মাঘ বিহু সমাগত, সেয়ে কনটিলৌৰ গা সাতখন - আঠখন । চহৰৰ পৰা ককায়েক নবৌয়েক ঘৰলৈ আহিব । প্ৰতিটো বিহুতে আহে, এইবাৰো আহিব । সেয়ে বিহু বুলিলেই তাৰ মনটো কিবা আনন্দ আনন্দ ফিলিংছ এটাই সাৱতি ধৰে । আচলতে আচল কথাটো ককায়েক নবৌয়েকৰ আগমন নহয় ।সিহঁতৰ লগত প্ৰতিবাৰে ককায়েকৰ খুলখালিয়েক, মানে নবৌয়েকৰ ভনীয়েকো আহে । পদুমী.... তাইৰ নাম মনত পৰিলেই দেখুন কিবা ৰিং-ৰিং, চাং-চাং অনুভৱ কৰে । আয়ৈ কি চেহেৰা তাইৰ । বোলো চকুলৈকে চাবা নে ওঁঠলৈকে চাবা । আস্... তাইলৈ মনত পৰিলে তাৰ বিহু গীত এটাকে গাই দিবৰ মন যাই .....
বোলে-
কিনো চেহেৰাৰে স্ৰজিলে
তোকে ঐ পদুমী,
গাত যৌৱনৰ জুই ।
এইবাৰো যে তাই আহিব সেয়া সি খাটাংকৈ ধৰি ল'লে । মাজে মাজে তাৰ মনত খোকোজা নলগা নহয়, আহেবা নাহে পদুমী ।ককায়েক নবৌয়েককো সুধিব নোৱাৰি ।তাৰ কিবা লাজ বোলা পদাৰ্থবিধ নাই নেকি.....?
কালিলৈ উৰুকা ।মেজি ৰেডি, ভোজৰ হাঁহ কোমোৰা সকলোৰে বন্দবস্ত হৈ আছে ।মানুহ বাঢ়িলে বস্তু কমিব । কোনো কথা নাই, চোৰ কৰা সংস্কৃতিক দোঁহাই দি এমাহৰ বাবে বস্তু গোটোৱাত সি অদ্বিতীয় এক্সপাৰ্ট । সেইবোৰ মেনেজ হৈ যাব । আজি আবেলি ককায়েকহঁত গাৱৰ ভূমিত অৱতৰণ কৰিবহি । লগত তাৰ বিয়াৰ ৰাণী, ধ্যেৎ কিবা বোলেনে হিয়াৰ ৰাণী পদূমী ।আজি আৰু ঠাণ্ডা বুলি গা নোধোৱাকৈ থাকিব নোৱাৰি ।একদম গাৰপৰা গোটেই মলিবোৰ খহাই পেলাব সি । তাৰ গাত থাকিবলৈ পাই সিহঁতৰ টেম্পাৰ বাঢ়ি গৈছে সিহঁতৰ । অৱশ্যে সিহতে তাক বৰ ভাল পাই ।তাৰ ক'লা-খহটা ছালখনত আঙুলিৰে ৰোকা মাৰি আহ বুলিলেই নখৰ ফাকত সোমাই আহে । ৰহ্ বাপেকে আজি বিহু দেখুৱাম ।সি আঙুলিৰ মূৰত হিচাপ কৰিলে পুহৰ দুই তাৰিখে জেতুকি হতঁৰ পুখুৰিত মাছ ধৰোতেই ধোৱা গা ।এমাহেই হ'বৰ হ'ল ।হওঁক ।গা ধুলেহে প্ৰবিত্ৰ হয় নেকি ।উপাই নাই আজি ধূবই লাগিব ।গাৰ পৰা যিহে গোন্ধ ওলাইছে ।আজি তাৰ গাত থাকিব কেৱল প্ৰেম প্ৰেম গোন্ধ ।
ছিঃ যি সোপাহে মলি ওলাইছে তাৰ গাৰ পৰা ।তাৰ নিজৰে ঘিন লাগি গ'ল ।সি ঘহি আছে, মলি ওলাই আছে.... ঘহি আছে, মলি ওলাই আছে..... ।ৰাম ৰাম । ইমান মলি ।তাৰ কনটিলৌ নামৰ মানুহটোৰ ভিতৰত সোমাই থকা মনটোলৈ টিঙিচকৈ খং উঠি গ'ল ।যত চব এই মনটোৰ বাবেই ।এই এমাহত তাৰ এবাৰলৈতো মন যাব পাৰে গা ধূবলৈ ।নাই মনকান নাই সেইবোৰত ।এতিয়া পদুমীয়ে এইবোৰ দেখিলে কি ক'ব ।হৰি হৰি । সি তাৰ মনটোক অভিশাপ দিৱৰ মন গ'ল ।ৰৌ ৰৌ নৰকত পৰিবি তই অ । মনটোতো তাৰ ভিতৰতহে আছে ।যদি মনটো নৰকলৈ নাযাওঁ বুলি কয় । জন্মৰে পৰা সি মনটোৰ সৈতে একেলগে আছে । এতিয়া নৰকলৈ যাব লাগে বুলিয়েই মনটোক এৰি দিবনে সি ।যদি মনটোৰ লগত সিয়ো নৰকলৈ যায় পদুমীক কেনেকৈ পাব সি ।মনটোৰ লগৰ ইমান দিনৰ মিতিৰালিয়ো শেষ কৰিব নোৱাৰি ।কি কৰে এতিয়া সি ।যাহ্ পদুমীকো এটা অভিশাপ দি দিয়া হওঁক ।তেতিয়া তাইয়ো নৰকলৈ যাব ।তাত সি লগ পাব.... সংসাৰ পাতিব..... ।
"পদুমী, যা তয়ো নৰকলৈ যা" ।
by: Dibya Jyoti Saikia
বোলে-
কিনো চেহেৰাৰে স্ৰজিলে
তোকে ঐ পদুমী,
গাত যৌৱনৰ জুই ।
এইবাৰো যে তাই আহিব সেয়া সি খাটাংকৈ ধৰি ল'লে । মাজে মাজে তাৰ মনত খোকোজা নলগা নহয়, আহেবা নাহে পদুমী ।ককায়েক নবৌয়েককো সুধিব নোৱাৰি ।তাৰ কিবা লাজ বোলা পদাৰ্থবিধ নাই নেকি.....?
