অসমীয়া গাজা

 

অসমীয়া কৌতুক ছবি

 

ৰচনা

অই কনপিটৌ, "তই ৰচনা কোনখন লিখিলি"? টিউচন মাষ্টৰ প্ৰদিপে সুধিলে ।
" ছাৰ," মহাত্মা গান্ধী"খন লিখিলো।" কনপিটৌ ৱে যথেষ্ট উৎসাহেৰে ক'লে।

" হৈছে আৰু, তই কি লিখিছ মই গম পাইছোঁ, হব এই ১৫ নম্বৰ বাদ দিয়াই ভাল" প্ৰদীপ মাষ্টৰে প্ৰশ্নকাকতখন লৈ ক'লে।
"এ নহয় ছাৰ, মই ৰচনা ভালকৈয়ে লিখিছোঁ "। কনপিটৌৱে ক'লে
"বাৰু তইনো কি ' মহাত্মা গান্ধীৰ' ৰচনা লিখিলি গাই শুনাছোন " মাষ্টৰে ক' লে।

"শুনক তেতিয়াহলে" বুলি কনপিটৌৱে ৰচনা আৰম্ভ কৰিলে
" মহাত্মা গান্ধী "
১৪৫৯ চনৰ শুক্লা দশমী তিথিত মহাত্মা গান্ধীৰ জন্ম হয়। তেখেতৰ পিতৃৰ নাম 'কুসুম্বৰ গান্ধী' আৰু মাক ইন্দিৰা গান্ধী। সৰুতেই মহাত্মা গান্ধীৰ মাকৰ মৃত্যু হোৱাত, বুঢ়ীমাক খেৰসুতীয়ে তেওঁক গুৰু দ্ৰোণাচাৰ্য্যৰ টোলত নাম লগাই দিয়ে।
মহাত্মা গান্ধীয়ে প্ৰথমতে ভৰিৰ গোৰোহালৈকে লেটিয়াই চুৰিয়া পিন্ধিছিল, কিন্তু এদিন এটা প্ৰকাণ্ড ষাঁড় গৰুৱে খেদা মাৰি আহিল, কোনোমতে মহাত্মা গান্ধীয়ে ষাঁড় গৰুটোৰ শিঙত ধৰি বগৰাই দিয়ে আৰু নিজেও জোঁটপোট খাই পৰে। সেইদিনাৰ পৰাই মহাত্মা গান্ধীয়ে আঁঠুৰ মুৰত চুৰিয়া পিন্ধিবলৈ লয়।
ষাঁড় গৰুটো বগৰাই ভাগৰে জোগৰে আমন জিমনকৈ বেঞ্চ এখনত বহি থাকোতেই মহাত্মা গান্ধীয়ে এটা আপেল সৰি পৰা দেখে আৰু লগে লগে তেওঁ যতৰ আবিষ্কাৰ কৰিলে।

মহাত্মা গান্ধীয়ে ভাৰতৰ পৰা ইংৰাজক বিতাৰণ কৰিবৰ বাবে যথেষ্ট সংগ্ৰাম কৰিব লগা হৈছিল। ইংৰাজৰ লগত সংগ্ৰাম কৰি ১৮২৬ চনত " ইয়াণ্ডাবু" নামৰ ঠাইত সন্ধি" কৰিব লগীয়া হৈছিল। সন্ধিত ইংৰাজে সুধিলে, "তুমি আমাৰ পৰা কেনে ব্যৱহাৰ বিচাৰা"?
মহাত্মা গান্ধীয়ে ক'লে, "ৰজাৰ দৰে"।
মহাত্মা গান্ধীৰ মৃত্যু বৰ কৰুণ আছিল। "লোণ আইন" ভংগ কৰাৰ বাবে এদিন "দণ্ডি - যাত্ৰা"ত ভাগ লৈ মহাত্মা গান্ধী, খোজ কাঢ়ি আহি থাকোতে পিয়াহত অণ্ট - কণ্ঠ শুকাই এটা নিজৰাত পানী খাবলৈ ল' লে। সেই সময়তেই আকৌ ৰজা দশৰথে মৃগয়া কৰিবলৈ গৈছিল। দশৰথৰ হাতত এদাল "শব্দভেদী বাণ" আছিল, ৰজা দশৰথে মহাত্মা গান্ধীয়ে নিজৰাত পানী খাই থকা শব্দটো শুনি ভাবিলে, এইয়া নিশ্চয় কোনোবা মৃগই পানী খোৱাৰ শব্দ। লগে লগে দশৰথে "শব্দভেদী বাণ" এৰে আৰু মহাত্মা গান্ধীৰ ভৰিত লাগি তেখেতৰ "বৈকুণ্ঠ প্ৰয়াণ" হয়।

