সঁচা ক’লে থুলুক বেয়া...

 এবাৰ চাকৰিসূত্ৰে থুলুক গৈ খ্ৰীষ্টীয়ান ক’লনি এখনত থাকিব লগা হ’ল|

চব ঠিকেই চলি আছিল, পিছে এবাৰ কিবা এটা উত্সৱৰ সময়ত খ্ৰীষ্টীয়ান সকলে এমাহৰ কাৰণে মাছ-মঙহ খোৱাৰ পৰা বিৰত থাকিব লগীয়া হ’ল| 

কিন্তু থুলুকে পুৱা-গধূলি মলমলাই যোৱাকৈ চিকেন ফ্ৰাই, চিকেন মাখনী, চিকেন জ্বলা য়াম য়াম কাৰী ইত্যাদি ৰান্ধি উপভোগ কৰি থাকিল| চিকেনৰ ঘ্ৰাণ নিতৌ নাসিকাৰে গ্ৰহণ কৰি খ্ৰীষ্টীয়ান লোকসকলৰ জিভাৰ পানী পৰিবলৈ ধৰিলে; কিন্তু বেচেৰাহঁতে কৰিব নো কি? নিয়ম যে নিয়মেই- এমাহলৈ লোভ সম্বৰণ কৰিব‍ই লাগিব| আৰু সিফালে থুলুকে তো নিৰৱচ্ছিন্ন ভাৱে কুকুৰা মঙহৰ সোৱাদ লৈ পৰমানন্দৰ সতে উগাৰ মাৰি ফুৰিছে|

কথাটো সাত পাঁচ গুণি খ্ৰীষ্টীয়ান কেইটাই গৈ গীৰ্জাৰ পাদ্ৰীৰ ওচৰত গোচৰ তৰিলেগৈ| 

পাদ্ৰীয়েও গমি পিতি চাই থুলুকক মতোৱাই আনি তাক দিহা দিলে: - যিহেতু তুমি আমাৰ সতেই বাস কৰা, তুমি আমাৰ ধৰ্মলৈ গুচি নাহা নো কিয়?

থুলুকেও বতৰ চাই কঠীয়া পৰাৰ দৰে “হ’ব” বুলি কৈ দিলে|

থুলুকক ধৰ্মান্তৰ কৰা হ’ল| 

পাদ্ৰীয়ে মন্ত্ৰ মাতিলে, “তুমি হিন্দু হৈ জন্ম লৈছিলা, কিন্তু তুমি আজিৰ পৰা খ্ৰীষ্টীয়ান হ’লা” এই বুলি কৈ থুলুকৰ ওপৰত পবিত্ৰ জল ছটিওৱা হ’ল| 

চবৰে মনত শান্তি; আজিৰ পৰা আৰু চিকেন টিকেন বন্ধ|

কিন্তু সেই ৰাতিও থুলকৰ ঘৰৰ পৰা মলমলীয়া সুঘ্ৰাণ বতাহৰ বিয়পিবলৈ ধৰিলে| 

মানুহবোৰ খঙত দল বান্ধি থুলুকৰ ঘৰলৈ ঢাপলি মেলিলে|
দুৱাৰ খোলা আছিল|

দেখা গ’ল… থুলুকে চিকেন ড্ৰাই ফ্ৰাই ডাইনিং টেবুলত লৈ খাবলৈ বহিছে, আৰু পবিত্ৰ জল (হোলী ৱাটাৰ) ছটিয়াই ছটিয়াই চিকেনখিনিক কৈছে: - “তুমি মুৰ্গী হৈ জন্ম লৈছিলা, কিন্তু আজিৰ পৰা তুমি আলু হ’লা” 

by Changmai

পাগল উঠিল খুটাত

এদিন পাগল এটাই আত্মহত্যা কৰাৰ ভাবুকি দি বহুত ওখ লোৰে তৈয়াৰী খুটা এটাৰ ওপৰলৈ উঠি গ’ল আৰু একেবাৰে ওপৰৰ ঠাইকণত বহি ৰ’ল|

