 

২/ছোৱালীৰ পিছে পিছে কিয় ঘূৰ? লাজ নাই?
হুৱাই ইউ ৰ’টেট আফটাৰ গাৰ্ল- ন’ চেম ?

৩/কাগজখন তুলি ডাষ্টবিনত পেলা !
আফটাৰ লিফ্টিং দা পেপাৰ ফল ইন ডাষ্টবিন ! 

৪/মই বিচাৰোঁ মোৰ ল’ৰাটোৱে পঢ়ক আৰু ছোৱালীজনীৰ বিয়া হৈ যাওক |
আই ৱান্ট টু ষ্টাডী মাই চান এন্ড মেৰী মাই ড’টাৰ | 

৫/অনুগ্ৰহ কৰি চিৰিয়াখানাৰ জন্তুবোৰক খাবলৈ নিদিব |
প্লীজ ডু নট ট্ৰাই টু ইট দা এনিমেলচ অব দা জু | 

৬/কি খবৰ?
হুৱাট ইজ নিউজ?

৭/হেল্লো, আপুনি কোনে কৈছে?
হেল্লো, হু উ টেলিং?

by Changmai

লংগুটীয়া বন্ধু

দুই জিগৰি দোস্ত , লঙ্গুটিয়া বন্ধুৰ একেদিনাই জন্মদিন ! দুয়ো দুয়োকে শুভেচ্ছা দিবলৈ ফোন কৰিলে ! 

অমিতাভ বাচন : মেৰে পাচ গাড়ী হ্যে , বাঙলা হে তোমাৰে পাচ কিয়া হ্যে ?? আইই....

হাঁহিৰাম গগৈ : মেৰে পাচচ লাখো বাংলাদেশী হ্যে ! হয় নে নহয় !? মিছা ক'লে কিডাল হ'ব ! 

by Marylene D

গৈগৈ আৰু দুত্তা

গৈগৈ:- কুহুৰ কুহুৰ, ইমান কে কাহ হৈ আছে চাৰিদিনমানৰ পৰা- অশান্তি পাইছোঁ দেই একদম
দুত্তা:- ল’ মোৰ বটলটোৰ পৰাই দুই চিপ মাৰি দে লাহেকে...
গৈগৈ:- ধেত, কি কৱ? মদ খালে মোৰ কাহটো গুছি যাব নেকি কিবা?
দুত্তা:- হুইট, কেলে নেযাব? মদ খোৱাৰ পিছত মোৰ চাকৰিটো গ’ল, গাড়ীখন গ’ল, ঘৈণীজনীও গুছি গ’ল... তোৰ কাহটো নো কেলে নেযাব ?
গৈগৈ:- বাত মে লেকিন দম হ্যায় দেই ...


by Changmai

কথাৰ নাই শেষ

কথা পাতি পাতি গাড়ী চলাই থাকোতে দুজন মানুহক খুন্দিয়াই নিহত কৰাৰ অপৰাধত দুগৰাকী মহিলাৰ ১০ বছৰ জেইল হৈছিল ।

দুয়ো সম্পুর্ণ ১০ বছৰ জেইলত একেলগে কটাই মুকলি হোৱাৰ দিনা জেইলৰ গেটৰ পৰা ওলাইয়ে ইজনীয়ে সিজনীলে চাই মিচিকিয়ালে আৰু ক'লে-
" বাকী বোৰ কথা ঘৰত গৈ ভাল কে পাতিম গে আৰু দেই "

by Mon Zeet

কবিতা হেৰাল

স্বামী : হেৰা, কালি মই লিখা কবিতাটো ক'লৈ গ'ল ?
পত্নী : মই কেনেকৈ জানো ।
স্বামী : মাইনাই ফালি পেলালে নেকি ?
পত্নী : সি পঢ়িব নজনা ল'ৰাটোৱে কিয় আপোনাৰ কবিতা ফালিব !!!!

by Rajprotim Gogoi

ল’কৈ আৰু ডাক্তৰ

ল'কৈৰ প্রচণ্ড পেটৰ বিষ.. ডাক্টৰৰ ওচৰলৈ গ'ল.. ডাক্টৰো ডাক্টৰ আৰু.. কিবা বিলাতী টাইপ.. অসমীয়াতে কথা পাতে যদিও মাজে মাজে দুই এটা ইংৰাজী শব্দ নক'লে নিজকে ডাক্টৰ যেন নালাগেচোন.. ল'কৈক চালে কিবাকিবি যন্ত্র পাতি লগাই.. ঔষধ দিলে দুপালি.. 
মাজতে ইংৰাজী শব্দ ভৰোৱাৰ বিলাসিতাৰে ল'কৈক কলে, "এই দুপালি ল'.. এপালি মিল'ৰ (meal-aahar) আগত আৰু এপালি মিলৰ পাছত খাবি.." ল'কৈয়েও বুজি পোৱা যেন দেখুৱাই আহি ৰত্ন মহাজনৰ ধান বনা মিলটোৰ আগফালে গৈ এপালি আৰু মিলটোৰ পাছফালে গৈ এপালি ঔষধ খালে বাপ্পেকে..

হাজাৰ হ'লেও ল'কৈও দুশ্রেণী পঢ়া দিয়কচোন.. 
অলপ চলপ ইংৰাজী ত' বনতা হ্যে ভাই..!

by Riyan Raagini

খবৰদাৰ ...

হিটলাৰৰ অভিধান

হিটলাৰ- মোৰ অভিধানত 'অসম্ভব বুলি কোনো শব্দ নাই।

থুলুক- এতিয়া কৈ কি লাভ ? অভিধানখন কিনাৰ সময়ত চাই ল'ব লাগিছিল ভালকৈ।

হিঃহিঃহিঃহিঃ
_____________________
"সঁচা কথা ক'লে থুলুক বেয়া"

by Ractim G.

পিংকিৰ প্ৰাৰ্থনা

'পিংকিয়ে মন্দিৰলৈ গৈ ভগৱানক প্ৰাৰ্থনা কৰিছে.: - "হে ভগৱান, কোনোবা বুদ্ধিমান ল'ৰা এটাক মোৰ প্ৰেমিক হিচাপে দিয়া।"

ভগৱান: - ঘৰলৈ যোৱাগৈ মাজনি, কাৰণণ বুদ্ধিমান ল'ৰাৰ প্ৰেমিকা নাথাকে...."

by Debajit Hazarika

Cooking & Kalitani

কলিতা: হোঁ এইখন লোৱা 
কলিতানী: কি হা এইখান?
কলিতা: ঔ এইখান কুকিং বুক
কলিতানী: হাউ... হাও ডেয়াৰ ইউ গিভ মি দিছ বুক? 
কলিতা: হাউ! ম‍ই দিয়া নাই ঔ, সেই যে কালি তুমি ভিক্ষাৰীটোক দিবলে দিছিলা তুমি ৰন্ধা বিৰিয়ানীখিনি, সেইখিনি খায়েই আজি ই এইখন কিতাপ তোমাক দিবলে দিছে হে- " হাউ টু কুক নাইচ ফুড"

by Changmai

থুলুকৰ অসুখ

থুলুকৰ প্ৰচণ্ড অসুখ । ডাক্তৰৰ ওচৰলৈ গৈ সি নিজৰ স্বাস্থ্য পৰীক্ষা কৰোৱালে । ডাক্তৰে বিভিন্ন ধৰণৰ স্বাস্থ্য সম্বন্ধীয় পৰীক্ষাসমুহ কৰালে যদিও বেমাৰটো ধৰা পেলাব নোৱাৰিলে ।

ডাক্তৰ- আপোনাৰ কি হৈছে সেয়া মই সঠিককৈ ক'ব নোৱাৰিম । কিন্তু যেন কিবা এটা কিবা এটা পুৰণা অসুখে আপোনাক আমনি কৰি আছে । মোৰ তেনে ভাৱেই হয় ।

থুলুক- ঠিকেই ধৰিছে । পিচে লাহে লাহে কওক । অসুখটো বৰ ডেঞ্জাৰাচ । বাহিৰতে বহি আছে ।