কনপিটৌ ৰচনা শুনি প্ৰদীপ মাষ্টৰো কোনোমতেহে বৈকুণ্ঠ প্ৰয়াণ হোৱাৰ পৰা ৰক্ষা পৰে 😂😂😂

এটা শব্দত প্ৰকাশ কৰা

এটা শব্দত প্ৰকাশ কৰা----

এজন ৰজাই যদি কৰিবলগীয়া কামটো পাহৰি যায় তাক কি বুলি কোৱা হ'ব বাৰু
=কিং(King)কৰ্তব্যবিমূঢ়

আমেৰিকালৈ গৈ তাতে বগৰী কিনিলে সেই বগৰীক কি বুলি কোৱা হ'ব??
=ডলাৰ(Dollar) বগৰী

যিজন ব্যক্তিয়ে বেছিকৈ ঘুৰি নুফুৰে,ঘৰতেই থাকে। ফুৰাত ৰাপ নাই, তেওঁক কি বুলি কোৱা হয় =অফুৰন্ত

বেছি জনা লোক =জানোৱাৰ।

বিশেষ ভাবে অজ্ঞ ব্যক্তি =বিশেষজ্ঞ

কামৰ পৰা মূৰ তুলিব নোৱাৰা লোক = কামুক

কাম কৰি ভাল পোৱা লোক =কামাতুৰ

ভাত খাবৰ কাৰণে পেটটো কুটকুটাই থকা =ভাকুটকুত

ভাত খোৱা মানুহ =ভতুৱা

ঘূৰি ফুৰা মানুহ =ঘূৰনীয়া

পত্নী ৰ কথা মতে নচা পতি= নাচপতি

মূৰত চুলি নথকা লোক = মুকলিমূৰীয়া

দূৰলৈ উৰিব পৰা = দূৰন্ত

কাণৰ তলত মৰা চৰ = কাণতলীয়া চৰ

 খেলি থাকোতে মুখখন মেলি দিয়া কাৰ্য = খেলিমেলি

খিলখিলাই হাঁহি বেয়া পোৱা মানুহ =অখিল

ঘড়ী পিন্ধা মানুহ =ঘঁৰিয়াল,

নিপিন্ধা মানুহবোৰ= অঘড়ী

ৰ আৰু যা =ৰজা

চা চোন কৰি-চাকৰি

পতনৰ বাবে অঞ্জলি দিয়া =পতঞ্জলি

মূখ্য ব্যক্তি লগতে মন্ত্ৰী = মূখ্যমন্ত্ৰী

যি লংকাৰ নহয়-অলংকাৰ

গৰু গৰু নোগোন্ধাবলৈ যি লগোৱা হয়= অগৰু

যি সংসাৰত পতিৰ দম বেছি = দম্পতি ।

জোৱাঁয়

By: Gubin Gogoi

বিয়াৰ মাত্ৰ ছবছৰ হৈছে ।
পাচোটা লৰা ছোৱালী । ষষ্ঠ বাৰ আকৌ কেচুৱা হবৰ হলত জোৱাঁয়ে গোটেই পল্টনটো লৈ শহুৰেকৰ ঘৰলৈ বুলি ওলাল ।
আগৰ দিনত কেচুঁৱা জন্ম হবৰ সময়ত মাকৰ ঘৰলৈ ছোৱালী যোৱাটো এটা নিয়ম আছিল ।
.
দুৰৰ পৰাই গোটেই কাবাদী টীমটো দেখি শহুৰৰ মুৰ গৰম হৈ গল । জোৱাঁইক  দেখিয়ে হাতত থকা কুঠাৰ খন লৈ
শহুৰে খেদা মাৰি আহিল । চাল্লা নীলাজ, কাণ্ডজ্ঞান পুৰি খোৱা , ৰস নোহোৱা নেমু , শুকান জেওৰাখুটি ... তই বছৰে  বছৰে গৰুৰ নিচিনা ... এই ছোৱালীজনী মৰি নাথাকিবনে ?
.
তোৰ মুৰত কি আছে ?
.
জোৱাঁয়ে বোলে দেউতা , কিয় খং কৰিছে ?
.
সকলো ঈশ্বৰৰ ইচ্ছা । নাপায় । তাতে মই আপোনাৰ কথা আখৰে আখৰে পালনহে কৰিছো ।
.
শহুৰ:- তই মোৰ কি কথা পালন কৰিছ , খাবলৈ নোপোৱাৰ জাত ?
.
জোঁৱাই:- দেউতা , ছোৱালী উলিয়াই নিওঁতে আপুনি কি কৈছিলে মনত পেলাওক ! বোলে তই ছোৱালী নিছ নে
পিছে তাইক খালী পেটে নাৰাখিবি । কৈছিলে নে নাই ?
.
শহুৰ বেহুচ ....... জোৱাঁই দিলখুচ
. কেনে লাগিল ?