মিডিয়া আহিল, মানুহ গোট খালে, মিনিষ্টাৰসকলো আহিল|

মানুহবোৰ: নামি আহ, নহ’লে খুটা টোত জুই লগাই দিম
পাগল নানামিল|

মিডিয়া: নামি আহ, নহ’লে মিচাইল মাৰি দিম|
তেও পাগল নানামিল|

দিগ্বিজয় শিং: নামি আহ, নহ’লে এই কেঁচীখনেৰে লোৰ খুটাটো কাটি পেলাম…

পাগলটোৱে কিবা এটা চিন্তা কৰি সুৰসুৰাই নামি আহিল|

মিডিয়া+মানুহবোৰ: - অ’ই, আমি কওঁতে নানামিলি, ই কওঁতে নামি আহিলি যে?

পাগল: - আপোনালোকৰ মাথাবোৰ ত’ ঠিকেই আছে, কিন্তু ইয়াৰ ভৰসা নাই, যি টি কৰি দিব পাৰে তো…

by Changmai

কৃপণ

এজন কৃপণ বহু ওখ বিল্ডিং এটাৰ ছাঁদৰ পৰা পৰিল৷ 

তলত পৰি মৰাটো খাটাং৷

 তললৈ পৰি গৈ আছে গৈ আছে...

 ৬০ মহলা, ৫০ মলহা, ৩০ মহলা...
 ২৭ মহলাত তেওঁৰ ঘৰ... খিৰিকি মুখত দেখে,

 ঘৈণীয়েকে ৰুটি বনাই আছে...

 পৰি থকা অৱস্থাতে তেওঁ চিঞৰি চিঞৰি ঘৈণীয়েকক কৈ গ'ল....



 "মোৰ কাৰণে ৰুটি নবনাবা..........

by ML DAS

ডাক্তৰী বিদ্যাৰ কিটিপ

একেবাৰে Clean গাজা:

মেডিকেল কলেজত নতুনকৈ এডমিশ্যন লোৱা ছাত্ৰ-ছাত্ৰীসোপাক লৈ চেংমাই ডাক্তৰ লে’বলৈ গ’ল|
চেংমাই: - ল’ৰা ছোৱালীহঁত, ম‍ই আজি তোমালোকক এজন সফল ডাক্তৰ হোৱাৰ ৰহস্য ক’ম|
প্ৰথমটো ৰহস্য- ডাক্তৰে একো বস্তুকে ঘিণ নকৰে! এইয়া মোক চোৱা...

এই বুলি কৈ চেংমাইয়ে এক বাটি বমিত আঙুলি এটা ডুবাই আঙুলিটো উলিয়াই চুপিবলৈ ধৰিলে|
ছাত্ৰ-ছাত্ৰীবোৰৰ অৱস্থা কাহিল...

চেংমাই: - এতিয়া তোমালোকেও ট্ৰাই কৰা... ঘিণ নকৰিবা

যেন তেন চেষ্টা কৰি ৪-৫ টা আহি বমি আঙুলিত লগাই চুহিবলৈ ধৰিলে| আধা ঘন্টাত প্ৰায় খিনি ছাত্ৰ-ছাত্ৰীয়েই আঙুলি বমিত ডুবাই ডুবাই কামফেৰা কৰিলে| কেইজনীমানে তো হকহকাই বমিয়েই কৰি দিলে|