(এতিয়া কি কৰে কৰক)


by Bhaskarjyoti Das

পাপৰ আৰু জেলেপী

থুলুক আৰু নবীন দুৰ্গাপুজা চাবলৈ চহৰলৈ গ'ল । পকেটত দুয়োটাৰে মুঠ দহ টকা আছিল। তাৰে জেলেপী ৪ খন কিনি খাই বৈ দুয়োটাই ৰাতি এপৰলৈকে পুজা চালে । লাহে লাহে দুয়োটাৰে ভোক লাগিল । ঘৰলৈ বুলি ওভটি আহোতে এটা বিৱাহ ভৱন দেখি থুলুকে ক'লে-
ঔ নবীন, এইখন বিয়া যেন পালো, দেখিছনে কেনেকৈ বেন্ডপাৰ্টিয়ে বজাই আছে ।
নবীন- ও বিয়ায়েই হয় । ব'ল ব'ল ঘৰলৈ যাও । দেৰি হৈছে ।
থুলুক- হেৰৌ বিয়াঘৰ যেতিয়া ভাতপানীৰ ভাল আয়োজনেই হ'ব । মানুহো ঢেৰ আছে । তাতে পেটত কেঁচু কুমটিয়ে উৎপাত লগাইছে । ব'ল খাই লও ।
নবীন-হেৰৌ চিনন নাই জানন নাই ইয়াত কোনো । মই হ'লে যোৱাত নাই দেই । তোৰ মন গৈছে গৈ থাক ।
থুলুকে 'ৰ তেন্তে' বুলি ভিতৰত সোমাল আৰু দুই মিনিটমানৰ ভিতৰতে ওলাই আহি ক'লেহি - হেৰৌ বিয়া পাতিছে আৰু । যিখনহে খাবলৈ দিছে । প্ৰথমে পাপৰ এখন দিছে আৰু সেইখন খাবলৈ এখন চামুচ । কি যে সেৰেকা পাপৰ ! তই অকনমান খাই চাছোন ।
"এৰা অ', জ্বলাও নহয়, নিমখীয়াও নহয়, কি যে সেৰেকা"-নবীনে থুলুকে লৈ অনা টিচু পেপাৰখনৰ চোবাই থকা টুকুৰাটো থুৱাই উত্তৰ দিলে ।

(এতিয়া কি কৰে কৰক)

by Bhaskarjyoti Das

থুলুক আৰু সমুদ্ৰৰ অসুৰ

চন ১৮৯০ ৰ কথা | 
প্ৰশান্ত মহাসাগৰত থুলুক আৰু তিনিজব বন্ধু নাও এখনত উঠি গৈ আছিল | ৰাতিৰ সময় | হঠাতে হো-হোৱাই ধুমুহা এজাক বলিল আৰু এটা অসুৰ প্ৰকট হ’ল | 

হো-হোৱাই হাঁহি অসুৰটোৱে ক’লে: বা: কেনে মজা, আজি দেখোন ধেৰ খানা ... | কিন্তু তঁহতক বাচিবলৈ সুবিধা এটা নিদিলে কথাটো "আনফেয়াৰ" হ’ব| এটা কাম কৰ | এই বিশাল সাগৰৰ গভীৰ পানীত তঁহতে যি কোনো এটা বস্তু পেলাই দে, যদি ম‍ই বস্তু-টো বিচাৰি আনিব পাৰোঁ, ম‍ই জিকিম আৰু সেই পেলোৱা মানুহটোক খাই পেলাম | হো হো হা হা |

থুলুকৰ প্ৰথম বন্ধুটোৱে ওঁঠখন বেঁকা কৰি হাঁহি এটা মাৰি বেজী এটা সাগৰত পেলাই দিলে | ৮ মিনিটতে অসুৰটোৱে বেজীটো বিচাৰি আনি তেওঁক খাই পেলালে | 

দ্বিতীয় বন্ধুৱে নিজৰ মাথাৰ পৰা চুলি এডাল চিঙি পেলাই দি গোঁফৰ তলেদি মিচিকিয়াই হাঁহি এটা মাৰিলে | কিন্তু কিমাশ্চৰ্যম, অসুৰটোৱে ১১ মিনিটত সেই চুলিডালো বিচাৰি উলিয়ালে আৰু হো-হোৱাই বন্ধু ২ ক খাই পেলালে |

থুলুকৰ পাল | অসুৰৰ হাঁহিত তত্‍ নাই | থুলুকে লাহেকৈ পকেটৰ পৰা চুলাইৰ বটল টো উলিয়াই দুই টোপ সাগৰত ঢালি দি ক’লে- যা, বিচাৰি আন |

আজিলৈকে হেনো অসুৰটোৰ দেখা-দেখিয়েই নাই |

by Changmai

Capitalলৈ বুলি...

থুলুক আৰু নবীন দিল্লীলৈ বুলি ফ্লাইটত উঠিল ...! 

কিয়?

- সেই যে | এদিন দুয়োটাই চিম কাৰ্ড কিনিবলৈ দোকানলৈ গৈছিল; দোকানীয়ে ফ’ৰ্ম এখন দিলে | তাত স্পষ্টকৈ লিখা আছিল- WRITE IN CAPITAL বুলি; সেইকাৰণে কেপিটেললৈ বুলি.... 

বাৰু... ফ্লাইট এৰাৰ পিছত নবীনে উচপিচাই আছে | থুলুকে ক’লে কি হ’ল ঔ?
নবীন: উঠ, থিয় হ’ | 
থুলুক: কেলেই?
নবীন: দেখা নাই নেকি এয়াৰ হোষ্টেচ কিজনী কেনেকৈ থিয় হৈ আছে ? মহিলাক আসন এৰি দিব লাগে বুলি সৰুতে শিকা নাছিলি নেকি ? 

ANAKA HALA KANAKA HABA ?


by Shantichaya D.

পাৰ্থক্য ব-হু-ত

সমস্যা, প্ৰতিভা আৰু কৌশলৰ মাজৰ পাৰ্থক্য
দুজন ল’ৰাই এজনী ছোৱালীক ভাল পালে............ সমস্যা |
এজন ল’ৰাই একে সময়ত দুজনী ছোৱালীৰ লগত প্ৰেম কৰিলে.......... বিশাল প্ৰতিভা
এজন ল’ৰাই একে সময়ত দুজনী ছোৱালীৰ লগত প্ৰেম কৰিলে আৰু দুয়োজনী ভনীয়েক হ’লে.......... তাক সংবিধানৰ আটাইকেইটা ভাষাতে কৌশল বুলি অভিহিত কৰা হয় |

by Sushmita Das

গাঁঠিৰাম

এটা ল’ৰা নতুনকৈ এজনী ছোৱালীৰ প্ৰেমত পৰিল ৷ ছোৱালীজনী বহুত মডাৰ্ণ ৷ কথা-বতৰা,খোৱা-বোৱা,কাপোৰ-কানি চব মডাৰ্ণ ৷ ল’ৰাটো তামাম গাৱঁলীয়া ৷ সি দিনে-ৰাতিয়ে চেষ্টা কৰিছিল ,যাতে গাৰ্লফ্ৰেণ্ডৰ ওচৰত তাৰ ইম্প্ৰেছন বেয়া নহয় ৷ ইংৰাজীও দুটামান ক’বলৈ শিকিলে ৷ গাৰ্লফ্ৰেণ্ডৰ আগত সি গাৱঁলীয়া কথা-কাণ্ডবোৰ যিমান পাৰি বাদ দিবলৈ ধৰিলে ৷ লাহে লাহে সিও মডাৰ্ণ হৈ আহিল ৷ 
এদিনৰ কথা ৷ দুপৰীয়াৰ সময় ৷ ল’ৰাটোৰ ঘৰৰ ফোনটো তাল-ফাল কৰি বাজি উঠিল ৷ মাকে ফোনটো উঠালে ৷ 
-অ হেলেউ ৷ কোনেনো ক’লা ?
- হেল্ল’ ! এইটো বাৰু গাঁঠিৰামৰ ঘৰ হয়নে ? 
- অ হয় আকৌ ! তুমি নো কোনে ক’লা ?
-মই তাৰ গাৰ্লফ্ৰেণ্ড ৷ সি ক’ত গ’ল ?
- সি বাৰীৰ চুকত বহি শৌচ কৰি আছে ৷ এতিয়াই নাহে ৷ এক ঘন্টাৰ পাছত ফোন মাৰিবা দেই ৷ 
- (চাইলেন্ট)
[সেইদিনাৰ পৰা গাঁঠিৰামক সেইজনী ছোৱালীৰ লগত কোনেও দেখা নাপালে ৷ ]

by Ishaan Jyoti B.

পাতবেঙ আৰু থুলুক

থুলুকক যিয়েই লগ পাই সিয়েই যা-তা কথা কয় আৰু গালি পাৰে । যেনে ধৰক মূৰ্খ, মগজহীন, গাধ.. ইত্যাদি ইত্যাদি । এদিন আবেলি সি আমনজিমনকৈ ঘৰলৈ গৈ আছে । এনেতে এটা পাতবেঙ জাঁপ মাৰি তাৰ সমুখতে ৰৈ তাক ক'লে- ঐ মূৰ্খ । তোৰ মুৰত ঘিউ আছেনে নাই ?
থুলুক- আছে ।
পাতবেঙ- নাই ।
থুলুক- আছে আছে।
পাতবেঙ- নাই নাই। 
থুলুক- আছে পাই।
পাতবেঙে নাই বুলি কৈ কাষৰ পুখুৰিটোত জাঁপ দিলে ।

থুলুকৰ প্ৰতিক্ৰিয়া- এস, ইমান সৰু কথাতে চুইচাইড কৰিব লাগেনে ?

by Bhaskarjyoti Das

থুলুকৰ খঙ

থুলুকৰ নবীনৰ ওপৰত তামাম খং উঠি আছে। গোলোকৰ ওচৰত কৈ আছে: "এই নবীন ডাল। ভিখাৰী চাল্লা। খালী পইচা নাই, পইচা নাই।" গোলোকে বোলে, "কি হ'ল ঔ, তোক ধাৰলৈ পইচা খুজিছিল নেকি?" থুলুকৰ উত্তৰ: "নহয় ঔ, মইহে খুজিছিলো। যেতিয়াই খোজো, তেতিয়াই খালী পইচা নাই। চাল্লা ভিখাৰী"।

by Rajib Ranjan

হীৰাৰ আঙুঠি

থুলুক: জানমণি, এইটো লোৱা |
ঘৈণীয়েক: এইটো কি?
থুলুক: হীৰাৰ আঙুঠি...
ঘৈণীয়েক: আ আ আ ... মোৰ বিশ্বাসেই নহয়; ইউ আৰ চ’ চুইইইইইট | কিন্তু তুমি মোক স্কুটী এখন হে দিয়াৰ কথা আছিল ?
থুলুক: ধেই, স্কুটী কিবা নকলী পাই নেকি ? হি হি হি


by Shantichaya D.