অসমীয়া সমাজৰ জনজীৱনৰ কোডৰ কৌতুক

by: Dina R. Borah

কিমান কৌতুকপূৰ্ন আছিল তাহানিৰ অসমীয়া 'কোডত' কোৱা উক্তিবোৰ । শুনিলেই ভাল লাগি গৈছিল কিন্তু কোড ভাঙি অৰ্থ ওলিয়াওঁতে কিমান যে উজুটি ,হামখূৰি খাব লগা হৈছিল ।


তাৰে দুটামান লিখিছো পঢ়ি কেনে পালে জনাবচোন ।

১। এগৰাকী গাঁৱৰ তিৰুতাই গাঁৱৰে আন এগৰাকীক কোডত কব লগা হল যিহেতুকে সিগৰাকীৰ গিৰীয়েকে শুনিলেও বুজি নাপায়।

" তোমাৰ যিটো বস্তু আছে মোৰ সেয়া নাই । মোৰ আকৌ যি আছে সেয়া তোমাৰ নাই যাৰ বাবে তোমাৰ থকা বস্তুটো তোমাৰ কামত অহা নাই এনেয়ে পৰি আছে । সেয়ে তোমাৰ বস্তুটো মোকএদিনৰ বাবে
দিয়া মই মোৰ থকাটোত সুমুৱাইলৈ বিয়া এখন খাই আঁহোগৈ ।"
"হব বাৰু নিবা ।" সিগৰাকীয়ে উত্তৰ দিলে ।
জানেনে বস্তুটো কি ?

২। আগৰ দিনৰ মহিলাই স্বামীৰ নাম মুখৰে নকয় । সেয়ে কেতিয়াবা স্বামীৰ নামৰ লগত মিল থকা শব্দ বা বস্তুৰ নাম কব লগীয়া হলে কোডতে কৈছিল ।যেনে:-
"ভাত কিহেৰে খালি অ ?" এগৰাকীয়ে সুধিলে ।
" এ আমাৰ তেখেত সিদিনা তেখেতবৰলৈ গৈছিল তাৰ পৰা তেখেত অলপ আনিছিল । তাকে কালিও আজিও তেখেতকে ভাজি২ ভাত খাইছো । তেখেতবিলাক ইমান তেখেতঐ এতিয়াও মুখ খন
তেখেত তেখেত লাগি আছে ।" কওকচোন কি পাচলি?

৩। ঘাটত নাও পাৰ হব লাগে । স্বামী থাকিল বহুত পিচত ন হাতত নাই পইচা । তিৰুতা গৰাকীয়ে ঘাটৈক কৈছে যে স্বামী পাচে পাচে আহিআছে পইচা তেও দিব । নাৱৰীয়াই স্বামীৰ নাম সুধিলে ।
তিৰুতা গৰাকীয়ে কোডতে কলে: " তিনিত তেৰ গুনে মধ্যে বাৰ ন দিয়া যোগ কৰা উত্তৰৰ পাচত
লগাবা ৰাম সেয়াই মোৰ স্বামীৰ নাম ।এতিয়া পাৰ কৰি দিয়া ঘৰল যাম।
নামটো কব পাৰিবনে ?

