'ৰগৰ' ৰ চলেৰে....

বাছ ষ্টেণ্ডত থিয় হৈ এজনী ছোৱালীক, এটা ল'ৰাই বহুসময় ধৰি একলেথাৰিয়ে চকুৰ টিপ নমৰাকৈ চাই আছিল ।

......থা .. চচ...চচ !!

ছাল্লা, অসভ্য ঘৰত তোৰ 'মা-ভন্টি' কোনো নাই নেকি ? এনেকৈ ছোৱালী চাব তোৰ লাজ নালাগে ?

.....এটা প্রচণ্ড চৰ গালত শোধাই ছোৱালীজনীয়ে সুধিলে !

ৰঙা পৰা গাল খন খেপিয়াই খেপিয়াই থুকা-থুকি মাতেৰে ল'ৰাটোৰ উত্তৰ --

...."ক্ষমা কৰিবা ভন্টি, ঘৰত 'মা' আছে, কিন্তু ভন্টি প্রায় এমাহমান আগতে ঢুকাইছে যাক দেখিবলৈ সাইলাখ তোমাৰ দৰে, সেইহে তোমাক এপলক নোছোৱাকৈ নোৱাৰিলো" !

ছোৱালী জনীয়ে কিবা এটা কব বিছাৰিছিল যদিও ঘূৰি দেখে --

.......ল'ৰাজন তাইৰ ওচৰৰ পৰা বহুদূৰ আতঁৰি গৈছে ।

By: Dípankar Nath