A Letter from Thuluk

"চিঠি ফ্ৰ’ম থুলুক" 

ৰাইজে কিছুদিন আগতে থুলুকৰ মাকে থুলুকলৈ দিয়া চিঠিখন পঢ়িছিল | এইবাৰ থুলুকে মাকলৈ বুলি লিখা চিঠিখন পঢ়ক | থুলুক তেতিয়া ১৪-১৫ বছৰৰ চেঙেলীয়া এটা | 

মোৰ মৰমৰ মা জনী ঐ

মৰমবোৰ ল’বি | পিতাইলৈ লিখিবলৈ ভয় লাগে কাৰণে তোলৈকে লিখিছোঁ | 
কথাটো অলপ গম্ভীৰেই | ওচৰৰ কলিতা খুড়াৰ কামকৰা ছোৱালী ভেলেঙীৰ লগত এইয়া মই বাছত উঠি পলাই গৈ আছোঁ | ক’লৈ যাওঁ সেইটো নুসুধিবি, নকওঁ – কেনেবাকৈ পিতাইয়ে গম পালে ফুল স্পীডত জীপখন দৌৰাই আহি বাছখন ৰখাই লৈ বাটতে চবৰে আগত ভলুকা বাঁহৰ এচাৰিৰে মোৰ পিঠিত বলধ গৰুক কোবোৱাদি কোবাব | থাকিল, ভেলেঙীৰ কথা- হ’ব পাৰে তাইৰ বহুত বদনাম আছে চুবুৰীৰ কেইবাটাৰ লগতো হলিগলি আছে বুলি, কিন্তু মা ঐ, তাই সেইবোৰ লিলিমাই হে কৰে; আচল ভালপোৱাটো হেনো মোৰ প্ৰতিয়েই আছে | হি হি | আৰু তাইৰ চকু এটা কেঁৰা বা দেখিবলৈ বেয়া বুলি দুখ নকৰিবি, দুখ কৰি লাভ-টো নাই! কাৰণ এতিয়া যে তাই তোৰ বোৱাৰী হ’লহি! দেখিবলে ভাল নহ’লেও তাইৰ মনটো খুব ভাল, চবকে তাই সমানে ভাল পায়- চবৰে চিঠিৰ উত্তৰ দিয়ে, চবৰে এচ.এম.এচৰ ৰিপ্লাই দিয়ে, চবৰে ফোন তোলে, ভালকৈ লগ ধৰিলে চবৰে লগতে চান্স চাই ইলোৰা হলত চিনেমা চাবলৈকো যায় | ইমান মৰমিয়াল ছোৱালীজনীক চেহেৰাৰ ৰূপেৰে জুখিলে হ’ব জানো তয়েই ক’চোন ? 

এনেকৈ পলাই যাবলৈ মন নাছিল বুইছ? বিয়াখন তঁহতৰ সন্মতি মতেই পাতিম বুলি ভাবিছিলোঁ, মেট্ৰিকৰ ৰিজাল্ট দিয়াৰ পিছতে তহঁতক কথাটো কাণ চোৱালো হয় | চাৰিবাৰকৈ মেট্ৰিক দি দি আমনি লাগিছে, কিমান আৰু তঁহতৰ কেটেৰা-জেঙেৰা শুনিম, ভেলেঙীৰ মৌ মিঠা মাত সদায় শুনিবলৈ পালে তঁহতৰ সেইবোৰো বৰদাস্ত কৰিব পাৰিম বাৰু (হি হি) | যি কি নহওক, পলোৱাৰ কথা নাছিলেই, তাই হে পৰহি ক’লে যে তাইৰ পেটত হেনো তোৰ নাতি | নাতি নে নাতিনী, এতিয়ালৈকে কনফাৰ্ম হোৱা নাই ৰ’, চাৰিমাহ হৈছে হে | পিছত চিঠি দি জনাম বাৰু কি হ’লগৈ | সি ডাঙৰ হ’লে এদিন আকৌ উভতি আহিম, তেতিয়া আৰু চাগে পিতাইয়ে মোক দগৰা পিটন নিদিব (হি হি) |

থওঁ দে, চিঠিখন তঁহতি পাৱ মানে আমি ডিব্ৰুগড়, শিৱসাগৰ জিলা পাৰেই হ’ম চাগে |
ভালে থাকিবি দেই |

ইতি তোৰ জীউ
থুলুক 

পুনৰ:- বেছিকে টেনচন নল’বি, ওপৰৰ চিঠিখন গোকাট মিছা | নহ’লে তোৰ প্ৰেছাৰ বাঢ়িব | ইমানো ডঙুৱা নহয় তোৰ পুতেৰ যে ইমান আনস্মাৰ্ট কাম এটা কৰি বংশৰ নাম ডুবাব | দীঘলকৈ উশাহ ল’চোন, অলপ মিচিকিয়াই হাঁহি পেলা | অঘটনটো যে নঘটিল, তাৰ বাবে ঈশ্বৰক ধন্যবাদ দে |

আচল কথাটো হ’ল, আজি মেট্ৰিকৰ ৰিজাল্ট যে আনিবলৈ গৈছিলোঁ, চিঠিখন পঢ়ি পাহৰিলিয়েই চাগে? এইবাৰো তোৰ পুতেক সৰকিব নোৱাৰিলে | দুখ নকৰিবি, গাওঁবুঢ়াৰ পিতেক মলক আৰু সেই যে কেণপাই, সিঁহত দুটাও মোৰ লগতে লাগি ধৰিলে | তঁহতে পিটিবি বুলিয়েই এই চিঠিখনৰ তিনি কপি কৰি আমি নিজৰ নিজৰ ঘৰলৈ পঠাইছিলোঁ | এতিয়া বুজিলি তো, যে মেট্ৰিকত ফেইল কৰাতকৈও ডাঙৰ ডাঙৰ বিপদ ঘটি যাব পাৰে | (হি হি) |

পিতনিখনৰ পিছফালে থকা আঁহতজোপাৰ পিছফালেই আমি তিনিওটা লুকাই আছোঁ | যদি নিবলৈ আহ, আহিবি, কিন্তু চাবি আক’, পিতাইৰ হাতত হালোৱা এচাৰিডাল দেখিলে মইি পিতনিতে জাঁপ দি মৰি যাম | যোৱাবাৰৰ পিটন খাই মোৰ পিঠিখন দমলা-দমল হৈছিল, এতিয়াও চেৰেং চেৰেং কৈ মনত পৰে সেই পিটন | 
আহিবি মা, তোলৈ বাট চাম | হি হি |

তাৰিখ: আজি আবেলি
স্থান: নামঘৰটোৰ পিছফালে থকা পিতনিখন |

by Changmai

আপুনি কি কৰিব বাৰু?

সমুহ গাজাৰীয়ান লৈ মুকলি প্রশ্ন

ধৰি লওক আপুনি আমন জিমনকৈ বহি আছিল ৷ হৰ্ঠাৎ আপোনাৰ আঙ্গুলি এটা নাকত সোমোৱাই দিয়াত আপুনি হেঙুনৰ টুকুৰা এটা পালে ৷ এতিয়া কি কৰিব সেই টুকুৰা ???

১/ বিচনাৰ চুকত লগাই থব
২/ বেৰত সানি থব
৩/ হাততে লৈ আঙ্গুলিৰে মোহাৰি বল বনাব 

উত্তৰ নিদিয়া কেইজনক গম পাম যে তেঁও লোকে সেই বস্তুটো খাই পেলালে ৷

by Bhaskor Barukial

কোন বেছি ভাল ?

কলিতা: মাম্মী বেছি ভাল নে পাপ্পা ?
পুতেক: দুইজনেই ভাল
কলিতা: নহয়, এজনৰ নাম কোৱা, মাম্মী নে পাপ্পা?
পুতেক: দুয়োজনেই ....