৪। বিয়াৰ বাবে কইনা চাবলৈ ছোৱালীৰ ঘৰত ডেকা লৰা । ছোৱালীৰ বাপেকে সুধিছে লৰাৰ ঘৰুৱা অৱস্থা কেনেকুৱা ।
লৰাই কোডত কলে :-
" হাতী দাঁতৰ ৰুৱা, ৰদ জিলিকে পূৱা, দুহাল বাবলৈ তিনিটা লাগে তাকে চাই ছোৱালী দিয়া নে নিদিয়া ? "

এনে বহুত কোডত কোৱা কথা অসমত অলেখ । বহুতে জানে কিন্তু চৰ্চা নাই । এয়াও অসমীয়াৰ ঐতিৰ্য্য। সযতনে সংৰক্ষিত কৰি ৰখা ভাল । পইতা ভাত আৰু পোৰা মাছৰ দৰেই ৰুচিকৰ।

উত্তৰ:- ১। কাণত পিন্ধা থূৰীয়া , ২। তিতা (কেৰেলা,ফুল)
৩। ষাঠীৰাম ৪। মৰাঠাৰীৰে বনোৱা ঘৰৰ চাল আৰু বলধ গৰু
এটাহে আছে ।

আৰু আছে। ভাল লাগিলে আৰু লিখিম ।

কেইটামান ৰূঢ় বাস্তৱ ঘটনা

• স্কুটাৰ বা বাইকখন ভাল কৰাৰ পিছত হাতত যেতিয়া ম'বিল লাগি থাকে তেতিয়াই আপোনাৰ নাকটো খজুৱাব।
• ধৰক আপুনি টিকটৰ বাবে শাৰী পাতি আছে। কাষৰ শাৰীটোত মানুহ কম দেখি সেইটো শাৰীত যদি থিয় হয় দেখিব আগৰ শাৰীটোৱেই খৰকৈ গৈ আছে।
• টেলিফোনত ভুল নাম্বাৰ ডায়েল কৰিলে নাম্বাৰটো কেতিয়াও বিজি নাথাকে।
• যেতিয়াই কাৰোবাক দেখুৱাব বিচাৰে যে বস্তুটো ভালদৰে কাম কৰা নাই তেতিয়া ই ঠিকেই কাম কৰিব।
  
• কাৰোবাক লৈ ফুৰিবলৈ যোৱাৰ সময়ত কোনোবাই নেদেখাটো যদি বিচাৰে তেতিয়া চিনাকি কোনোবা ওলাবই ওলাব।
• বাটত পোষ্টবক্স দেখিলে আপোনাৰ মনত পৰিব- ইচ ৰাম, চিঠিখন আজিও অনা নহ'ল!
• ক'ৰবাত যাবলৈ বাছত উঠাৰ পিছতেই আপোনাৰ মনলৈ আহিব- পানীৰ মটৰটো অফ কৰা হ'ল নে নাই বা!
• বহুপৰলৈ নন্ ষ্টপ পঢ়াশুনা কৰাৰ পিছত এক চেকেণ্ডৰ বাবে ম'বাইলটো হাতত লোৱাৰ লগে লগেই দেউতা সোমাই আহিব- 'পঢ়াৰ সময়ত খালি ম'বাইল!'
• বছক যদি বাইকৰ টায়াৰ পাংচাৰ হোৱা বাবে পলম হোৱা বুলি কয় তেনেহ'লে পিছদিনা সচাঁকৈয়ে টায়াৰ পাংচাৰ হ'ব!
• ৰাতি পথৰ দাতিঁত যেতিয়া সৰুপানী চুবলৈ যায় তেতিয়াই তীব্র হেডলাইট জ্বলাই গাড়ী এখন মাটি ফুটি হ'লেও ওলাব (পৃথিৱীৰ প্রতিজন পুৰুষৰ এই অভিজ্ঞতা আছে)
• ফেচবুকত যেতিয়া কোনো ছোৱালীৰ লগত chatting জমি উঠে তেতিয়াই মানুহজনী আহি ওলাব !!
• উঠি যোৱাৰ এলাহত মুখত চোবাই ধকা বগৰী গুটিটো খিৰিকিৰে দলিয়াই দিলে ৰডত লাগি উভতি আহিব, কিন্তু মূল্যবান কিবা দলিয়াই দিলে পাৰহৈ ক'ৰবাত পৰিবগৈ ।
• অলাগতিয়াল,আবৰ্জনা বুলি পেলাই দিয়া বস্তু এটা পিছত লাগতিয়াল হৈ পৰে। এনে সময়ত ভাব হয়, ছে বস্তুটো মই কিয় পেলাই দিলো । 
• বেকাৰ থকা সময়ত প্ৰেয়সীয়ে ফোন নকৰে । কিন্তু যেতিয়াই কিবা এটা important কাম কৰিবলৈ লব, তেতিয়া মোবাইলটো ধাৰাসাৰ বাজি থাকিব । 
• মানুহজনক যেতিয়া দৰকাৰ নাথাকে বাটে-ঘাটে তেওঁক লগ পায় থাকিব । কিন্তু যেতিয়া তেওঁৰ প্ৰয়োজন হব দিনটোত ২৫ বাৰ তেওঁৰ ঘৰলৈ গৈ বাটৰ দুৱৰি মাৰি দিলেও তেওঁক লগ নাপায় ।