চেংমাই: - অলৰাইট, এতিয়া ৰহস্য নম্বৰ দুই:
একাগ্ৰতা! নহ’লে ডাক্তৰ হোৱাটো বৃথা...| খুব ধ্যান দি কাম কৰিব লাগিব|
তোমালোকে চাগে মন কৰা নাছিলা. ম‍ই বমিৰ বাটিত ডুবাইছিলোঁ তৰ্জনী আঙুলিটো আৰু চুপিছিলোঁ অনামিকা আঙুলিটো হে| হি হি হি হি|

by Changmai

দত্তৰ ডায়েৰী

১৮+

দত্তৰ ডায়েৰীৰ পাতৰ পৰা চুৰি কৰি অনা কাহিনী: -

এদিন তেওঁ পলাশবাৰীৰ পৰা দেৰগাঁৱলৈ বাইকত বহি হেডফোনত গান শুনি শুনি গৈ আছিল| খালী ৰাস্তা|
তেনেতে এখন ফ্লাই-অ’ভাৰ আহিল| দত্ত‍ই দেখিলে এজনী ছোৱালীয়ে ফ্লাইঅ’ভাৰৰ পৰা জঁপিয়াই আত্মহত্যা কৰিবলৈ উদ্যত হৈছে|

ততাতৈয়াকৈ দৌৰি গৈ দত্ত‍ই তাইৰ হাতত ধৰিলেগৈ|
দত্ত: কি কৰা কি কৰা?
তাই: মোক মৰিবলৈ দিয়া, জীয়াই থাকিবলৈ মোৰ অকণ্ণো ইচ্ছা নাই

দত্ত: (অলপ ভাবি) ঠিক আছে, কিন্তু মৰিবাই যেতিয়া মৰাৰ আগতে মোক "চুম" এটি খাই যোৱা না
তাই: (অলপ ভাবি) ঠিক আছে...

"......................"

দত্ত: ৱাহ, কি অপৰূপ| ইমান সৌন্দৰ্য আৰু গুণৰ অধিকাৰী হৈও তুমি কিয় মৰিবলৈ ওলাইছা?
তাই: বহুত ট্ৰেজেদি| ল’ৰা হৈ জন্ম লৈছিলোঁ, কিন্তু ছোৱালীৰ নিচিনাকৈ মেক-আপ কৰি ছোৱালীৰ ড্ৰেছ পিন্ধি থাকিবলৈ ভাল পাওঁ| তাকে ঘৰৰ মানুহে বুজি নাপায়... মোক ল’ৰাৰ লগত হলি-গলি কৰিবলৈকো নিদিয়ে, সেই কাৰণেই মৰিবলৈ ওলাইছোঁ| থেংকছ ফ’ৰ দা কিছ চুইটো...

by Changmai

Kalita Mastor

কলিতা মাষ্টৰে শ্ৰেণীকোঠাত বৰ যত্নৰে পঢ়ুৱায় | 

নপঢ়ুৱাবই বা কিয় ? 

টেটৰ টপাৰ আছিল কলিতা | 
মুখ্যমন্ত্ৰীয়ে নিজ হাতেতে নিয়োগপত্ৰ দিছিল কলিতাক | 

হেন জানি সন্মানৰ কথাও জড়িত হৈ আছে তেওঁৰ | 

টপাৰ হেতুকে বাকী মাষ্টৰবোৰৰ লগত বিশেষ হলি গলি নকৰে কলিতাই |

 ষ্টেটাছৰ কথা আছে নহয় | বছৰেকীয়া পৰীক্ষা ওচৰ চাপি আহিল | 

কলিতাও ব্যস্ত ছাত্ৰবোৰক ৰিভিজনৰ ফাইনেল টাচ্ছ দিয়াত |এদিন শ্ৰেণীকোঠাত........

কলিতা : ছাৱা, ছ’লীহ’ত, তহঁতৰ কিবা সুধিব লগা আছে যদি আজিয়েই সুধি ল’, পিছলৈ আৰু সময় নাই কিন্তু |
তীখৰ : ছাৰ.......

কলিতা( পুলকিত হৈ): কি আছে ক’ আক’, ভয় নকৰিবি, মই আছো নহয় ....

তীখৰ (তামাম লেবেলত): ছাৰ, প্ৰশ্নকাকতখন কোনটো প্ৰেছত ছপাবলৈ দিছে ?

by Sushmita D

মদ খোৱাৰ পিছত

মদ খোৱাৰ পিছত লগৰজনৰ প্ৰতি মুখৰ পৰা ওলোৱা ৮টা বাক্যঃ

১) তইটো মোৰ ভাই হয় দোষ্ট...