কলিতা: বাৰু, ধৰা মাম্মী দিল্লীলৈ আৰু পাপ্পা কলকাতালৈ গ’ল; কাৰ লগত যাবা তুমি ?
পুতেক: দিল্লীলৈ যাম, বৰ ধুনীয়া ঠাই হেনো... 
কলিতা: ওহ, আৰু ধৰা মাম্মী কলকতা আৰু পাপ্পা দিল্লীলৈ গ’ল, তেতিয়া তো মোৰ লগত দিল্লীলৈ যাবা?
পুতেক: নেযাওঁ, কলকাতালৈ যাম; কাৰণ দিল্লী দেখোন অলৰেডি গৈয়েই আহিলোঁ ...
কলিতা #$%%#@##

by Changmai

Mobile Mobile

দেউতাক : বাবা, তোৰ মোবাইল ফোনটো একমিনিটৰ বাবে দেচোন.........
পুতেক : একচেকেণ্ড দেউতা, মই মোবাইলটো আনল’ক কৰি দিওঁ........

প্ৰেয়সীৰ ফটো.... ডিলিট...........
ইনবক্স-আউটবক্স...... ডিলিট
ৰিচিভড কল... ডিলিট
ডিলিট
ডিলিট
ডিলিট.....................................

পুতেক : এয়া লোৱা দেউতা,
দেউতাক: নাই অ’ সময় চাবলগীয়া আছিল, একো নাই বাৰু তয়েই চাই দেচোন সোণ :) 
পুতেক: দেউতাআআআআআআআআআআআআআআআআআআআআআআআআ

by Sushmita Das

অংক জংক পংক

থুলুকৰ অংক জংক পংক 

থুলুকে এক মিনিটতে আপোনাৰ প্ৰিয় ব্যক্তিজন কোন কৈ দিব পাৰিব | আপুনি মাথোন এই অংকটোৰ সমাধান কৰক | 

১ ৰ পৰা ৯ৰ ভিতৰত যিকোনো সংখ্যা এটা ভাবক | 
সংখ্যাটো ৩ ৰে পূৰণ কৰক
ফলাফলৰ লগত এতিয়া ৩ যোগ কৰক 
ফলাফলৰ লগত আকৌ ৩ পূৰণ কৰক 
আপুনি যিটো দুই অংকৰ সংখ্যা পালে, সেই অংক দুয়োটাকে যোগ কৰি দিয়ক (উদাহৰণ- আপুনি যদি পাইছে ৬২, তেন্তে ৬+২ কৰক )
এতিয়া যিটো উত্তৰ পালে সেইমতে এই সূচীখন চাওক, আপোনাৰ প্ৰিয় ব্যক্তিজন সেই নম্বৰতে থাকিব লাগে |

১. যতীন বৰা
২. তৰুণ গগৈ
৩. মহাত্মা গান্ধী
৪. মনমোহন সিং
৫. লাডেন
৬. অ’বামা
৭. শ্বাহৰুখ খান
৮. জুবিন
৯. থুলুক
১০. মিথুন চক্ৰবৰ্তী
১১. শচীন তেণ্ডুলকাৰ
১২. নবীন

by Changmai

ভাত ঘুমটি

Salesman আৰু Salad

ভেকুৱাম ক্লীনাৰ বিক্ৰী কৰা ছেলচমেন এজন থুলুকৰ ঘৰলৈ আহিল | আহি দুৱাৰত টোকৰ দিলে | থুলুকে দুৱাৰ খোলাৰ মাত্ৰকে Salesman টোৱে Demo দিবৰ বাবে গৰুৰ গোবৰ এসোপা ঘৰৰ মজিয়াত ছটিয়াই দিলে |

থুলুক:- ঔ ঔ এইয়া কি কৰিছা?
ছেলছমেন:- ডু ন”ট ৱ’ৰী চাৰ... এতিয়া দুই মিনিটতে এই ভেকুৱাম ক্লীনাৰটোৰে চব চাফা কৰি পেলাম | চাফা কৰিব নোৱাৰিলে ম‍ই নিজেই এই গোবৰখিনি খাই পেলাম | 
থুলুক:- দুই মিনিটত?
ছেলছমেন:- হয় চাৰ, মাথোন দুই মিনিট মাত্ৰ | 

থুলুক:- ঠিক আছে, তেনেহ’লে ম‍ই অকণমান পিঁয়াজ আৰু বিলাহী কাটি আনোঁগৈ তোমাৰ কাৰণে ৰ’বা | 
ছেলছমেন:- হুৱাট ইউ মীন চাৰ? 

থুলুক:- মানে সুদাই সুদাই গোবৰখিনি খাই সোৱাদ নাপাবা তো... কালি ৰাতিৰে পৰাই কাৰেন্ট নাই | এইখন অসম দেশ হয় ভাই...!

by Changmai#

কলিতাৰ পুতেক

পুতেক:- দেউতা দেউতা, ম‍ই পৰীক্ষাত ৯৭ পালোঁ | 
কলিতা:- অ’ বা:, চাব্বাছ, কোনটো চাবজেক্টত ? 
পুতেক:- চবতে...
কলিতা:- চবতে?
পুতেক:- মানে চব মিলাই! ইংৰাজী- ২২, অসমীয়া- ২৩, বিজ্ঞান- ১১, সমাজ বিদ্যা- ২০ আৰু গণিত- ২১ | হি: হি: 
কলিতা:- কটা, নিধক, মোৰ বিশ্বাসৰ হত্যাকাৰী, এলেহুৱা, অকামিলা, পচলা খোৱা ধোদ, নিৰ্লজ্জ কিশোৰ- ফাইনেল পৰীক্ষাত যদি ৬০% শতাংশতকৈ কম আহে, মোক নিজৰ দেউতাৰ বুলি পাহৰি যাবি; কৈ দিলোঁ | 

তিনিমাহৰ পিছত বছেৰেকীয়া পৰীক্ষাৰ ৰিজাল্ট দিয়াৰ দিনাখন-

কলিতা:- জান টো, এইফালে আহচোন, ৰিজাল্ট দিলে নহয় আজি, কিমান % পালি ?
পুতেক:- আপুনি কোন বাৰু, ঠিক ধৰিব পৰা নাই! বেয়া নাপায় যদি নিজৰ পৰিচয় কণ দিবনে?

by Changmai#

ইন্টাৰভিউত কণপিতৌ

কনপিতৌয়ে এবাৰ ইন্টাৰভিঊ এটা দিবলৈ গ'ল।

চাৰ: হুৱেৰ আৰ ইউ বর্ন?

কনপিতৌ: আচাম।

চাৰ: হুইচ পার্ট?

কনপিতৌ: হুইচ পার্ট আকৌ কি? গোটেই ব'দী উৱাচ বর্ন ইন আচাম আক' ।

by Tulika N.

তীখৰৰ তীখৰ বুদ্ধি

তীখৰৰ কথা মনত আছে নে ? সেই যে প্ৰিয় ফুল কেকটাছ বুলি কৈছিল........ 

এইবাৰ গৰমৰ বন্ধত তীখৰ বাপেকৰ লগত মাছ মাৰিবলৈ গ’ল | দিনৰ দিনটো মাছ মাৰি এটা গৰৈ মাছ হে উঠিল খালৈটোত |তীখৰৰ বৰ হেঁপাহ, সেইটো পুৰি খাব | পিছে বাপেকে সেইটো অকলে পুৰি খোৱাত লাগিল | বৰ হতাশ মনেৰে তীখৰ দেউতাকৰ ফালে চাই ৰ’ল | তাৰ মনৰ ভাৱ বুজি দেউতাকে ক’লে....
দেউতাক : হেৰৌ, তহঁতৰ ঢেৰ দিন পৰি আছে জীৱনত এইবোৰ খাবলৈ,আজি ময়েই খাওঁ দে |

পিছদিনা ৰাতিপুৱা | দেউতাকে টেটুঁফালি আছে তীখৰক পথাৰলৈ যাব লাগে বুলি | ইফালে তীখৰ মহাৰাজ শুই উঠাই নাই | বিছনাৰ পৰাই মাত লগালে...
তীখৰ : দেউতা, আমাৰ গোটেই জীৱনটো পৰি আছে পথাৰলৈ যাবলৈ, আজি তয়েই যাচোন অকলে....

By Sushmita Das

চিধা কথা

থুলুকে নিজৰ ফেছবুক একাউন্ট খুলিলে... প্রথমেই ৱাল খন দেখা পালে আৰু ৱাল খন দেখিয়েই একো নাভাবি ডাইৰেক্ট লিখি দিলে



" ইয়াত কুকুৰৰ দৰে পেছাব নকৰিব"

by Mon Zeet

School Ahead...

সৰুতে স্কুলত পঢ়ি থাকোতে থোলোকে এদিন ৰাতিপুৱা স্কুল গৈ পাওঁতে অলপ দেৰী হ’ল । শিক্ষকে সুধিলে – “কিয় দেৰী কৰিলা থোলোক ? টাইমমতে আহিব নোৱাৰা নেকি ?”