**হোষ্টেল লাইফ**

By: Dipu Borah

আজি কিবা এটা ভাগ্যৰ বলত এখন চেমিনাৰ এটেণ্ড বুলি সেই বহুবছৰৰ আগেয়ে শিক্ষাজীৱন এৰি থৈ অহা চহৰখনত পুনৰবাৰ উপস্থিত হলোহি....

চেমিনাৰ খনত মন নবহাত উলাই আহি অটো এখন লৈ পূৰ্বে এৰি থৈ অহা হোষ্টেল অভিমুখে লৈ যাবলৈ চালক জনক নিৰ্দেশ দিলো...


যিমানেই হোষ্টেলৰ কাষ চাপি গৈছো সিমানেই আবেগিক হৈ পৰিছো। সকলো ফালেই পৰিৱৰ্তন । আগৰ কেঁচা দোকান, শিলগুটি দিয়া পথসমূহ পকী হল, মুঠতে এই কেইবছৰতে বিৰাট পৰিবৰ্তন ....

অটো ৰোৱাৰ মাত্ৰেই দৌৰি গৈ ৰূম নং:-১০৫ সম্মুখত ৰৈ বন্ধ দুৱাৰত নক কৰিলো....... কোন বুলি সোধাত নিজকে প্ৰাক্তন আবাসী বুলি পৰিচয় দিয়াত দুৱাৰখন খুলি দি ভিতৰলৈ মাতিলে.......

ভিতৰ সোমাই সকলো এফালৰ পৰা পৰীক্ষা কৰি যাব ধৰিলো ...

সকলো একেই আছে...

সেই একে কাঠৰ পঢ়া টেবুল...

একেটা কাঠৰ আলমাৰি....

একেই ৰছিত উলমি থকা কাপোৰ..

একেই চিগাৰেটৰ গোন্ধ ....

একেই সেই পকী দেৱালত বলিউদৰ নায়িকাৰ উত্তেজক ফটো...

একেই সেইখন খিৰকি, যিখন খুলিলে ছোৱালী হোষ্টেলৰ গেটখন দেখা পোৱা যায়..

আৰু এইখন টো সেইখনেই কাঠৰ বিচনা যত মই তিনিবছৰ পাৰ কৰিলো....

সেইবুলি বিচনাখনৰ চাদৰ খন ডাঙি দিয়াত তলত এজনী ছোৱালী সোমাই থকা দেখি লৰাটোলৈ চালো.......

চাল্লা তাৰো সেই একেই পূৰণা দায়লগ.... "দাদা কিবা ভুল নুবুজে যেন... তাই মোৰ ভণ্টি হয় আৰু তাইৰ এপাত কাণফুলি হেৰুৱাত হে বিচনা তলত বিচাৰি আছে ...."

ৰিজাল্টৰ পিছত..

By: Ashish Majumdar

ৰিজাল্টৰ পিছত..
ছোৱালী১- (কান্দি কান্দি) মাত্র ৯১ পালোঁ।
ছোৱালী২- ( আৰু বেছিকৈ কান্দি) পাঁচবাৰ ৰিভিজন দিয়াৰ পিছতো ৯০ কেনেকৈ পাওঁ?
ছোৱালী৩- মই ৯৩ লৈ দেউতাৰ আগত কেনেকৈ মুখ দেখুৱাম?
ছোৱালী৪- (হায়ৈ বিয়ৈ কৰি) ৯০ত একো লাভ নাই!