২) গাড়ী কিন্তু মই চলাম দেই...

৩) এইটো নাভাবিবি যে মই মদ খাই কৈ আছো...

৪) মই তোক অন্তৰৰ পৰা সন্মান কৰো দেই...

৫) আজি নিচা লগা নাই বে’...

৬) এটা সৰু পেগ আৰু দি লওঁ দে...

৭) ভাই তই ক তোক কি লাগে? তোৰ বাবে টো জান হাজিৰ বে’... দে, চিগাৰেট এটা দে...

৮) মই থাকোতে তই টেনশ্যন কিয় লৱ বে’???

আৰু আটাইতকৈ অন্তৰ চুই যোৱা কথাষাৰ
*
*
*
*
*
*
*
*
*
*
*
*
*
*
*

বুজিছ! কালিলৈৰ পৰা আৰু মদ নাখাওঁ...

by Jnan Jyoti

কাৰ বেছি খং ?

থুলুক: - ল’ৰাৰ বেছি সোনকালে খং উঠে নে ছোৱালীৰ?

চ’নিয়া: - ল’ৰাৰ, অফ কৰ্ছ ল’ৰাৰ...

থুলুক: - না, ছোৱালীৰ বেছি সোনকালে খং উঠে

চ’নিয়া: - কেনেকৈ? প্ৰমাণ?

থুলুক: - ধৰি লোৱা ম‍ই টপৰকৈ তোমাক চুমা এটা খাই দিলোঁ, কেনেকুৱা লাগিব?

চ’নিয়া: - হোৱা.. ট? হাউ ডেয়াৰ ইউ? 

থুলুক: দেখিলা? উঠিলেই নহয় পটকৈ খং? এতিয়া তুমি মোক যিমান মন যায় সিমান চুমা খোৱা, চাবা... মোৰ খঙেই নুঠে|

~ সঁচা ক’লে থুলুক বেয়া ~

by Changmai

থুলুক ফৌজীত থকাৰ দিনৰ কথা

থুলুক ফৌজীত থকাৰ দিনৰ কথা । কাৰ্গিল সীমান্তৰ ডিউটী । ছুটী পোৱা বৰ মুস্কিল । তথাপিও বিহু বুলি এসপ্তাহৰ ছুটীৰ দৰ্খাস্ত লৈ আমাৰ থুলুক মেজৰৰ ওচৰ পালেগৈ । থুলাকৰ হাতত দৰ্খাস্ত দেখিয়েই মেজৰ গৰজি উঠিল । কলে বোলে ,"যা আগতে সিপাৰৰ পৰা টেংক এখন ধৰি লৈ আহ , ছুটী-তুটী পাচত দেখা যাব "

যেনে মেজৰ তেনে জোৱান । সঁচাকে পাছদিনা থুলুক পাকিস্তানৰ টেংক এখন লৈ মেজৰ আগত হাজিৰ ।

মেজৰে খুচ হৈ কলে ,'চাব্বাচ , কোনটো ডিভিজনৰ পৰা আনিলি ?'
.
.
.
.
.
.

থুলুক : ছাৰ এইখন আমাৰেই । যোৱাৱাৰ ঈদত ছুটী লবলে ৰহিমে লৈ গৈছিল |

by Subrat Chetia

প্ৰিয়া মাথো তোমাৰ এখন ফটো

নালাগে মোৰ শুকান বুকু জীপাল কৰিবলে 
নালাগে মোক সপোনত সোণৰ কাৰেং সাজিবলে
বিচাৰিছো প্ৰিয়া মাথো তোমাৰ এখন ফটো 
আমাৰ শাকনিবাৰীৰ পৰা চৰাই খেদিবলে ... 

by subrat Chetia

Nogen Nogenoni

নগেন'নীঃ মোৰ গাটো ভাল লগা নাই আজি..