থোলোকে গহীনাই উত্তৰ দিলে – "চাৰ, মই ঠিকেই আহি আছিলোঁ । আহি থাকোতে বাটত দেখিলো এখন চাইন্‌বৰ্ড । তাত লিখা আছে ‘school ahead, go slow’ ।
গতিকে মই নিৰ্দেশ মানি লাহে লাহে আহি থাকোতে অলপ দেৰী হৈ গ’ল ।" 

(সঁচা কথা কলে থোলোক বেয়া ।)

By Pratim P Baruah

ক’ৰ্টত থুলুক

থুলুকৰ ঘৰৰ কাষৰ মানুহটোক পুলিচে ধৰি লৈ গ'ল। নিনিবনো কিয়? মাৰ্ডাৰ, তাকো দুটাকৈ। ক'ৰ্টত ৰায়দান আৰম্ভ হৈছে। থুলুকো গৈছে কিনো শাস্তি দিয়ে শুনিবলৈ। জাজ মহোদয়ে আচামীক শাস্তি শুনোৱাৰ আগতে তাৰ ওপৰত লগা দফাবোৰ কৈ লৈছে। 
"তোমাৰ ওপৰত তোমাৰ পত্নীক হাতুৰীৰে মৰিয়াই হত্যাৰ অভিযোগ আছে। দফা ৩০২"। 
পাছফালে বহি থকা থুলুকে চিঞৰ দিলে: "চাল্লা চুঁৱৰৰ বাচ্ছা!!!"
"তোমাৰ ওপৰত তোমাৰ পত্নীৰ মাকক, মানে তোমাৰ শাহু আইক হাতুৰীৰে মৰিয়াই হত্যাৰ অভিযোগ আছে। দফা ৩০২"।
পাছফালে বহি থকা থুলুকে আকৌ চিঞৰ দিলে: "চাল্লা চুঁৱৰৰ বাচ্ছা!!!"
জাজ: "অৰ্ডাৰ, অৰ্ডাৰ!! আপুনি আৰু এবাৰো যদি চিঞৰে বা বেয়া কথা কয়, মই আপোনাক ক'ৰ্টৰুমৰ পৰা উলিয়াই দিম।"
থুলুক: "মাই লৰ্ড, এই চুঁৱৰৰ বাচ্ছাটোৱে যোৱা দহ বছৰ ধৰি মোৰ ঘৰৰ কাষতে আছিল। চুঁৱৰৰ বাচ্ছাক যেতিয়া মই হাতুৰী আছেনেকি সুধিছিলো, সি নাই বুলি কয়। চাল্লা, চুঁৱৰৰ বাচ্ছা, মহা ফাঁকিবাজ!!"

(সঁচা কথা ক'লে থুলুক বেয়া।)

by Rajib Ranjan

মৰিবলৈ ওলাল লুথুক

লুথুকে জীৱনৰ বিফলতাৰ বাবে ভাগ্যক ধিয়াই আত্মহত্যাৰ পথ বাচি ল'লে । তাকো সিদ্ধান্ত চলন্ত ৰেলৰ আগত পৰাৰ ।

 ষ্টেশ্যন ৰ'ডেৰে গৈ থাকোতে ৰাস্তাত গুবিনে লগ পাই সুধিলে --
হেৰৌ লুথুক, এই ভৰ ৰাতিখনত কলৈ যাৱ ?

লুথুকে কান্দি কান্দি উত্তৰ দিলে-"মোৰ জীৱনটোত একো নহ'ল । সেয়ে নিজকে শেষ কৰিবলৈ আহিছো"

গুবিন-"পাগল হোৱা নাইতো ? হাতত যে টিফিনটো লৈ আহিছ কি আছে তাত ? পয়জন নেকি ?

লুথক-"হেৰৌ কালি নাহিলেই । আজিও যদি ট্ৰেইনখন নাহে তেন্তে ভোকত নমৰিমনে ?

(এতিয়া কি কৰে কৰক)

By Bhaskarjyoti Das

পতি-পত্নী

পত্নী : হুহ ! কাম নাই বন নাই ! দিনৰ দিনটো খালি ফেচবুক ফেচবুক ! কোনোবা এদিন ফাঁচী লাগি মৰিম ! চাই থাকা !

পতি : ইমান মিঠা সপোনবোৰ নেদেখুৱাবা সোণজনী !

( কি আছিল.... অ'.... সঁচা কথা ক'লে থুলুক বেয়া )

by Marylene Dutta

থুলুক-চিকিত্সা

থুলুকৰ চুবুৰীয়া আমাৰ নগেনৰ ঘৈণীয়েক জেতুকীৰ মন বেয়া। শণিবাৰে পুৱাই পুৱাই আহি থুলুকক গোচৰ দিছেহি। নগেনে সদায় সন্ধিয়া পানী এটুপি খাই আহে। ঘৰত ঘৈণীয়েকৰ লগত চিঞৰি চিঞৰি কাজিয়া কৰে। আৰু তাৰ পাছত মাৰ পিট। তাৰ পাছতহে সি টোপনি যায়।
থুলুকে অলপ সময় ভাবিলে। তাৰ পাছত ক'লে।
 "শুন, এটা ঔষধ আছে। আজি সন্ধিয়া নগেন ঘৰ সোমোৱাৰ লগে লগেই তই পাকঘৰলৈ যাবি। এক চামুচ চেনী, এক চামুচ চাহপাত মিলাই ল'বি।
তাৰ পাছত আধা কাপ ঠাণ্ডা পানীত সেইখিনি দি দিবি।
এতিয়া মুখত যিমানখিনি পাৰি সিমানখিনি ভৰাই ল'বি। মুখৰ ভিতৰত প্ৰথমে বাওঁফালে কুলু আৰু তাৰ পাছত সোঁফালে কুলু। আকৌ বাওঁফালে কুলু, সোঁফালে কুলু। এই ৰকম কৰি থাকিবি নগেন নোশোৱালৈকে। বুধবাৰে আহি মোক জনাবি। মনত ৰাখিবি কিন্তু, প্ৰথমে বাওঁফালে কুলু।"

বুধবাৰে পুৱাই জেতুকী থুলুকৰ ঘৰত। মুখত এমোকোৰা হাঁহি।
"দাদা, আপুনি কি ঔষধ দিলে এইটো!!!! আমাৰ এখেতৰ এইকেইদিন মুখৰ মাতেই নাই।
 কাজিয়া, মাৰপিট বহুদূৰৰ কথা।"

থুলুক: "দেখিলিটো নিজৰ মুখখন বন্ধ কৰি ৰাখিলে কিমান লাভ!!!!!"

(সঁচা কথা ক'লে থুলুক বেয়া।)

by Rajib Ranjan

-নবীন আৰু থুলুকৰ শেহতীয়া ৰিজলিউছন-

সৰুৰে পৰা বিজ্ঞানী বা উদ্ভাৱক বা মহত্‍ লোক হোৱাৰ বাসনাক পুহি ৰখা নবীন আৰু থুলুকে বিভিন্ন ধৰনৰ সুত্র বা নতুন কিবা আবিষ্কাৰ বা নতুন মহত্‍ লোকৰ বানীৰ উদ্ভাৱনৰ বাবে আপেল গছৰ পৰা আইফিল টাৱাৰলৈকে , ভুগোলৰ পৰা গুগুললৈকে , ৰাসায়ন বিজ্ঞানৰ পৰা মহাভাৰত ৰামায়নলৈকে সকলো ঘুৰি পঢ়ি চলাথ কৰিলে । আৰু চার্ভেটো শেষ হোৱাৰ পিছত দুয়ো ভালকে কথা বোৰ জুকিয়াই চাই মন কৰিলে যে সিহতে উদ্ভাবন কৰিব বিছৰা প্রায় সকলোবোৰ আবিষ্কাৰ বা মহৎ লোকাৰ বানী নিউটন অইন্ষ্টাইন কলম্বাছ ৰামানুজন শংকৰদেৱ ডাক আদিকে ধৰি বহুকেইজন মহান মনিষীয়ে ইতিমধ্যে উদ্ভাৱন কৰিয়েই পেলাইছে । সেয়ে ইহত দুয়োটাৰ ভাগত আবিষ্কাৰ কৰিবলে একোয়েই নাপালে । এই অৱস্থাত হতাশ হৈ দুয়ো এতিয়া এটা উমৈহতীয়া সিদ্ধান্তত উপনিত হ'ল যে 

" আজি নিউটন দা হ'তে যেনেকৈ দুদিন আগতে পৃথিবীলে অহাৰ সুবিধা লৈ আমাৰ বাবে একো আবিষ্কাৰ কৰিবলে নোথোৱাকে স্বার্থপৰৰ দৰে সব আবিষ্কাৰ কৰি পেলালে। আমি দুয়ো কিন্তু নতুন প্রজন্মৰ বাবে তেনে স্বার্থপৰৰ দৰে কাম নকৰো । আজি লেকে যি হ'ল হ'ল আৰু, বাকী নতুন হ'ব লগিয়া কিবা আৱিষ্কাৰ বা মহৎ লোকৰ বানী আছে যদি সেইবোৰ নতুন প্রজন্মক দিলো উদ্ভাৱন কৰিবলে । আমি সেই বোৰ আবিষ্কাৰ কৰি নতুনৰ উদ্যম বা আকাংক্ষাক আশাহত নকৰো কাহানীও । "

এই বুলি দুয়ো বিজ্ঞানী হোৱাৰ বাসনাক মাকৰ ঘৰলে পথাই নিজৰ নিজৰ সংসাৰত ব্যস্ত হৈ পৰিল | ধন্যবাদ |

By Mon Zeet

A letter to Thuluk

চিঠি

থুলুক কলেজ হোষ্টেলত থাঁকোতে তেওঁৰ মাকে দিয়া চিঠি: 

বেটা থুলুক,

আশা কৰোঁ হোষ্টেলত চব ঠিকেই চলি আছে, কাৰণ আমাৰ ইয়াতো চব ঠিকেই চলি আছে, কেৱল দেউতাৰৰ স্কুটাৰ খন হে মাজে মাজে নচলা হয় | সেইখন বেচি মেলি চাইকেল এখনকে কিনিবলৈ কৈছোঁ, কিন্তু দেউতাৰে কৈছে সেইখন বেচাৰ পিছতো হেনো চাইকেল কিনিবলৈ পইচা কম পৰিব | 

অ’ আখৰবোৰ লাহে লাহে লিখিছোঁ, পাহৰিয়ে গৈছিলোঁ তই খৰ খৰকৈ পঢ়িবলৈ অসুবিধা পাৱ’ বুলি তাতে মোৰ যি হে লতাবৰণীয়া আখৰ! 