ল'ৰাৰ প্রতিক্রিয়া..
ল'ৰা১- এইবাৰ পুৰা কঁপাই দিছো বে..৪৩ পালোঁ
ল'ৰা২- ময়ো পাছ কৰিলোঁ, দেউতাই শুনিলে ডান্স আৰম্ভ কৰি দিব।
ল'ৰা৩- ছাৰে নকল মাৰিব দিছিলে, সেয়ে ওলাই গলোঁ। ছাৰ নহয় বে ভগৱান!
ল'ৰা৪- পুৰা ৩৩ পাইছোঁ, এতিয়াও বিশ্বাস হোৱানাই মই যে পাছ কৰিছোঁ! আজি পাৰ্টি কৰোঁগৈ ব'ল!
আটাইবোৰে সমস্বৰে- ব'ল ব'ল !!!

কোন হয়?

BY: ডঃ মাখন লাল দাস

নগেন আৰু খগেন মিলিটেৰীত ভৰ্ত্তি হ'ল৷

প্ৰশিক্ষণ আৰম্ভ হ'ল৷ সকলো শাৰী পাতি থিয় হৈ আছে৷


প্ৰশিক্ষকজন খগেনৰ ওচৰ পালে আৰু খগেনৰ হাতত থকা বন্দুকটোলৈ আঙুলিয়াই সুধিলে..
: এইটো কি?

খগেনে লগে লগে উত্তৰ দিলে..
: এইটো বন্দুক..

প্ৰশিক্ষকজনে অতি গহীনাই কিন্তু সকলোৱে শুনাকৈ ক'বলৈ ধৰিলে..
: এইটো বেলেগ মানুহৰ কাৰণে বন্দুক৷ কিন্তু তোমাৰ বাবে এইটোৱেই তোমাৰ সকলো৷ই তোমাৰ মান, সন্মান, সাহস, অনুপ্ৰেৰণা..... চমুকৈ ক'বলৈ গ'লে এইটো তোমাৰ মা.....

খগেনে মূৰ দুপিয়াই শলাগিলে...

এইবাৰ প্ৰশিক্ষকজন নগেনৰ ওচৰ চাপি আহিল৷ তেওঁ নগেনৰ হাতত থকা বন্দুকটোলৈ আঙুলিয়াই সুধিলে..
: তুমি কোৱাচোন এতিয়া, তোমাৰ হাতত এইটো কি?

নগেনে তপৰাই ক'লে..
: এইটো খগেনৰ মা...
মানে আমাৰ আন্টি....

পতি-পত্নী

by: Dibakor Borah

এবাৰ এজনী খুলালী নিজৰ ভিনিহিয়েকৰ সৈতে ৰেলত গৈ আছিল। ৰাতি তাই বহু দেৰিলৈকে ভিনিহিয়েকক নিজৰ কাহিনী শুনাই আছিল।

অকস্মাতে ভিনিহিয়েকে তাইক সুধিলেঃ

“আহা আজিৰ ৰাতিটো আমি দুয়োজনে “পতি-পত্নীৰ” দৰে কটাও.. কেনেকূৱা হ’ৱ বাৰু ?”


তেতিয়া খুলালীয়েকে লাজ লাজ ভাৱে ক’লেঃ

“উম..., যেনেকৈ আপোনাৰ ইচ্চা”













ভিনিহিয়েকঃ “ঠিক আছে, তেতিয়া হ’লে তোমাৰ মুখৰ বক-বকনী বন্ধ কৰা আৰু মোক শুবলৈ দিয়া।”

মিছা কথা

by:
Bitupon Saikia
এজন মানুহে এখন ঠাইত এটা ডাঙৰ মিছা কথা কৈ জনপ্ৰিয় হৈ পৰিল । মিছা কথাত বিখ্যাত হৈ পৰা বাবে তেওঁক সকলোৱে চিনি পাইছিল । বিশেষ কাৰণ এটাৰ বাবে তেওঁ অন্য এখন ঠাইত যাব লগা হল ।
সেই ঠাইত প্ৰায় ৭৫ বছৰীয়া বুঢ়ী আইতা এগৰাকী দৌৰি আহি সুধিলে বোপা তইয়ে বিখ্যাত মিছলীয়া মানুহজন নহয় জানো ??????
মানুহ জনে লাহেকৈ কলে :- মানুহৰ কথা বাদ দিয়ক মই আপোনাক দেখি আচৰিত হৈছো আপোনি কিন্তু এই বয়সতো গাভৰু জনী হৈ আছে । গাৰ ৰং , চাল এতিয়াও ধুনীয়া হৈ আছে ............
বুঢ়ীআইতাই :- অলপ লাজ কৰি
........ইছছ
সমাজৰ মানুহ বোৰ বৰ হাৰামি চকু চৰহা থাকে দেই ইমান মৰমীয়াল সচাঁ অন্তৰৰ মানুহকো মিছলীয়া বুলি কয় .............