নগেনঃ এহ মই আক' তোমাক লৈ ৰেস্টুৰেন্টতে ৰাতিৰ সাজ খাম বুলি ভাবিছিলো..হ'ব দিয়া আজি নাযাঁও আৰু।

নগেন'নীঃ এ মই ধেমালিহে কৰিছিলো! মই ওলাইছো ৰ'বা।

নগেনঃ ধেত্‍ আকৰীজনী কৰবাৰ, মইও ধেমালিহে কৰিছিলো। গাহৰি মাংস আনিছিলো, বজাৰ কৰা বেগটোতে আছে, ৰাতিৰ সাজৰ বাবে জলকীয়া-মছলা দি ভালদৰে ৰান্ধিবা যোৱা..

by Dipankar Gogoi 

Saturday MEME

After a Long long week...

Source: 

http://memebazar.blogspot.in/

My Reaction When

My Reaction

Bomb Bomb

‎* Bomb Bomb *

Kali Ganeshguri Flyoveror tolote Bomb dekha puwa gol...
.
.
.
.
.
.
.
.
.
.
.
.
.
.
.
.
.
Oti dukhor kotha, logot taair bf asil babe HI buli kuwau nohol.

by Changmai

Problemo

নগেন ঘৈনীয়েকৰ সৈতে বজাৰ কৰিবলৈ গৈছে 

বজাৰৰ মাজত ধুনীয়া ছোৱালী এজনীয়ে মিচিকিয়াই বজাৰ কৰিছে নগেনদা বুলি মাত দি আগ
বাঢ়ি গল..

নগেনৰ ঘৈনীয়েকৰ নাৰীসুলভ স্বাভাৱিক প্ৰশ্ন "কোন ঔ সেইজনী" 

নগেন: ৰ'বাহে ইমানকে মাথাটো খাই নাথাকিবাছোন, তাইক লগ পালে কাৰ লগত বজাৰ কৰিবলৈ আহিছিলো বুলি কম ভাবি পোৱা নাই :-(

by Dipankar Gogoi

Happy Women's Day

International Women's Day Especial: Happy Women's Day! Don't Take Offence! 

১/ সুৰাপান কৰাৰ পিছত: এজন মতা মানুহৰ চিন্তা কৰাৰ শক্তি কমি যায়, তেওঁ ছেন্টিমেন্টেল হৈ পৰে, তেওঁৰ ড্ৰাইভিং কৰাৰ ষ্টাইল সলনি হৈ যায়, তেওঁ কাজিয়া কৰিবলৈ ভয় নকৰে, সৰু কাৰণতে তেওঁ চকুপানী টোকে, কেতিয়াবা হাও হাওকৈ কান্দে ... 
সুৰাপান নকৰাকৈও: এগৰাকী মহিলাই উপৰোক্ত কামখিনি প্ৰাকৃতিকভাৱেই কৰিব পাৰে | 

২/ এটা বেটেৰী আৰু এগৰাকী মহিলাৰ মাজৰ পাৰ্থক্য কি নো?
- বেটেৰীৰ পজিটিভ আৰু নিগেটিভ দুয়োটা চাইডেই থাকে

৩/ যেতিয়া আপোনাৰ পত্নী/ প্ৰেয়সীয়ে আপোনাক সোধে: তুমি এই বিষয়ে কি ভাবা’ বুলি; তেনেহ’লে ধুৰূপ জানিব, তেওঁ আচলতে আপোনাৰ মতামত নহয়, নিজৰ মতামত টোহে আপোনাৰ মুখেৰে শুনিবলৈ বিচাৰিছে ! 