আচ্ছা, আমি পুৰণি ঘৰটো বেচি দি নতুনকৈ ভাড়া ঘৰ এটা ল’লোঁ | কাৰণ টো হ’ল, দেউতাৰে ডিচকাভাৰী চেনেলটো চাই থাকোঁতে এদিন দেখিলে যে মানুহৰ হেনো বেছিভাগ এক্সিডেন্ট নিজৰ ঘৰৰ বিশ কি.মি.ৰ ভিতৰতেই ঘটে, সেইকাৰণে আমি গুণা-গঁথা কৰি সেই ঘৰটোৰ পৰা একৈছ কি.মি. দূৰৈলৈ গুছি আহি এই ভাড়া ঘৰটো ল’লো হি- আফটাৰ অল, দেহা থাকিলেহে বেহা, নহয় জানো ? মই তোক এড্ৰেছটো দিম বুলি ভাবিছিলোঁ, কিন্তু প্ৰ’বলেম টো হ’ল, নতুন ঘৰটোৰ হাউছ নাম্বাৰটো নাজানো | কাৰণ আগৰ ভাড়াতীয়া জনে নাম্বাৰ-প্লেটখন উঘালি লৈ গ’ল, যাতে নতুন ঘৰত লগাব পাৰে, আৰু তেওঁলোকৰ এড্ৰেছটো‍ও সলনি নহয় | ক’বই লাগিব- কেনে টেঙৰ মানুহ, নহয় জানো? 

নতুন ঘৰটোত, নতুন ঠাইত থাকি খুবেই ভাল লাগিছে | বতৰো ভাল, যোৱাটো সপ্তাহত দুবাৰ হে বৰষুণ দিছিল- প্ৰথমবাৰ দিওঁতে তিনিদিন আৰু দ্বিতীয়বাৰ দিওঁতে চাৰিদিন থাকিল | আচ্ছা, তই যে কৈছিলি কোটটো কুৰিয়াৰ কৰি দিবলৈ? দেউতাৰে ভাবিলে যে, কোটৰ গধুৰ বুটাম কেইটাৰ কাৰণে মিছা-মিছি কুৰিয়াৰত বেছি কে দাম ভৰিব লাগিব, গতিকে মই বুটাম কেইটা কাটি পকেটতে ভৰাই পঠালোঁ- এতিয়া মাৰ কিমান টেঙৰ বুলি লগৰ সোপাক কৈ নুফুৰিবি আক’- সিঁহতৰ নিজৰ মাকবোৰৰ কথা ভাবি দুখ লাগিব নহয় | 

অ’ পাহৰিছিলোৱেই, সেইদিনা মামাৰ আহিছিল, দেউতাৰ আৰু মোক ফুৰাবলৈ লৈ গ’ল | কিন্তু নমাৰ সময়ত গাড়ীৰ ভিতৰতে চাবিকোচা থাকি গ’ল আৰু মামাৰে ভূলতে বাহিৰৰ পৰা দুৱাৰখন ল’ক কৰি পালে | দুঘন্টা সময় যুঁজি যুঁজি শেষত গ্লাছ ভাঙি হে চাবিটো উলিয়াই পিছফালৰ দুৱাৰখন খুলি আমাক উলিয়াব পাৰিলে, নহ’লে তো আমি গাড়ীৰ ভিতৰতে ৰাতিটো বহি থাকিব লগা হ’ল হয় | মামাৰ নতুন গাড়ীখনলৈ দুখেই লাগে পায় |

অ’ যতীন বৰদেউতাই হুইস্কীৰ ফেক্টৰীটোত কাম কৰি থাকোঁতে টেংকীতে পৰি গ’ল নহয়, মানুহবোৰে টানি উলিয়াবলৈ চেষ্টা কৰোঁতে গালি পাৰি ডুব দি পাৰে মানে মদ খালে, খাই মেলি তাতে পৰি মৰি থাকিল :( | শ্মশানত জ্বলাওঁতে পূৰা তিনিদিন একেৰাহে জ্বলি থাকিল- এইটো চাগে ৱ’ৰ্ল্ড ৰেকৰ্ডেই হ’ব, নে কি কৱ? 

আৰুনো কি লিখিম, দিবলগীয়া একো খবৰ নাই বুলি দেখিছই দেখোন; পিছত চিঠি দিম দে | ভাত বনাবলৈ আছে | 

ইতি, 
মৰমৰ মা

এনভেলপৰ ওপৰত:- ছে: টকা কেইটামান পঠাম বুলি ভাবিছিলোঁ, এনভেলপটো আঠা লগাই বন্ধ কৰি পালোঁ নহয়, ওপৰতে ষ্টেপল মাৰি দিছোঁ, বেয়া নাপাবি দেই |

by Changmai#

মদাহিৰ প্ৰতি সহানুভূতি

পত্নী- মদাহিৰ প্ৰতি মোৰ কোনো সহানুভূতি নাই!!! 
পতি- দুইপেগ মান দি লোৱাৰ পাছত তোমাৰ সহানুভূতিৰ ও দৰকাৰ নাই ৷৷ 
খিক খিক 

by Bhaskar Barukial

মহা বিপদ

বৰুৱা: কি হে কলিতা, ইমান কে মন মাৰি আছ যে?
কলিতা: এহ নক’বি বুজিছ নে, একদম পয়মাল | 
বৰুৱা: কেছ টো কি?
কলিতা: এহ মোৰ ঘৈণীজনী যে... তাই মেক আপ কৰিলে ইমান টকা লাগে যে ম‍ই মেক-আপৰ খৰচ টো ডাইজেষ্ট কৰিব নোৱাৰোঁ, মেক- আপ নকৰিলে আক’ তাইকে ডাইজেষ্ট কৰিব নোৱাৰোঁ !!!
বৰুৱা: হি হি হি, ন’ কমেন্ট বুলি হে ক’লো আৰু দেই !!!

by Changmai#

প্ৰিয় বন্ধু

BEST FRIENDS


কলিতা:- ভাই, ত‍ই তো মোৰ বেষ্ট ফ্ৰেণ্ড | ধৰি ল’ চোন কেনেবাকৈ গম পালি যে আজি ম‍ই সন্ধিয়া মৰি থাকিম, তেতিয়া ত‍ই কি কৰিবি ?

ডেকা:- চিম্পোল, ম‍ই তোক দুপৰীয়া ক’ম- " ঐ কলিতা, তোৰ গাড়ীখন, ক্ৰেডিট কাৰ্ডখন, ব্লেকবেৰী মোবাইলটো, এল.চি.ডি টিভিটো এদিনৰ বাবে ধাৰলৈ দে না, কাইলৈ ঘূৰাই দিম | "

by Changmai#

চাউলেৰে জুখিবা মৰম ...