¤লটিঘটি¤

Naba Krishna Deka

বাপৰে ... বাছখনত কি ভিৰ ?... কিবাকৈ ওপৰফালে থকা লোহাডালত ধৰি লৈ গৈ আছো ।... মোৰ পিচফালে পিঠিয়া পিঠিকৈ বিপৰীত ফালৰ লোহা ডালত ধৰি ঠিয় দি গৈছে এজন ভদ্রলোক ।...

:"হেৰি কিয় টিকা খজুৱাই আছে !"... হঠাত্‍ ভদ্রলোকে মোক উদ্দেশ্য কৰি কলে ।...


:"কিয় খজুৱাইছে মানে !মোৰ টিকা খজুৱাইছে সেইবাবে খজুৱাইছো তাতে আপোনাৰ কি হ'ল ?"... ময়ো বাপ্পেকে অলপ ফায়াৰ হৈয়েই কলো ।...

:"হেৰি, কি মানুহ হে' আপুনি ?.. আপোনাৰ টিকা খজুৱাইছে যদি আপোনাৰ টিকা খজুৱাওঁক ; মোৰ টিকাত আকৌ কিয় খজুৱাই আছে হে' ?"... ভদ্রলোকজনে মোক ডবিয়াই উঠিল ।...

...বৰ লাজ পালো বুজিছে ! গোটেই বাছৰ মানুহে মোক চিৰিয়াখানাৰ ভালুক চোৱাদি ঘূৰি ঘূৰি চাই গির্জনী মাৰি হাঁহিলে ।...

গাঁৱৰ ভগৱান হেৰাইছে

Bitupon Saikia
এখন ঘৰত দুটা বৰ দুস্ট সৰু লৰা আছিল সিহঁতৰ অশান্তি ত মাক দেউতাক ৰ লগতে চুবুৰীয়া সকলো অতিস্ত হৈছিল সিহঁতৰ পৰা সৰু ডাঙৰ কোনো হাত সাৰিব পৰা নাছিল ! সিহঁতক লৈ মাকৰ বহুত চিন্তা হৈছিল তাকে ভাবি লৰা দুটাক এজন বাবাৰ ওচৰলৈ নিলে ।বাবা ই এটা এটা কৰি লৰা দুটাক বুজাবলৈ দায়িত্ব ললে ।

বাবাই শান্ত ভাৱে লৰাটোক অকলশৰীয়া কৈ বহোৱাই সুধিলে বাছা ভগৱান কত আছে জানা ????? লৰা টোৱে একো মাত দিয়া নাই বাবা ই আকৌ সুধিলে বাছা কোৱা আকৌ ভগৱান কত ?????? নাই লৰাটোৰ একো মাত নাই এইবাৰ বাবা ই অলপ ডাঙৰ কৈ মাত দিলে অই বাছা শুনি পোৱা নাই নেকি মই সুধি আছোঁ কিবা এটা ???????
এইবাৰ লৰাটো বহাৰ পৰা উঠিল আৰু ঘৰলৈ দৌৰ দিলে
ঘৰ গৈ ভায়েক ক কলেগৈ "
"
পলা পলা গাঁৱৰ ভগৱান হেৰাইছে কৰবাত । মানুহে আমাৰ দুটাকে সন্দেহ কৰিছে গতিকে পলা

পুণৰ অপাৰেচন

By: Dípankar Nath
অস্ত্রোপচাৰৰ পিছত এজনী ছোৱালীৰ পেটত এখন কেচি সোমাই থাকিল !
.


ডাক্তৰে পৰীক্ষা কৰি কলে যে--
আপোনাক পুণৰ অপাৰেচন কৰিব লাগিব !

ছোৱালী : পাগল নেকি..? প্রথম বাৰ কৰোতেই ইমান ভয় খাই আছিলো !
এইয়া ২০ টকা লওক--

..

..

..

..

'নতুনকৈ এখন কিনি লব..!'

