দেওবাৰ বুলিও শান্তি নাই !!
এই দুপৰীয়াখনো বৌয়ে আশীষদাক
ওপৰৰ তলাৰ বাৰান্দাৰ মকৰাজাল চাফা কৰিবলৈ লগাই দিছে !! কোনোবা নতুন ভাড়াতীয়াই বোলে চাবলৈ আহিব !!
এনেতে
তলৰ পৰা কোনোবাই আশীষদা , অ' আশীষদাকৈ চিঞৰিবলৈ ধৰিলে !!
তললৈ চাই দাদাই মৃণালদাক দেখিলে !!
__ কি হ'ল মৃণাল ? এই গৰমখনতো ওলালাহি যে ?
মৃণালদা = দাদা , বিশেষ কাম এটাতহে আহিলো । অলপ তললৈ আহিব নেকি ?
__ মই কাম এটা কৰি আছো । বেয়া নোপোৱা যদি তাৰে পৰা কোৱাচোন ।
মৃণালদা = ইয়াৰ পৰা ক'বলৈ অলপ অসুবিধা হয় । অলপ তললৈ আহকনা ।
যাবলৈ মন নাছিল যদিও আশীষদা তললৈ গ'ল ।
__ উমম , কোৱা । কি কথা আছিল ?
মৃণালদা = দাদা , মোক টকা অলপ ধাৰলৈ দিব পাৰিব নেকি ?
__ কিমান লাগে ?
মৃণালদা = তিনিহেজাৰ মান লাগিছিল । ১০ তাৰিখৰ আগতেই ঘূৰাই দিম ।
কিছুসময়
চিন্তা কৰি দাদাই মাত মাতিলে = আচ্ছা , ওপৰলৈ আহাচোন !!
আশীষদা আগে আগে আৰু মৃণালদা পিছে পিছে গৈ ওপৰত উপস্থিত হ'ল !
এইবাৰ দাদাই মৃণালদালৈ চাই লাহেকৈ
ক'লে = মৃণাল , পকেট একেবাৰেই খালী হৈ আছে । গতিকে , মই টকা ধাৰলৈ দিবলৈ নোৱাৰিম !
খঙত টিঙিৰিতুলা হৈ মৃণালদাই ক'লে = সেইষাৰ কথা তলতে ক'ব নোৱাৰিলে নেকি ? মিছাতে মোক ওপৰলৈ উঠাই আনিলে যে ?
__ তলত ক'বলৈ মোৰ অলপ অসুবিধা হয় । সেইবাবেহে………
0 Comments