Ex-boyfriends

কলিতা: হেৰা, কথা এটা সুধিম, সঁচা কৈ উত্তৰ দিবা নে ?
কলিতানী: সোধক না 
কলিতা: মানে বিয়াৰ আগতে তোমাৰ কেইজন বয়ফ্ৰেণ্ড আছিল নো?
কলিতানী: এক মিনিট ৰ’ব দেই 
ভিতৰলৈ গৈ কলিতানীয়ে ২০০ টকা আৰু ৪ টা চাউল আনি কলিতাৰ হাতত দিলে |
কলিতা: এইয়া কি নো ? 
কলিতানী: মানে, যেতিয়াই ম‍ই নতুন বয়ফ্ৰেণ্ড এটা পাওঁ, ঠোঙা এটাত এটাকৈ চাউল জমা কৰি থৈ যাওঁ | 
কলিতা: অ’ সেইটো কথা | মাত্ৰ চাৰিটা হে বয়ফ্ৰেণ্ড, কি কোৱা হে ...? মোৰেই দেখোন ছয়জনী গাৰ্লফ্ৰেণ্ড আছিল | :))
কলিতানী: ... দুদিনমান আগতে পাঁচকিলো চাউল বেচি ২০০ টকা পাইছোঁ, ২০০ টকাটো দেখা নাই নেকি কিবা? :)))

by Changmai#

সঁচা কাহিনী

এবটল বীয়েৰ আৰু এডাল সাপ আৰু এডাল কেঁচু 

ডেকাই কোৱা সঁচা কাহিনী | বিশ্বাস কৰিলে কৰিব, নকৰিলে নো মোৰ কি ডাল আহে যায় ...!!! ;)

গৰমৰ দিন, দেওবাৰ | কি কৰিব ভাবি ভাবি ডেকাই এহাতত বৰশী আৰু এহাতত এটা ঠাণ্ডা বিয়েৰ লৈ বিলৰ পুখুৰীটোলেই মাছ মাৰিবলৈ ওলাই গ’ল | তালৈ গৈ হে মনত পৰিল যে মাছক দিবলৈ টোপ আনিবলৈ পাহৰিলেই নহয় | ইফালে সিফালে অলপ পায়চাৰি কৰাৰ পিছত দেখিলে সাপ এটাই কেঁচু এডাল মুখত লৈ লাঞ্চ কৰিবলৈ লৈছে | সাপডালৰ নেগুৰত গচকি ডেকাই কেঁচুডাল কাঢ়ি আনিলে | 

কাঢ়ি আনিলে হয়, কিন্তু কিছু পৰৰ পিছতে ডেকা অনুশোচনাৰ অগনিত দগ্ধপ্ৰায় হ’বলৈ ধৰিলে- এটা নিৰীহ প্ৰাণীৰ পৰা তাৰ ভোজন কাঢ়ি অনাটো কোনো পধ্যেই প্ৰকৃত মানৱৰ লক্ষণ নোহে | আত্মগ্লানিৰ অগ্নিত দহি ছাই হৈ যোৱাৰ আগতেই ডেকাই গৈ সাপটোৰ মুখত হাতত থকা বীয়েৰ বটল টোৰ পৰা দুটোপমান ঢালি দিলেগৈ- খা, ইয়াকে খাই তোৰ ভোক নিবাৰণ কৰ- বুলি | 

তত্পশ্চাত্‍ নিশ্চিন্তমনেৰে ডেকাই সুহুৰি বজাই বজাই কেঁচুৰ টোপ লগাই বৰশী বাই আছে | খন্তেক পিছত ভৰিত চেঁচা চেঁচা কিবা অনুভৱ হোৱাত ডেকাই তললৈ লৈ দেখে- সেই সাপডালে মুখত আৰু তিনিডাল কেঁচু আনি তাৰ ভৰিৰ ওচৰত থৈছেহি | 

সাপ:- আৰু যিমান কেঁচু লাগে আনি দিম, কিন্তু আৰু দুই চিপ মাৰিবলৈ দে না.... পিলিজ |

By Changmai#

Thuluk: An egg story

থুলুকে কুকুৰা এজনী পুহিছে, নতুনকৈ।

 এতিয়া ডেইলী দুটাকৈ কুকুৰাৰ কণীৰে ব্ৰেকফাষ্ট, থুলুকৰ ভাষাত লাইফ ইজ বিউটিফুল।
 পিছে আজি পুৱাই লাগিল নহয় কেণা।
 কুকুৰাই গৈ কণী পাৰিলে চুবুৰীয়া নগেনৰ চৌহদত।
থুলুকৰ মতে কুকুৰাৰ ককাক-আইতাক বাংলাদেশৰ, সীমাৰ সিপাৰলৈ যোৱাৰ স্বভাৱটো সেয়েহে জন্মগত। নগেনৰ ঘৰত যিহেতু কণী পাৰিব পৰা একো জীৱ নাই, গতিকে থুলুকে দস্তুৰমত কণীটো ডিমাণ্ড কৰিলে।

 নগেনৰ যুক্তি কণীটো বোলে ভগবানৰ দান, চমৎকাৰ। সীমাৰ ভিতৰৰ যিকোনো বস্তু তাৰ নিজৰ। থুলুকৰ টেমা গৰম হৈ গ'ল।

 থুলুক: "ঠিক আছে। তয়ো জান আৰু ময়ো জানো, ভগবানে আহি বহি লৈ তোৰ চোতালত কণী পৰা নাই। কণী পাৰিছে মোৰ কুকুৰাজনীয়ে। গতিকে আমি এটা কাম কৰো। দুইটাই দুইটাকে দুইভৰিৰ মাজত এগোৰ এগোৰ মাৰো। যাৰ গোৰৰ জোৰ বেছি, কণীটো তাৰ।"

নগেন গায়ে-পায়ে বিশাল আকাৰৰ। গতিকে সি সন্মত হ'ল। তাৰ একগোৰ খাই থুলুক যে আৰু উঠিব নোৱাৰে সি খাটাং।

 থুলুক: "যিহেতু কণীৰ উৎসটো মানে কুকুৰাজনী মোৰ বস্তু, গতিকে প্ৰথম মই গোৰ মাৰিম।" নগেনে দুইভৰি মেলি থুলুকৰ সন্মুখত থিয় দিলে। একদম হেণ্ডছ আপ পজিছন। গাৰ সমস্ত শক্তিৰে, পাঁচ খোজ দৌৰি, ফুটবলত পেনাল্টী শ্বট লোৱা টাইপ থুলুকে আহি নগেনৰ দুই ভৰিৰ মাজত এটা দূৰ্দান্ত গোৰ দিলে।

 গোৰ খাই নগেনে মাক-দেউতাক-ককাক-আইতাক-আজোককাক-আজোআইতাক সকলোৰে নাম চিঞৰি তিনি লুটি দি চিৎভোলোঙা খাই পৰিল। প্ৰায় আধা ঘণ্টা মান লাগিল তাক কিবা এটা ক'ব পৰা হ'বলৈ।

তাৰ পাছত যেনে তেনে, কেকোঁ জেকোঁকৈ থিয় হৈ সি ক'লে "এইবাৰ মোৰ পাল।"। "এহঃ, হ'ব দে কণীটো তয়েই ৰাখ।"

 এইবুলি কৈ থুলুক নিজৰ ঘৰলৈ গুচি আহিল।

 (সঁচা কথা ক'লে থুলুক বেয়া।)

 By Rajib Ranjan

MISDIRECTION

পতি-পত্নী দুয়ো ডেলিভাৰী ডেটৰ এদিন আগতে গৈ হস্পিতালত উপস্থিত হ'ল। ডাক্টৰে চব চাই মেলি ক'লে নৰ্মেল হ'ব, চিন্তা কৰিবলৈ একো নাই। পাছে এটা কথা। আমি নতুন পদ্ধতি এটা উলিয়াইছো য'ত প্ৰসব বেদনা স্বামীলৈও ট্ৰেন্সফাৰ কৰিব পাৰি। 
আপোনালোকেও কৰি চাব নেকি?
 যিহেতু বিষ-কষ্ট দুয়োজনৰ মাজত ভাগ হৈ যায় গতিকে পত্নীৰ কষ্ট কম হওক বুলি পতিয়ে ক'লে নিশ্চয়।

পাছদিনা নিৰ্দ্দিষ্ট সময়ত পত্নীৰ প্ৰসব বেদনা আৰম্ভ হ'ল। 
এখন বিচনাত পত্নী আৰু আনখনত এগালমান যন্ত্ৰপাতি লগাই লৈ পতি মহাশয়। ডাক্টৰে আৰম্ভণিতে "বেদনা ট্ৰেন্সফাৰ"ৰ পৰিমাণ ১০% ৰাখি পতিক ক'লে যে যদিও খালী ১০%, কিন্তু মতা মানুহ প্ৰায়ভাগেই জীৱনত ইমানখিনি বেদনা অনুভৱ কৰি পোৱাই নাই।

আমাৰ পতিদেবৰ ১০%-ত একো অনুভৱেই নাই হোৱা, ইফালে পত্নীয়ে টেটুফালি চিঞৰিছে বিষত। পতিয়ে বোলে ডাক্টৰ ২০% কৰি দিয়া, এওঁ বৰ কষ্ট পাইছে। ২০% হৈ গ'ল, পত্নীৰ চিঞৰ আৰু বাঢ়িছে, কিন্তু পতিদেবে একো বিষ গমেই পোৱা নাই। পতিয়ে ডাক্টৰক ক'লে ৫০-৫০ কৰি দিয়া।
 ইফালে বেবী এই আহোঁ, এই আহোঁ, পত্নীয়ে চিঞৰ কমাইছে, কষ্টৰ ৫০% পতিয়ে লৈছে আফটাৰ অল। 

পতি জোছত আহি গ'ল, বোলে ডাক্টৰ, ১০০% মোলৈ দি দিয়া, মই পাৰিম। ৫০%তো একো Feel কৰাই নাই। 
ডাক্টৰেও পতিৰ পত্নী প্ৰেম দেখি বিষ ট্ৰেন্সফাৰৰ কাঁটা ১০০%-ত লগাই দিলে। পতিৰ গাত বিষৰ গম গতিয়েই নাই।
 ইফালে পত্নীয়েও আৰামত বিনা কষ্টত হাঁহি হাঁহি এটা সুন্দৰ স্বাস্থ্যৰ ল'ৰা জন্ম দিলে আৰু এঘণ্টাৰ পাছতে ঘৰ যোৱাৰ অনুমতিও পালে।

পতি-পত্নীয়ে কেচুঁৱা লৈ ঘৰ গৈ পাই দেখিছে সিহঁতৰ ঘৰৰ বাৰাণ্ডাতে প্ৰায়ে আহি থকা কুৰিয়াৰৰ ডেলিভাৰী বয়টো মুখ বিকটাই মৰি পৰি আছে।

by Rajib Ranjan

MORNING BLUES

মাক- থুলুক, ইমান দেৰিলৈকে শুই থাক কেলৈ? পুৱা সোনকালে উঠি অলপ কাম-চাম কৰিলেহে জীৱনত ডাঙৰ মানুহ হ'ব পাৰিবি ?"