নগেন আৰু ঘৈণীয়েকৰ ফাকুৱা..

By: ডঃ মাখন লাল দাস

ফাকুৱাৰ দিনা ৰাতিপুৱাৰে পৰা নগেনহঁতৰ চুবুৰীৰ সকলোৱে ফাকুৱা খেলিছে৷ নগেনো খেলি-খেলি মছগুল৷
দুপৰীয়া ঘৰলৈ আহি দেখে ঘৈণীয়েকে চুবুৰীৰ সৰু-সৰু ল’ৰাবোৰ এটা এটাকৈ আনি চাবোন ঘঁহি ঘঁহি গা ধুৱাই আছে৷ তেনেদৰে দহটামানক গা ধুৱালে ঘৈণীয়েকে৷ আৰু প্ৰায় ত্ৰিশটামান ল’ৰা গা ধুবলৈ শাৰী পাতি আছিল৷
তাকে দেখি নগেনৰ সহ্য নহ’ল ৷
সি ঘৈণীয়েকৰ ওচৰলৈ আহি ক’লে,
“ আজি চুবুৰীৰ গোটেইবোৰকে গা ধুৱাব খুজিছ নেকি? তোৰ মূৰ গৰম হৈছে নেকি?“
ঘৈণীয়েকে লাহেকৈ ক’লে,
“ ইহঁতবোৰৰ মাজৰ পৰা আপুনিয়েই বিচাৰি দিয়কচোন কোন দুটা আমাৰ বাবলু আৰু মুন্না? তেতিয়া হ’লে মোৰ কামটো সহজ হ’লহেতেন…”
ঘৈণীয়েকৰ কথা শুনি নগেনে শাৰী পাতি থকা ল’ৰাবোৰলৈ ভালদৰে চালে৷
তাৰপাছত সি ঘৈণীয়েকৰ ফালে চালে৷
মিচিকিয়াই হাঁহিলে৷
তাৰপাছত সিও ল’ৰাবোৰক গা ধুৱাবলৈ ধৰিলে, এটা এটাকৈ৷
(সংগ্ৰহ)

ভ'ডাফোন কাষ্টমাৰ কেয়াৰ

By:  Dípankar Nath

আজি দুপৰীয়া এনেই এবাৰ 'ভ'ডাফোন কাষ্টমাৰ কেয়াৰ' অফিচলৈ ফোন কৰিলো..!

হয়তু,
এজনী খুবেই সুন্দৰী ছোৱালীয়ে ফোনটো ৰিচিভ কৰিছিল, কিয়নো লগে লগেই এক সুললিত নাৰীৰ কণ্ঠত ভাঁহি আহিছিল --

..হেল্ল' ছাৰ মই আপোনাক কেনেকৈ
সহায় কৰিব পাৰো ?

দিপাংকৰ : তুমি মোৰ লগত বিয়া
হবা নেকি ?

ছোৱালী : হেল্ল' ছাৰ, আপুনি কাষ্টমাৰ কেয়াৰ অফিচত ফোন কৰিছে, বোধহয় এইটো আপোনাৰ ৰঙ নাম্বাৰ হৈছে ..!

দিপাংকৰ : মই জানো এইয়া
কাষ্টমাৰ কেয়াৰ অফিচ । তুমি মোৰ লগত বিয়া হবানে কোৱা ?

ছোৱালী : মই এতিয়া বিয়াৰ বাবে
আগ্রহী নহয় ..!

দিপাংকৰ : ভাবি ছোৱা, এনেকুৱা 'ফ্রী- অফাৰ' কোনেও নিদিয়ে, হনিমুনত ছিংগাপুৰ লৈ ফুৰাব নিম !

ছোৱালী : (খঙত) মই আপোনাৰ
লগত বিয়া হব আগ্রহী নহয়, আপুনি অফাৰ কিয় দি আছে ?

..

..

দিপাংকৰ : এতিয়া বুজিলেনে বাইদেউ, আমাৰ অশান্তি বোৰ --

যেতিয়া কোনোয়ে আপোনালোকৰ
অফাৰবোৰৰ বাবে আগ্রহী নহয় --

..
..

আপোনালেকে বাৰে বাৰে দিনে ৰাতিয়ে মেজেছ দি কিয় অফাৰ দি থাকে ?

ফঁকৰা যোজনা

By: Bikash Shinobi Ujjal