৪/ মৃত্যুৰ পিছত যেতিয়া কলিতা স্বৰ্গলৈ গ’ল, তেতিয়া ভগবানে এদিন গোটেই মতা মানুহখিনিকে মাতি দুটা শাৰী পাতিবলৈ ক’লে | এটা শাৰীত নিজৰ পত্নীক শাসন কৰিব পৰা পতিসকল থিয় হ’ব আৰু আনটো শাৰীত পত্নীয়ে শাসন কৰা পতি সকল থিয় হ’ব |

দুঘন্টা পিছত ভগবান আহি দেখে যে পত্নীয়ে শাসন কৰা পতি সকলৰ শাৰীটো প্ৰায় ১০০ কি.মি. মান দীঘল হৈছেগৈ আৰু পত্নীক শাসন কৰা মানুহৰ শাৰীটোত কলিতা অকলে থিয় হৈ আছে | 

ভগবান: - চাব্বাছ, এজন হ’লেও সাহসী মানুহ যে ওলাল | কলিতা, কোৱাচোন তুমি তোমাৰ পত্নীক কেনেকৈ আৰু কি দৰে শাসনত ৰাখিছিলা? বাকী পুৰুষসকলেও শুনক আৰু কিবা এটা শিকক | 

কলিতা: - ম‍ই ... ম‍ই সেইবোৰ একো নাজানো দেই, এইমাত্ৰ মোৰ মানুহজনীয়ে আহি কৈ গ’ল, ইয়াতে থিয় দি থাক, নহ’লে ঠেং ভাঙি দিম, সেই কাৰণে হে ম‍ই ইয়াতে ৰৈ আছোঁ ...

ভগবান: - ও’ মাই গ’ড ...........

by Changmai

Mosquito Puwalitu

Moh etar khub furti. Maake karon tu xudhat kole: ma ma jano, manuhbure muk khub bhal pai. :)

Maak: Toi nu kenekoi gom pali?

Moh tu: Muk jetiyai dekhe, hihote anondote taali bojai. 

A Thoughtful Father

Judge: Apunar usorot pistol thokar pisotu apuni nijor potnik kio surire aghat kori hotya korile?

Asaami: Moi mur lora suwali keitar tuponi bhangibo khuja nasilu Judge sahaab! Nohole pis dina school keneke jabo nu? 

Doctor's Advice

Ram: Toi xodai tolor faale mur kori kiyo khuj karho?

Shyam: Nokobi aru, Doctore muk mur petor khayal rakhibole koise je... xei karone ako

Ram Ram

Wife: - Hobo diya aru kiman tipi thaka!!! Haat khon bikhua nai ne?
Husband: - Roba sun tipibole diya....nohole ki korim, nulai sun.
Wife: - Eibar olop uporot tipi sua na
Husband: -O raam, olop agote tipilu sun

Wife: - upai nai aru eta natun 'Colgate' aniboi lagibo..:-P

How it is Done in Assam...

If Electricity goes off in America, they call the power office,

in Japan, they test the fuse

But in Assam, they check out the neighbour's house n say 'sobore goise, thike aase'!

This is the Biggest Joke on Earth

This is the Biggest Joke Ever! 

পাৰ্টী এটাৰ আগতে

ছোৱালী আৰু ল’ৰাৰ মাজত পাৰ্থক্য: -

পাৰ্টী এটাৰ আগতে ছোৱালীয়ে..
ফেচিয়েল কৰে
ৱেক্সিং কৰে
ব্লিচিং
হেয়াৰ কাটিং
হেয়াৰ ষ্ট্ৰিটেনিং
থ্ৰেডিং
ক্লিনজিং
ট’নিং
ম‍ইশ্চাৰাইজিং কৰে
লিপষ্টিক লগায়
লিপগ্ল’ছ লগায়
লিপলাইনাৰ
পাৰফিউম
ট’নাৰ
ল’শ্ব’ন
আই লাইনাৰ
আই শ্বেড’
মাস্কাৰা
ফাউন্ডেশ্যন
ফে’চ পাউডাৰ লগায়
আঙুঠি
নেকলেছ
ব্ৰে’ছলেট
নেইল পলিছ
হাই হিল
ধুনীয়া ড্ৰেছ
জিলিকা বেগ লয়... ইত্যাদি ইত্যাদি