থুলুক চকু মোহাৰি মোহাৰি-

হবই নোৱৰে মা, তেনে হোৱা হ'লে পেপাৰৱালা আৰু গাখীৰৱালা দুনীয়াত আটাইতকৈ ডাঙৰ মানুহ হ'ল হয়। এতিয়া শুবলে দে... "

____________________________________
-সঁচা কথা ক'লে থুলুক বেয়া- (হিঃহিঃহিঃহিঃহিঃ)

by Ractim G

DUPLICATE KEY ?

তাজমহলৰ কেচটোৰ পিছত থুলুক অলপ ঠাণ্ডা হৈ আছিল, গম পাইছে বেছি সচা কথা কোৱাটো যে বিপদ্দজনক কিন্তু আজি পুৱাই পুৱাই পুতেক চিত্তক ডাক্তৰ তাত যাবলগীয়া হৈ আকৌ সঁচা কথা ক'ব লগত পৰিল।

ডাক্তৰ- কওকচোন?
থুলুক - ল'ৰাটোৱে ঘৰৰ চাবিটো খঙতে গিলি দিলে।
ডাক্তৰ- কেতিয়া?
থুলুক - তিনিমাহ মান হ'ল।
ডাক্তৰ- আজি কিয় আহিল তেনেহ'লে?
থুলুক - দুপলিকেট চাবিটো হেৰাল সেই কাৰণে। চিত্তক ওলোটাই দিছো কি সুমুৱাই কেনেকৈ চাবিটো উলিয়াই আনে আনক ফটাফট। 

____________________________________
-সঁচা কথা ক'লে থুলুক বেয়া- (হিঃহিঃহিঃহিঃহিঃ)

by Ractim G

Funny Names

চীনা পৰিয়াল এটাত... 

প্ৰথম সন্তানৰ নাম দিলে দুয়ো মিলি... " ছিং-ছং- ফং", 

পত্নীয়ে দ্বিতীয় সন্তানৰ নাম ৰাখিলে.. " ছাং-ছিং-কং"

তৃতীয় সন্তানটি ’নিগ্ৰো’ উপজিল..... !!

পতিয়ে নাম দিলে এইবাৰ... " ছাম-থিং-ৰং" !!! 

By Bornaly H

থোলোক

থোলোক ঘৰতে আছিল। বৰষুণ দি আছে গোটেই দিনটো, ক'লৈ নো যাব। লেণ্ডলাইন ফোনটো বাজিল। থোলোকে উঠাইলৈ বোলে হেল্ল'।
সিফালৰ পৰা সুধিছে, "হেল্ল', থোলোক?" "হয়" "ঘৰতে আছানে?"
থোলোকৰ টেমা গৰম হৈ গ'ল। উত্তৰ দিলে: "নাই, ফোনটো ডিঙিত আঁৰি লৈ বজাৰত মাছ কিনিবলৈ আহিছো।"

(সঁচা কথা ক'লেই থোলোক বেয়া)

Contributed by Rajib Ranjan

মালতী

নামেও তৰিব পাৰে
হাতত বন্দুক লৈ ডকাইত : - এতিয়া মই তঁহত দুয়োটাকে এটা এটাকৈ গুলীয়াই মাৰিম | ঐ ছোৱালী নাম কি হা তোৰ? 

কলিতানী: - মা মা... মালতী

ইম’চনেল হৈ ডকাইত: - ছে: যা... মোৰ আইতাৰ নামো মালতী আছিল | ভাগ্য ভাল তোৰ, ত‍ই বাচি গ’লি | পিছে তোৰ মানুহটো কিন্তু নাবাচিব | তোৰ নাম কি হা?

কলিতা: - লটকন, লটকন কলিতা, কিন্তু চবেই মোক মৰমতে "মালতী" বুলিহে মাতে |

by Changmai#

Hair- Care

চিন্তা আৰু চুলি


জুনমুন: - মাম্মী মাম্মী... পাপ্পাৰ কেলে চুলি ইমান কম? আগ তপা যে?

মাম্ম্মী: - পাপাই বেছি বেছি চিন্তা কৰে যে.. চিন্তা কৰিলে চুলি সৰেই | যিমান চিন্তা, সিমানেই চুলি-সৰণ |

জুনমুন: - অ’ ওৱাও.... | এতিয়া হে বুজিলোঁ তোমাৰ চুলিকোচা কিয় ইমান দীঘল | খিক খিক |

by Changmai#

ভাড়াঘৰ

ভাড়াঘৰৰ মালিক: মাহে ৫০০ টকা দিব ৷

ভাড়াতীয়া: সেইটো বাৰু ঠিকেই আছে, কিন্তু আপোনাৰ ঘৰত নিগনিয়ে নাচি আছে দেখোন ৷

ভাড়াঘৰৰ মালিক: চাল্লা.. ৫০০ টকাত নিগনিয়ে নানাচি কি শীলাই “শীলা কী জৱানী” নাচিব নেকি.....

contributed by Abhijit Dehingia

মুৰ্গী অৱতাৰ

কলিতাই এদিন খাই বৈ ফিটিং হৈ ঘৰলৈ উভতিলে | ইমানেই ফিটিং যে খবৰ নাই একো, চিধাই আহি বিচনাত লাং খাই দিলে |


অলপ পিছত কলিতাৰ আত্মা টো উৰি গৈ স্বৰ্গ পালেগৈ ... কলিতাই দেখে কথা বিষম | যেনে তেনে কাও বাও কৰি মেলি ভগৱানক কাকূতি কৰি আৰু এবাৰৰ বাবে চান্স এটা দিবলৈ সৈমান কৰিলে | ভগৱানে কলিতাক মুৰ্গী বনাই পৃথিৱীলৈ পঠাই দিলে |


কলিতা একদম খুচ... আহিয়েই কণী এটা পাৰিলে; খুব ভাল লাগি গ’ল মনটো | দ্বিতীয় কণীটো পাৰিবলৈ লৈছে হে, তেনেতে মূৰতে কোনোবাই টঙনিয়াই দিলে |



উঠি দেখে- বেলনা মাৰি হাতত লৈ উগ্ৰচণ্ডী কলিতানী:- গেলাসোপা খাই আহিছে তো আহিছেই, এতিয়া টোপনিতে বিচনাতে হাগুও কৰি দিছে... বিপ বিপ বিপ (মানে গালিবোৰ বিপ কৰি দিছোঁ ) বিপ বিপ |

by Changmai#

AGAR MEIN KAHOON

ল'ৰা : অগৰ মে কহু....... মুঝে তুমছে মোহবত হে......... মেৰি বছ য়েহি চাহত হে ত' ক্যা কহোগে ??

ছোৱালী: মে তুমঝে কহোংগি...... য়েই বাত অগৰ তুম কহি খানা খিলাকে কহতে.... 

জাৰা ম’বাইল মেঁ বেলেঞ্চ দালৱাকে কেহতে ত' আচ্চা হোতা...............

Contributed by Ishanjyoti

Plz Don't Change the Topic

পুখুৰীৰ পাৰত কচুপাত এখিলাত বহি ভেকুলী এযোৰাই ডেটিং মাৰি আছিল . . .

১নং ভেঃ— টাৰ্...ৰ্..ৰ্..ৰ্...ৰ্
২নং ভেঃ— টাৰ্...ৰ্..ৰ্..ৰ্...ৰ্
আকৌ……
১নং ভেঃ— টাৰ্...ৰ্..ৰ্..ৰ্...ৰ্
২নং ভেঃ— টাৰ্...ৰ্..ৰ্..ৰ্...ৰ্
আকৌ . . .
১নং ভেঃ— টাৰ্...ৰ্..ৰ্..ৰ্...ৰ্
২নং ভেঃ— ফাৰ্...ৰ্..ৰ্..ৰ্...ৰ্
১নং ভেঃ— টাৰ্...টাৰ্...টাৰ্...টাৰ্...ৰ্..ৰ্..ৰ্...ৰ্
সোণজনী Topic change নকৰিবিচোন....

Contributed By Abhijit Dehingia