কালিলৈ উৰুকা ।মেজি ৰেডি, ভোজৰ হাঁহ কোমোৰা সকলোৰে বন্দবস্ত হৈ আছে ।মানুহ বাঢ়িলে বস্তু কমিব । কোনো কথা নাই, চোৰ কৰা সংস্কৃতিক দোঁহাই দি এমাহৰ বাবে বস্তু গোটোৱাত সি অদ্বিতীয় এক্সপাৰ্ট । সেইবোৰ মেনেজ হৈ যাব । আজি আবেলি ককায়েকহঁত গাৱৰ ভূমিত অৱতৰণ কৰিবহি । লগত তাৰ বিয়াৰ ৰাণী, ধ্যেৎ কিবা বোলেনে হিয়াৰ ৰাণী পদূমী ।আজি আৰু ঠাণ্ডা বুলি গা নোধোৱাকৈ থাকিব নোৱাৰি ।একদম গাৰপৰা গোটেই মলিবোৰ খহাই পেলাব সি । তাৰ গাত থাকিবলৈ পাই সিহঁতৰ টেম্পাৰ বাঢ়ি গৈছে সিহঁতৰ । অৱশ্যে সিহতে তাক বৰ ভাল পাই ।তাৰ ক'লা-খহটা ছালখনত আঙুলিৰে ৰোকা মাৰি আহ বুলিলেই নখৰ ফাকত সোমাই আহে । ৰহ্ বাপেকে আজি বিহু দেখুৱাম ।সি আঙুলিৰ মূৰত হিচাপ কৰিলে পুহৰ দুই তাৰিখে জেতুকি হতঁৰ পুখুৰিত মাছ ধৰোতেই ধোৱা গা ।এমাহেই হ'বৰ হ'ল ।হওঁক ।গা ধুলেহে প্ৰবিত্ৰ হয় নেকি ।উপাই নাই আজি ধূবই লাগিব ।গাৰ পৰা যিহে গোন্ধ ওলাইছে ।আজি তাৰ গাত থাকিব কেৱল প্ৰেম প্ৰেম গোন্ধ ।
ছিঃ যি সোপাহে মলি ওলাইছে তাৰ গাৰ পৰা ।তাৰ নিজৰে ঘিন লাগি গ'ল ।সি ঘহি আছে, মলি ওলাই আছে.... ঘহি আছে, মলি ওলাই আছে..... ।ৰাম ৰাম । ইমান মলি ।তাৰ কনটিলৌ নামৰ মানুহটোৰ ভিতৰত সোমাই থকা মনটোলৈ টিঙিচকৈ খং উঠি গ'ল ।যত চব এই মনটোৰ বাবেই ।এই এমাহত তাৰ এবাৰলৈতো মন যাব পাৰে গা ধূবলৈ ।নাই মনকান নাই সেইবোৰত ।এতিয়া পদুমীয়ে এইবোৰ দেখিলে কি ক'ব ।হৰি হৰি । সি তাৰ মনটোক অভিশাপ দিৱৰ মন গ'ল ।ৰৌ ৰৌ নৰকত পৰিবি তই অ । মনটোতো তাৰ ভিতৰতহে আছে ।যদি মনটো নৰকলৈ নাযাওঁ বুলি কয় । জন্মৰে পৰা সি মনটোৰ সৈতে একেলগে আছে । এতিয়া নৰকলৈ যাব লাগে বুলিয়েই মনটোক এৰি দিবনে সি ।যদি মনটোৰ লগত সিয়ো নৰকলৈ যায় পদুমীক কেনেকৈ পাব সি ।মনটোৰ লগৰ ইমান দিনৰ মিতিৰালিয়ো শেষ কৰিব নোৱাৰি ।কি কৰে এতিয়া সি ।যাহ্ পদুমীকো এটা অভিশাপ দি দিয়া হওঁক ।তেতিয়া তাইয়ো নৰকলৈ যাব ।তাত সি লগ পাব.... সংসাৰ পাতিব..... ।
"পদুমী, যা তয়ো নৰকলৈ যা" ।
by: Dibya Jyoti Saikia
No comments:
Post a Comment