আৰু লগৰজনীক কয়: "চা না, টাইমেই নেপালোঁ, যেনেকে আছিলোঁ তেনেকেই আহি দিলোঁ "

ল’ৰাৰ ক্ষেত্ৰত:-
ল’ৰা এক: ঐ ত‍ই গা ধুই আহিবি নেকি পাৰ্টীলৈ ?
ল’ৰা দুই: পাগল নেকি ইমান ঠাণ্ডাত... চুলিত অলপ পানী লগাই আহিম, বাছ...

by Changmai

নিউটন আৰু তেওঁৰ সূত্ৰসমূহ- Behind the Story

আপেলে খুন্দা মৰাৰ ফলত যে নিউটনৰ মাথাৰ টিউব লাইট জ্ব্লি উঠিছিল আৰু সেই লাইটৰ পোহৰতে নিউটনে মধ্যাকৰ্ষণ বলটো বিচাৰি পাইছিল সেইটো চবে জনা কথা । পিছে কি ঘটনাক্ৰমত পৰি তেখেতে গতি বিষয়ক সূত্ৰ কেইটা পটককৈ লিখি পেলালে সেইটো সৌ সিদিনালৈকে অন্ধকাৰতে আছিল ।

শুনিবলৈ পোৱা মতে সেইদিনা নিউটনৰ ছাগলীতো কেনেবাকে ৰচী ছিঙি মুকলি হ’ল আৰু মুকলি হৈয়ে চেঁকুৰ মেলিলে । নিউটনো সুদাই এৰা ভকত নহয় , তেথেতেও লগালে পাছে পাছে লৰ । আগে আগে ৰচী ছীগা ছাগল , পাছে পাছে আমাৰ আইজাক পাগল ।

এবাৰত যেনে তেনে নিউটনে ছাগলীৰ নেজত থাপ মাৰি ধৰি ৰখালে আৰু লগে লগেই বোলে লিখি পেলালে প্ৰথমটো গতি সূত্ৰ “বাহিৰৰ পৰা বল প্ৰয়োগ নকৰা পৰ্য্ন্ত, স্থিতিশীল বস্তু এটা স্থিতাৱস্তাত আৰু গতিশীল বস্তু এটা একে গতিৰে সৰলৰৈখিক দিশত গতি কৰে”

লিখি উঠিয়েই নিউটনে খঙত ছাগলীৰ টিকাত সোধালে প্ৰচন্ড গোৰ । গোৰ (F)খাই ছাগলীয়ে বেবালে ,”মে (MA)” । আৱিস্কাৰ হ’ল মাজুটো সূত্ৰ "F=MA"

সূত্ৰ লিখি উঠিছিল কি নাই ছাগলীয়েও দিলেহি নিউটনক প্ৰচন্ড খুন্দা । খুন্দা সহিব নোৱাৰি নিউটন চিত ভোলোঙা খাই বাগৰি পৰিল । তেতিয়াই বোলে তেখেতে অনুভৱ কৰিলে ,”প্ৰতিটো ক্ৰিয়াৰে একোটা সমান আৰু বিপৰীত মুখী প্ৰতিক্ৰিয়া থাকে” ।

আৰু এই অনুভৱেই পাচলৈ তৃতীয়টো সূত্ৰ হিচাপে জনাজাত হ’ল

(টোকা : কথাখিনি মোৰ নিজৰ নহয় । দায়-দোষ নধৰিব । যি ভাগে শুনিছো মাথো তাকে ৰাইজক জনালো)

by Subrat Chetia

Puzzles

দুয়ে দুয়ে তিনি কেতিয়া হয়?- যেতিয়া অংক ভুল হয়

মানুহ ৰাতি কিয় বিছনালৈ যায়?-কাৰণ বিছনাখনে যে নিজে আহিব নোৱাৰে

কোনটো ড্ৰেছ চবৰে আছে কিন্তু কোনেও পিন্ধিব নোৱাৰে?-এড্ৰেছ

by Changmai