এডজাষ্ট

By: Pratibhu Dutta

আজি হেনো প্ৰপোজ কৰিব লাগে ৷
মালি ৰাতিপুৱাই গৈ বাছ ষ্টপত হাজিৰ ৷
ছিফনৰ ৰঙা শাড়ী পিন্ধি অহা মেনকা বৰুৱাক দেখি মালি আগুৱাই গ’ল ৷

‘‘আই লাভ ইউ, মিছেছ মেনকা বৰুৱা !’’

মেনকা বৰুৱা জাঙুৰ খায় আহিল,
‘‘পাগল হৈছে নেকি ?
মই বিবাহিতা বুলি নাজানে ? মোৰ এজন হাজবেন্ড আছে ৷
আৰু মোৰ অফিছতো এজন বয় ফ্ৰেন্ড আছে ৷ মোৰ এক্স বয়ফ্ৰেন্ডটো এতিয়াও আমাৰ ঘৰৰ ওচৰতে থাকে ৷
তাতে যোৱাকালি ৰোজ ডে বুলি মোৰ বছেও মোক প্ৰপোজ কৰিছে ৷ মই এতিয়ালৈকে তেওঁক না বুলি কোৱা নাই ৷ এতিয়া আকৌ আপুনি আহি কৈছে আই লাভ ইউ !!!!
উফ্ মই পাগল হৈ যাম !!!!’’

মালিয়ে লাহেকৈ ক’লে, ‘‘তথাপিও চাবচোন কেনেবাকৈ এডজাষ্ট কৰিব পাৰি নেকি !’’